مهم >>بلييز الي يقدر يفيدني لا يقصر في (استفسارات عن معدلات الطب)

[Ghadeer.N]

السلام عليكم ...
بليز يا حلوييين مرة محتاجة المعلومة الصح ,الي يعرف و متاكد يرد

لو ابغى ادخل طب و عندي مادة اقل من b+ بس معدلي عالي ....!!
ممكن يقبلوني ولا لا ؟؟
الله يريح قلب و بال الي يرد

[M!SS Lara]

ايوا يقبلوكي حبيبتي بس تكون الوحيدة وباقي درجاتك بالمواد التانية اغلبها a+ و a للإحتياط

[Ghadeer.N]

يا حياتي الله يريح بالك زي ما طمنتيني :")

بس انتي متاكدة ؟؟

[M!SS Lara]

^^^^^
ايوا انا قلت لك كلامي لانو قرأت هنا وحده من حقون السنه الي فاتت كانت جايبه b+ في ماده ..
بس قالت انو بباقي المواد درجاتها مانزلت عن a ..
فإنتي عوضي زيها في المواد التانية ..

فمثلا لو انا اخذت a في الاحياء والكيمياء والاحصاء ..
ماتحسي انه مساوي لوحده تاانية جايبه b+ وa+ وa+

فعادي ،، عوضي بالمواد التانية وبالترم التاني انتي حتدرسي مواد خطة ألف وفيها الـa+ مره مضمونه وصدقيني :)

[Ghadeer.N]

يب صح كلامك بس انا قرات انو لازم في المواد الاربعة اكون جايبة B+
يعني لو دا الترم مثلا مادتين A+ و مادة b+ و مادة b
حيكون كويس ولا كيف

[M!SS Lara]

^^^^^

لالا لاتهتمي لده الشئ ..
كل ده على حسب معدل الدفعه ..
وقت التسكين في الطب ، هم حيطالعو في النسبة الخاصة حقتك (في بعض المواد) لتدخلك المفاضله ..
واذا دخلتيها بعدين حيطالعو في النسبة بالعامه .

وانا اعرف بنات جابو c+ من الدفعات الي فاتت ودخلو صيدله والسبب انهم جايبين درجات مره عالية في مواد تانية ..

وما أظن انو كاتبين انو لازم ماننزل عن +c !!

فلا تهتمي :)

[Ghadeer.N]

مرة شكرا حبيبتي ..
تعبتك من كتر الاسئلة
بس اتني عارفة كيف خطة ب فيها الكيمياء و الاحياء شي مو طبييعي :")

[M!SS Lara]

^^
لا عادي العفو :)