ساعدوني

[Rawaby]

السلام عليكم

انا في السنة التحضيريه مسار علمي
وانا وقريبتي نروح ونرجع مع بعض ،، وجداولنا مو زي بعض
هل ينفع نغير الجدول و مواعيد المحاضرات ونخليها زي بعض ولا لا ؟!!
و لو في رقم لعمادة الشؤون اقدر اكلمهم عليه !!

و بالنسبة للمسار العلمي كم المكافأة ؟!

ساعدوني وجزاكم الله خير !!

[ن ـــــوفا]

الافضل تروحي العمادة
بس احتمال كبير م يغيرو لك بس جربي حظك
وعن طريق التلفون م ينفع
زي م قلت الافضل انك تروحي بنفسك

[_Sora]

ليش لأ , روحيلهم و حاولي معاهم!
انا مرة وحده قد حولت الحاسب
بعد المناحلة و بعد ما طلعت روحي
وافقولي .. و بالصدفة كمان
الحمدلله
+ العمادة ما لهم شغل
انتي بنفسك تروحي لدكتورتك و تطلبي
منها اذن انك تنقلي لشعبة دكتورة تانية بعد
موافقة الدكتورة التانية كمان

و المكافاة 1000
بس ينقصو منها 10 ريال الله اعلم ليش
و بالتوفيق ي اختي : )

[Rawaby]

المشاركة الأصلية كتبت بواسطة _sora ليش لأ , روحيلهم و حاولي معاهم! انا مرة وحده قد حولت الحاسب بعد المناحلة و بعد ما طلعت روحي وافقولي .. و بالصدفة كمان الحمدلله + العمادة ما لهم شغل انتي بنفسك تروحي لدكتورتك و تطلبي منها اذن انك تنقلي لشعبة دكتورة تانية بعد موافقة الدكتورة التانية كمان و المكافاة 1000 بس ينقصو منها 10 ريال الله اعلم ليش و بالتوفيق ي اختي : )

يعني عادي حتى في التحضيري اقدر اكلم الدكتوره حقتي وحقتها
يقولوا ماينفع بس الي في التخصص يقدروا يسوا كداا ؟!!

[_Sora]

المشاركة الأصلية كتبت بواسطة rawaby يعني عادي حتى في التحضيري اقدر اكلم الدكتوره حقتي وحقتها يقولوا ماينفع بس الي في التخصص يقدروا يسوا كداا ؟!!

يب انا كلمت دكتورتي الاساسية ع اساس انقل من عندها لشعبة تانية
و مررة ما رضيتلي .. تقولي جيبي اوراق مدري موافقة و فلم هندي طويلللل
بس انا رحت للدكتورة اللي ب احول عندها وجلست أكلمها أكلمها
الين ما قالتلي طيب خلاص انا اكلم دكتورتك
و بالصدفة دكتورتي الاساسية كانت ف الكلاس اللي قدامنا
بس خلصو محاضراتهم و طلعت الدكتورة اللي بحول عندها وكلمت دكتورتي
حاااااولت معاها الين ما وافقت وقالت طيب
شطبت على اسمي ف الكشف و كتبت اني محولة عند دكتورة ميسون
الله يسعدها و يكتبلها الخير يااررب
و كل محاضرة تحضرني و تتواصل مع دكتورتي الاساسية و تقلها اني حضرت و كدا
بس اللهم وقت ما اختبر ارجع لشعبتي الاساسية!!

+اقراي ملاحظات اختي وا فديتك
مررة مفيدة لكي .. موفقة : )

[ططال عمري]

^

مستحيل

آلـآ آذآ زبطتوآ نفسكم مع آلدكتورآت و نقلتوآ بـ شكلي - ودّي -
يعني بين بعض مو بـ آلورق =)

[Waah Fdatek]

حبيبتي وش رايك تجربين تقولين لها انو انتي وقريبتك مع بعض ..
لأنه انا مرة كنت ابغى اغير جدولي .. قالولي ما نغيره إلا إذا كان فيه سبب مقنع ..
المواصلات او إذا فيه أحد يقربلك في شعب ثانية نغيره لك ..
بس جيبي اثبات انها تقربلك وانكم مع بعض وكذا وأتوقع يمشي الحال ..

بس بأنبهك ع حاجه .. انتبهي من هرجه تغيير الشعب ودّي بين الدكتورات ..
لأنه أعرف بنات نزلهم حرمان من المادة بسبب هالحركه ..
لأن الاستاذات ما يكونوا متأكدين من الحضور والغياب ..
أو انو دكتورتك نفسها ما تتابع غيابك وحضورك مع الدكتورة الثانية ..
فتحسبك ما حضرتي المحاضرات فيحرمونك من المادة ..
إذا جيتي تغيري ودّي خليك حريصة جدا انو الدكتورتين عارفين بوضعك ..
وذكري استاذتك الأساسية قبل كل اختبار انو انا حضوري وغيابي مع الاستاذة ثانية عشان تتذكر ..
وبس حبيبتي .. الله يوفقك ..

[jo0odi s]

روحي للعماده واسالي بس الافضل تزبطو الدكتورات

المكافاه 990

بالتوفيق :)