معا لمذاكرة و فهم مادة الكيمياء و حل التمارين اول باول

[maryam.n]

السلام عليكم
اخواني و اخواتي في الله حبيت انو نفتح دا الموضوع ( لفهم مادة الكيمياء و نساعد بعضنا اذا فيه شيء ما فهمناه و لحل بعض التمارين )
* طبعا حيكون كل درس بدرسه ان شاء الله ,,

................................................
بما انو الموضوع اتفتح شوية متاخر فانا حعدي شابتر 1 لانه تقريبا كله تحويل وحدات القياس و حفظ معادلات التحويل في الحرارة
و عشان يسعفنا الوقت راح نبدا على طول في شابتر 2 باذن الله ..
نبــدأ بسم الله ..
في اشياء اساسية لازم تعرفيها ..
المعلومة الاولى :
العدد الذري Atomic number رمزه (Z)
و عبارة عن ايش ؟؟ العدد الذري عبارة عن ((عدد الــبروتونات اللى في الذرة ))
ملاحظة : لمـا تكون الذرة مستقرة (يعني ما تدخل في نفاعلات كيميائية ,,, يعني ما تفقد ولا تكتسب)) يسير >>عدد البروتونات = عدد الالكترونات (e)
الكتـلة الذرية او العدد الكتلي Mass nuber or Atomic numberرمزها (A)
طيب عبارة عن ايش ؟؟ الكتلة الذرية عبارة عن ((عد النيوترونات(n) و البروتونات في الذرة(p) ))
طيب , دحين اش حنستفيد من المعلومات اللى فوق ؟؟ حيجي سؤال يسأل عن (p) or (n) or (e )
مثـــــــــــــــــــــــــــــــــال :
give the number of (p),(n),(e) in eash of the following :
a) carbon -14
الحل :
اولا نطلع العدد الذري للكربون عشان نطلع (كم بروتون و الكترون و ناترون فيه)
atomic num = 6 <<نطلعه من الجدول الدوري (الرقم اللى يكون فوق العنصر يكون هو العدد الذري)
n = (14 - 6)=8
e=6
p=6
.................................................. ....
المعلومة الثانية :
الجــدول الدوري :
لازم نعرف انو العلماء رتبوا عناصر الجدول الدوري عشان يكون سهل عليهم يحفظوه مع كثرة العناصر ..
لذلك انتي الان المطلوب منك التالي :
تحفظي اسماء القروبات ( القروب يكون بالطول )
ملاحظة : كل العناصر اللي في القروب الواحد تكون خصائصها الكيميائية شبيه ببعض ..
مثلا نمسك الجدول الدوري و ناخذ اول عامود على اليمين حيكون اسمه (Noble gases )or(rare elements) = الغازات الخاملة او العناصر النادرة
ثاني عامود على اليمين اسمه : Halogenes = الهالوجينات (( و تكافؤ هذه المجموعة = -1 )) يعني تكتسب واحد الكترون
طيب ..
نمسك اول عامود على اليســــــــار اسمه : Alkaline metels
و ثاني عامود على اليسار اسمه :Earth Alkaline metels
و كل العناصر اللى في وسط الجدول ( نازله على تحت) اسمها : Transition metels = العناصر الانتقالية
وكل العناصر الى تحتها اسمها :INner Transition metels = الانتقالية الداخلية
الشيء الثاني اللى لاااااااازم نعرفه و مهم اللى هو (( العناصر الفلزية(l) و الغير فلزيه non l) و الشبه فلزيه(loid) ))
طبعا لو شفتي الجدول الدوري في اول صفحة من الكتاب هو مقسملك العناصر حسب اذا فلزية او لا ..
طيب ,,
كيف ممكن الاسئلة تجي على هذه المعلومات ؟
مثال:
which of these elements is most likely to be a good conducter of electricity ??
a) N
b) S
c) He
d) Cl
e) Fe
الحل :
السؤال بيقول اش اكثر عنصر (موصل ممتاز للكهرباء) = (فلز) لان من خصائص الفلزات انها موصلة ممتازة للكهرباء و الحرارة
طبعا انتي تروحي تشوفي العنصر دا فين مكانه في الجدول الدوري ؟؟
و حيكون اللحديد Fe هو اللي موجود في اماكن العناصر الفلززية

(((((((( حنتعرف على الجدول الدوري بالتفصيل في احد الشباتر قدام ))))))))

تابع الشرح غدا ان شاء الله
لأي سؤال اتفضلوا البيت بيتكم
و اذا كان عندي خطأ صححولي ..

[الرٌواء]

الله يجزاك كل خير على هالفكره لك الاجر باذن الله بافادتنا


ياليت لوتتفضلين وتشرحين درس التسمية في الايونات انا فاهمة الجزيئات بس الايونات دخت فيها

[طموحها طب]

الله يعطيكي الف عاافيه
ببس اناا دووبي اطبع الشباتر ولساا مااذاكرت الا شبتر 1 ببس
ايش تنصحيني بطريقه اقدر اذااكر فيهاا وتكون ممتازة
اناا كيمياء اشووف سهل لكن الانقلش هوو اللي مصعبوو مو عارفه اترجم السووال هناا المشكله

[محمد الداود]

فكرة مذهللة وخطوة مهمة ..
نتمنى التفاعلية العالية من الإخوة والأخوات ..
ربي وفقهم ويسر دروبهمم وافتح عليهم ،،

[بسمة غلا]

بالتوفيقـ

[سوسآ]

ششرح’ـــك حلوو
بس بلييز كمليي
= ( مآ بقي وققت

[نبض الحيآه]

شوفو دا الموضوع للاستاذه سحر البيان

ان شالله يفيدكم
http://www.skaau.com/vb/showthread.php?t=342401

(=

[maryam.n]

شكرا للتعليقات الحلوة زيكم ,,

و اسفة للتاخير بس تعرفوا تعليقات النت ,, بعدين انا كتبت شرح كثر مرتين و اتمسح للاسف قبل ما ينزل ..

....................

طيب خلينا نكمل ,,

من اهم المواضيع اللى في شابتر 2 هي التسميات اللي ناس كثير بيلخبطوا فيها لذلك عملت ملخص ( رسم شجري) بحيث انو الواحد يعرف يستخدم التسميات و يرتب افكاره

طبعا اذا في اي سؤال انا حاضرة
.........................
ملاحظة الرسمة :
1- Ele = العنصر ...>>>>> انا مختصرته في الرسمة
2- عند تسمية المركبات الجزيئية = التساهمية (اذا كان عندنا العنصر الاول عبارة عن ذرة واحدة ففي التسمية لا نضع قبله mono )



.. و ان شاء الله بعد كدا نبدأ شابتر 3 ..
لذلك اذا في سؤال في شابتر 2 اسألوا عشان نقفلوا ..


و بالتوفيق

[maryam.n]

نسيت انزلها

ان شاء الله انها تفيدكم ,,


و ابغى ارائكم عشان اذا تمام نكمل

[X901]

ياريت تنزليها كصوره ..
فانا في الماك تظهر ملخبطه -ــ-