لجميع الخريجين لمسار ادارة العمليات والجوده

[aziz8008]

اول شيء نبارك مقدما لكم جميعا التخررررج وعقبال الماستر ان شاء الله



كما تعلمون ان هذا المسار اقل عدد طلاب في قسم ادارة الاعمال والمعلومه تكاد معدومه في بعض المواد



طبعا ادري انكم بتقولون انت متحمس بس اخاف تتخرجون ومعد نشوفكم في المنتدى :)



نبغى منكم لطفا لا امرا كل واحد يعطينا تجربته في ماده البحث والتدريب بحيث يذكر لنا موضوع البحث واسم الدكتور ومتطلبات الدكتور للبحث ، وهل يوجد مناقشه ام لا



واللي يرغب كل واحد وراحته ياليت يرفق لنا البحث عشان الجميع يستفيدون منه








نصيحه لجميع الخريجين : لابد من السداد في اول يوم يفتح فيه السداد عشان تقدر تختار الدكتور الافضل قبل ماتمتلي الشعبه





تحياتي للجميع

[aziz8008]

طبعا ماده بحث وتدريب bus 496 نزلت هذا الترم مع الدكاتره التاليه اسماؤهم :


ناصر كدسه


خالد الشعيبي


محمد يغمور


كاسر المنصور



سعود العيسى




نبي نصائحكم لانه احتمال كبير تنزل الترم الجاي مع نفس الدكاتره ماعدا سعود العيسى هذا اول ترم تنزل معاه الماده :)

[خلف]

اي والله ياشباب نبغي من افضل دكتور لاني ابغي انزلها الترم الصيفي او القادم ان شاء الله.......

[عآآآدل]

ياعزيز أنا من دخلت هالجامعه وودي أعرف دكاترة المواد عن طريق الأودس ولاعرفت ههههههه

والي فهمت من كلامك ان الماده نزلت عن الدكاتره الي انت حاط أساميهم في الترم المقبل ..؟

الشي الثاني وشلون أعرف المواد الي بتنزل بالترم الصيفي قبل التسديد؟؟

[aziz8008]

المشاركة الأصلية كتبت بواسطة عآآآدل ياعزيز أنا من دخلت هالجامعه وودي أعرف دكاترة المواد عن طريق الأودس ولاعرفت ههههههه والي فهمت من كلامك ان الماده نزلت عن الدكاتره الي انت حاط أساميهم في الترم المقبل ..؟ الشي الثاني وشلون أعرف المواد الي بتنزل بالترم الصيفي قبل التسديد؟؟

هههههههههههههههههههههههههههههههههه لا ياعادل هذا اسماء الدكاتره للترم هذا


الترم الجاي توها مانزلت الاسماء



الاسماء تدخل على الاوديس وتروح على قائمه الشعب الدراسيه وتختار bus وبعدها تختار 2011 وبعدها تختار الفصل الثاني وتطلع لك اسماء الدكاتره

[عآآآدل]

المشاركة الأصلية كتبت بواسطة aziz8008 هههههههههههههههههههههههههههههههههه لا ياعادل هذا اسماء الدكاتره للترم هذا الترم الجاي توها مانزلت الاسماء الاسماء تدخل على الاوديس وتروح على قائمه الشعب الدراسيه وتختار bus وبعدها تختار 2011 وبعدها تختار الفصل الثاني وتطلع لك اسماء الدكاتره

شكرا ياصديقي

أستفسار ثاني ترأي أعتبرك الأب الروحي لتخصص العمليات والجوده وأنا متابع مستمر لمواضيعك .. المهم أنا حاليا مخلص 80 ساعه ومع هالترم هالي خلص ان الله وفق بكمل 98 ساعه

وساعات التخرج 129 ساعه يعني باقي 31 ساعه لكن الخطه الدراسيه الموجوده بالأودس لو أتبعها تصير الباقي 33 ساعه تزود ساعتين يعني اتخرج بـ 131 ساعه بسبب تعديل الخطه الي صار بعدما عدينا السنه التحظيريه .. الحين الحل وشو ,, كيف نعادل ساعتنا بالخطه القديمه مع الجديده ؟؟

[ابومصعب الالمعي]

الدكتور الافضل على الاطلاق وبدوووون منازع الدكتور الفاضل ناصر كدسه
لامناقشه ولاتعقيد والدرجات ممتاز وانت مغمض

[aziz8008]

المشاركة الأصلية كتبت بواسطة عآآآدل شكرا ياصديقي العفو ياصديقي أستفسار ثاني ترأي أعتبرك الأب الروحي لتخصص العمليات والجوده وأنا متابع مستمر لمواضيعك .. اشكرك على الاطراء الجميل وحسيت اني هذاك الامريكي اول من اهتم بالجوده وسموه الاب الروحي ههههههههه المهم أنا حاليا مخلص 80 ساعه ومع هالترم هالي خلص ان الله وفق بكمل 98 ساعه وساعات التخرج 129 ساعه يعني باقي 31 ساعه لكن الخطه الدراسيه الموجوده بالأودس لو أتبعها تصير الباقي 33 ساعه تزود ساعتين يعني اتخرج بـ 131 ساعه بسبب تعديل الخطه الي صار بعدما عدينا السنه التحظيريه .. الحين الحل وشو ,, كيف نعادل ساعتنا بالخطه القديمه مع الجديده ؟؟ كلامك صحيح دفعه 09 راح يتخرجون بزياده ساعتين عن الخطه يعني الجميع راح يكون عدد ساعاتهم المكتسبه عند التخرج 131 وذلك بسبب تعديل الخطه عشان ماده الرياضيات والتحيل الكمي و الاحصاء والتحليل الاحصائي في السنه التحضيريه وكانت اربع مواد كل وحده منها ساعتين ، ومع الخطه الجديده صارت مادتين وكل وحده منها 3 ساعات الحل ياطويل العمر والسلامه انك بعد ماتخلص 107 ساعه ويصير باقي على تخرجك 24 ساعه أو اقل ، تمر الشؤون التعليميه وتطبع سجلك الاكاديمي وتعبي نموذج طالب متوقع تخرجه وتمر المشرف الاكاديمي وهو يعادلك المادتين حقت السنه التحضيريه اللي سببت المشكله ويشيك ايضا على موادك الاختياريه والحره اللي اخذتها عشان ترم التخرج تكون الامور واضحه لك

الردود بالاقتباس

[ابومصعب الالمعي]

الاستفسار الثاني يعتمد على خطتك القديمه وليست الجديده
بالتوفيق اخووووي

[aziz8008]

المشاركة الأصلية كتبت بواسطة ابومصعب الالمعي الدكتور الافضل على الاطلاق وبدوووون منازع الدكتور الفاضل ناصر كدسه لامناقشه ولاتعقيد والدرجات ممتاز وانت مغمض

شكرا اخوي ابو مصعب


انت اخذت معه الماده ؟؟ هل قالك اختر موضوع البحث والا فرض عليك موضوع معين ؟؟