الاستاذ عماد كيف اعرف انه cba معتمدة

[خبير الانتساب]

كيف اعرف انها معتمده في الماستر وهل اقدر اكمل بعدها دكتوراه في اي جامعه سواء في السعوديه ولا الخارج.
وهل لو قدمت في الملك عبدالعزيز هياخدوا اللي شهادتهم من الملك عبدالعزيز لاني من جامعه cba مو من جامعتهم.
في شباب قالولي انهم ما يعتمدوها في القطاع الحكومي وانا موظف حكومي هل صحيح الكلام ده.

ملاحظه تعبت وانا اقدم في كليه الامير سلطان في جده 3 سنوات وما انقبل مني عارف ليش .
وشكرا واسف على الاطاله

[رشة عطر]

اسم الكلية موجود في موقع الوزارة ضمن الكليات اللي تمنح درجة الماجستير .. هذا دليل على انها معتمدة


http://www.mohe.gov.sa/ar/studyinside/Private-higher-Education/Pages/Master.aspx


بالنسبة لبقية الأسئلة .. ان شاء الله د.عماد يفيدك

[عماد الحسن]

مرحب بكم أخي ،، وشكرا لأختكم رشة عطر على المشاركة المستمرة

كما تفضلت الأخت فان جامعة الأمير سلطان معتمدة في المملكة وكل العالم
وممكن تكمل الدكتوراه في كل مكان وهذا أمر طبيعي، ولا يوجد فرق بين الشهادات وقت التقديم
أما الاستفادة من شهادتك فيعتمد على عملك وهل الشهادة تدعم تخصصك؟؟ وإن شاء الله تفيدك.

[خبير الانتساب]

الاخ عماد فهمتني غلط انا قصدي cba كليه اداره الاعمال وليست كليه الامير سلطان ارجو الاجابه على اسألتي مره اخرى وشكرا

[عماد الحسن]

العذر منكم أخي ولكن السؤال غير واضح
ولا أعرف كلية الأعمال تبع أي جامعة وأتمنى كتابة اسم الجامعة ومكانها !

[خبير الانتساب]

cba قصدي
كليه اداره الاعمال
الاسئله اللي انا سالتها تخص كليه cba

[الحالمه بمستقبل جميل]

انا خريجة الcba
هي كجامعه معترف فيها بلمملكه بصفه عامه ولكن يعتمد على الجهه الي بتقدم عليه
انا مثلا قدمت على مدينة الملك عبد الله على وظيفة محاسبه مارضيوا يقبلوني طبعا السبب اني خريجة كليه خاصه ومدينة الملك عبد الله الطبيه برياض ما تقبل غير خريجي الجامعات الحكومي منطق غريب
وانا الخدمه المدنيه قبلتني عادي عشان كذا بقولك عن تجربه يختلف الاعتراف بشهاده حسب الجهه المقدم لها
اما بخصوص جامعة عبد العزيز اذا بتقدم ما جستير مافي فرق تقبل اي خريج جامعه معترف فيها بتعليم العالي اذا كانت الشروط تنطبق عليه ودخل المفاضله بين المتقدمين
ربي يوفقك ويكتب لك الي فيه خير

[خبير الانتساب]

انا موظف حكومي في وزارة الداخلية الامن العام يعني ما يقبلوا الشهادة حقت cba

[عماد الحسن]

شكرا لكم أختي الحالمة لهذه الاضافات المفيدة للموضوع
واتمنى ان تحصلوا على حقوقكم في اقرب فرصة انت وزميلنا وكل المتخرجين.