بنات خطة ب لو سمحتوا تفضلوا

[السوسن البهي]

السلام عليكم ورحمة الله وبركاته

الف مبروك بدء اجازتكم والله يوفقكم وينجحكم بأعلى الدرجات


طبعاً اليوم كان اخر يوم لكم مع الاحصاء لكن احنا العلوم والحاسب اختبارنا الاحصاء

الاسبوع الجاي فياليت تكتبولي اي سؤال تفتكروه واذا تقدرون توضحون طريقة الاسئلة

ومستواها والف شكر لكم

[زهرة البنفسج]

ترى الأسئلة كانت حلوة موزي الاختبار الثاني وعشان الأسئلة دالحين ماني فاكرة ولاسؤال بس ربي يوفقكم تخلصو زينا

[بهاء]

قيمة z الي في الفصل السادس والثامن الي يعطيك الالفا كتروا منها
وجات مسأله واتي تشوفي تقبلي فرض العدم او ترفضيه
ووحده ثانيه تكتبي السبب الرفض او القبول

لما افتكر كمان راح اكتب هي حلوه بشكل عام

[السوسن البهي]

زهرة البنفسج .......بهاء

تسلمين ياقلبي على ردك الحلو بس اذا

افتكرتي اي سؤال تعالي سيده واسدحيه هنا
اوكي

الله يوفقك ويحقق لك الي تبغيه

[زهرة البنفسج]

في سؤال عن أربع أشخاص بيدخلون السينما(يمكن) وحطو أسمائهم وكم طريقة يقدروا يقعدوا لواثتنين قعدوا مع بعض(آسفة لو ماقدرت أوضح معنى السؤال كويس بس ده اللي فتكرته الحين)

[القمر جانا]

الاسئله الحمد لله كانت مررررره حلوه ... يعني اهون من التخبيص حقت المراااااات اللي فاتت..
ان شاء الله بس تكون الدرجااااات حلوه .
سووووري والله بالنسبه للاسئله ماراح اقدر اساعدك لاني من يوم ما اخرج من القاعه كل شي يتبخر:)
تقبلي مرروري ودمتي..

[Mohannad Najjar]

في سؤال عن أربع أشخاص بيدخلون السينما(يمكن) وحطو أسمائهم وكم طريقة يقدروا يقعدوا لواثتنين قعدوا مع بعض(آسفة لو ماقدرت أوضح معنى السؤال كويس بس ده اللي فتكرته الحين)

إيوه حست في البداية في هذا السؤال

جاب أربعة أسماء - مثلا - : خالد، أحمد، علي، فهد

بكم طريقة نقدر نخليهم يجلسوا في صف واحد بشرط إنه أحمد وعلي لازم يكونوا جنب بعض!!

الناتج يطلع: 12
___________
اممم.. سؤال ثاني ما أفتكره بالضبط:

الجرة 1 (دلو - صندوق..) فيها 4 كور حمراء و2 سوداء

الجرة 2 فيها 3 كور حمراء و1 سوداء

الجرة 3 فيها 5 كور حمراء و3 سوداء

لو اخترنا عشوائيا صندوق منها واخترنا عشوائيا منه كورة

إيش احتمال إنه الكورة اللي تطلع معانا حمراء ؟؟
___________
سؤال ثالث:
3 دكاترة إحصاء.. و7 دكاترة كيمياء.. والطلاب محتاجين 2 دكتورين.. إيش احتمال إنه الدكتورين يكونوا كلهم من دكاترة الكيمياء ؟؟
___________
سؤال رابع:
في مستشفى فيها ثمانية 8 أسرة أرقامها كالتالي:
ويجيب 3 أرقام وبعدين اكس وبعدين 4 أرقام تانية << زي كدا جا ترتيبها

المهم.. يقولي كم قيمة إكس إذا كان الميديان حق الأرقام = 600 ؟؟!!
___________
سؤال خامس:
هذه كلها من خصائص التوزيع الطبيعي ما عدا واحدة
أ/ إنه بل شيبد
ب/ إنه ما يلصق أبدا بخط السينات (الإكسات)

ج/ ود/ ماني فاكرها.. بس واحدة منها هي الغلط!!!
___________
سؤال سادس:
ما أفتكره بالضبط.. شي يتعلق بموظفين في محل؟
ويسأل هل هو نومينل ولا راتيو ولا انتيرفل ولا أوردينل

زي كدا..
___________




هذا اللي فاكره دحين

وبعضها ماني فاكره مزبوط فاللي يكون فاكر لا يتأخر




<< عفوا للتدخل ولكن فهمت إنه اختبار البنات زي اختبار الأولاد وفي كل الأحوال الفائدة حاصلة إن شاء الله

[السوسن البهي]

اشكر كل الاخوات والاخوان الي ردوا

مهند الف شكر لك ولمبادرتك وسوري انا افتكرت اختبار الاولاد غير


جزاكم الله الف خير

[بهاء]

نفس الاسئله

وكمان التعاريف انتبهي لها لانه يجي لك مصطلح وخيارات
وكمان جانا ان التكرار التراكمي اي من الرسوم البيانيه تستخدمه الي هو الاواقف
كمان جاتنا جمله وطلب مننا على اساسها نحدد فرض العدم وفرض البديل
وكمان جانا سؤال طالب تحديد العلاقه بين عدد لاساعات النوم وعدد الاسئله الي ممكن يحلها او شيئ زي كذا اعطونا بيانات وطلبوا اننا نجيب معادله الخط المستقيم نجيب a b
وتحددي اذا العلاقه موجبه او سالبه لان في المعادله يكون عندك معادلتيم وكل وحده منهم بالموجب والسالب
y=3.1+2.1
y=3.1-2.1
والخيارين التانين نفس الحكايه معادله ويغير الاشاره
اممم في سؤال مو فاكراه بالزبط لو احد يشوفه ويأكده لاني ما عرفت له
جاب معادله y=3.1+2.1 مثلا وطلب معامل الارتباط هل يمون
موجب او سالب او صفر

ذا الي افتكرته ارجع لما افتكر شيئ

[dina A]

ياحياتي الله يعينك بس من جد ركزي على 8 و6 وكمان التعريف جابو تعريف الانحراف وانو يدرس علاقة مين من المتغيرات ....بس ترى تحسي مو مـــــرة صعب يعني نفس طريقة الأسئلة الله يوفقكم ياااااااااااااااارب