ابغى رأيكم في جدولي!!!!!!!!!!!!!!! مسااااعدة

[sarah 444]

هاذا جدولي ايش رأيكم !
مبادىءالمحاسبة -ادارة العمليات - ادارة الموارد البشرية - نظم معلومات ادارية - مبادىءالاقتصاد الكلي وابغى اضيف مادة وحدة زيادة انا لسع مااخذت قانون تجاري ايش رأيكم اضيفها ولا لا

[غصون التوت]

ما اقدر افيدك وان شاء الله الاعضاء يساعدونك

[jo0odi]

جدولك مرررره دسم
..
موارد بشريه ونظم وادارة عمليات مع بعض ماتنفع
..
محآسبه ؛ موارد بشريه ؛ حر أو اختياري ؛ اقتصآد كلي ؛ وشوفي موآد أسهل من ادارة عمليات والقانون التجآري ثقافه مثلا أنآ مو عآرفه الموآد اللي مآأخذتيهآ ولا كآن أفدتك أكثر
..
ورأيي حطي موضوعك بـ قسم إدارة أعمآل رآح تستفيدي أكثر
..
موفقه

[sarah 444]

انا ياقلبي باقيلي من المستوى الثالث قانون تجاري ومن المستوى الرابع محاسبة2 ومالية شركات و مباديء الاقتصاد الكلي وانا دحين مستوى خامس فكمان عندي مواد المستوى الخامس اختار منها والحد الاقصى للساعات هو 18 ساعة فلو تساعديني اكون لكي اكثثثثر من شاكرة لاني مرة حايسة ومو عارفة راسي من رجلي ابغى ارفع معدلي وما ابغى اطول في الجامعة زيادة لاني انا دفعة 2009 ومحولة من العلوم لادارة اعمال دولية

[jo0odi]

انتي شكلك تمشي ع الخطه ؟!
عآدي لاتتقيدي بالخطه شوفي المواد السهله وخذيهآ
..
بشوف الخطه وارجع لك بالمواد

[sarah 444]

تسلمي ياعسل استناااااكي :)

[jo0odi]

محاسبه 2 ( خذيها عند سآره بكر انا اضفتهآ عندهآ )
ماليه دوليه ( يقولوا أسهل من الاقتصاد الكلي خذيهآ عند نسمه )
اختياري ( نظام سياسي سعودي عند زينب عبد العظيم )
ثقآفه 2 اذا لسى مااخذتيها
ادارة أعمال دوليه ( عند خدييجه ضباب وبس اذا مو عندهآ لاتاخذيهآ صح الماده طويله 10 ابواب بس حلوه مع خديجه ضباب وخذيهآ قبل تصير سنترا انا عندي اختبار بديل بـ هالمآده بعد اسبوعين )

[r_k]

موادكـ زيي

بس أنا بدل القانون التجاري أخدت تقافهـ

لأن القانون كلاموا كتير ويبغالوا تركيز..

ربنا يوفقكـ

[الهندواني]

إذا أنت على الخطة خليك عليها أفضل


لترفعين المعدل

الأيام تمشي وتمضي والمعدل سيبقى ما حييت

[sarah 444]

تسلمي يا jo0odi ماقصرتي ياعسل , اختr_k انا شكلي راح اعمل زيك راح اخلي الجدول زي ماهو واضيف بدل القانون التجاري ثقافة 3 بس ممكن تقوليلي احسن الاساتذة واللة يوفقك ياعسل ارتحت لمن عرفت احد زي :)