المعدل المطلوب للدخول في كلية الهندسة لو سمحتوا ..

[a.aljohani]

السلام عليكم

لو سمحتوا عندي استفسار .. للدخول في كلية الهندسة بشكل عام وبدون تحديد اي نوع من الهندسة
كم يجب أن أتحصل على معدل من السنة التحضرية ؟؟

إذا كان أحد دخل الهندسة من العام الماضي يكون حلو ..

المعدل التقريبي .. في حال عدم تواجد المعدل بالضبط ..


جراتسيا , شكرا

[Rakan Alhassoun]

اظن 85

والله اعلم

[اكوس نفرر]

هذا الموضوع بيفيدك ,

http://www.skaau.com/vb/showthread.php?t=422282

فيه جدول يبين لك كل التخصصات وكم النسب اللي وقفت عليه

بس ترا يختلف من سنه لسنه ,, ع حسب شطآرة الدفعه

[a.aljohani]

^^
مشكورين .. ايوا انا عارف على حسب شطارة الدفعة .. ولكن حوالي كم ممكن
يكون .؟؟!!

[rival soul]

اول شي بسم الله وإن شاء الله طيب وتقبل الله من الكل الصيام ^_^ المووووهم اعطاك الرجال اللي فوق جدول النسب وعلى كم قفلت مانقدر نحكم تقريبا لكن انت نقصها نسبتين او زودها نسبتين ماعتقد بتفرق اكتر

وانا انقبلت هندسة وبعطيك درجاتي ممكن تساعدك انجليزي لفل 3و4 78
رياضيات 90 فيزيا 88 اتصال 94 حاسب 98 وكيميا 72 واحصاء 80 واحياء 95
شوف حاول تجيب درجات حلوة في كل المواد لكن ركز على الفيزيا والانجليزي والرياضيات وبالنسبة للاحصاء مدري بس دي المواد يبغوها عشان تنقبل هندسة جدا جدا مهمة لو معدلك عالي لكن نسبة درجات المواد دي تحت ال80 ماراح تنقبل في الهندسة وطبعا انت تخلص التحضيري وإن شاء الله تنقبل هندسة وبعد كدا لسا يبقالك 27 ساعة تخلصها وبعدين تتخصص يعني وراك سنة عامة هندسة وتعتمد على معدل التحضيري معاك ماشي فانتبه لمعدلك ككل المواد عشان تدخل التخصص اللي تبغاه وبالتوفيق

[a.aljohani]

ريفال

مشكور حبيبي .. معلومات مرررره مهمة .. الهندسة تحتاج شدة حيل ..
يارب يوفقك ويوفقني ..

لكن أنا أبغى المعدل من 5 .. كم أحتاج ؟؟

[Tony7]

اذا من ٥
المعدل لازم يكون فوق ال٤ وقريب من ال٤ ونص

[rival soul]

شوف بشرحلك شي اول في عندك موزونة الكلية وفي الموزونة العامة حلو موزونة الكلية اللي هيا نسبة المواد اللي طالبينها بالكلية ومثل ماقلت فيزيا ورياضيات وانجليزي وبالنسبة للاحصاء مدري دي المواد لازم تجيب نسبة درجاتها 80 اقل شي عشان تقدر تدخل في المفاضلة على الكلية وطبعا اذا حققتها راح يطالعو في الموزونة العامة اللي هيا نسبة كل المواااااد وياخدو بالاعلى فالاقل وكدا ليييين تخلص المقاعد وبس فالمعدل مالو دخل دحين و انا موزونتي العامة كانت 86 وطبعا موزونة الكلية جبتها فوق 80 الحمدلله وكان معدلي 4.28
وعلى فكرة اعتقد قفلت السنة دي كلية الهندسة على 80 فاصلة شي المهم شد حيلك ومهما جبت درجة مو كويسة برضو لا تخاف وشد في اللي باقي والله واحد من اصحابي كان يبغى طب وجاب في الكيميا 69 والكل قالو تحلم بالطب حتى المسوؤلين حقون الطب في اليوم الارشادي وشد في الباقي ودحين انقبل طب موازي الحمدلله ترا ماعليك الا تشد حيلك للاخر وتصلي وتدعي وتكمل عبادتك على اكمل وجه وتستخير الله وراح تتوفق في احسن شي لك وبالتوفيق ^_^ وترا المعدل مابيكتبو اصلا في نتايج الفرز بس راح يفيدك في تخصص الهندسة ووقت التخرج انت حاول تخليه على الاقل فوق 4 او قريب النص افضل عشان ترتاح طول الدراسة في الجامعة

[a.aljohani]

ريفال ..

مشكور مره وضحت ليا الفكرة.. الله يوفقك ويوفقني يارب ..

إن شاء الله بشد حيلي على أخر شيء .. والله يوفق الجميع

[rival soul]

اميييين يارب ويوفق الكل وطبعا او قريب من ال4 ونص بالنسبة للمعدل لاني غلط هههه بالتوفيق واي سؤال في اي وقت من السنة ارسلي على الخاص وماراح اقصر معاك ونزل مواضيع اذا مافهمت شي ترا الطلاب كلهم ماشالله متعاونين وطيبين ويساعدو