استفسار ممكن تجاوبوني

[دره الدرر]

ممكن سؤال جدتي مريضه بسكري وتستخدم انسولين
وفيه اصبع في رجلها لونه اسود وابد ما تحس فيه ومورم
اتمنى تفيدوني هل طبيعي او لا
اتمنى تطمنوني
ع حسب المعلومات الي تعرفوها

[ndo-farforah]

سلاامة جدتك الف سلامة و ما تشوفو فيها شر إن شاء الله

انا ما عندي خبر والله بس حابة اقولك حاجة
ترا من ضمنم الحاجات الي يدرسوها طلاب الطب انو ما يقولو شي برا العيادا او برا المستشفى يعني الدكتور (ما يعالج و يوصف علاج و ... الخ ) برا العيادة
بس ياارب احد يجي و يرد عليكي و عالاقل يطمنك

و انا اشوف الافضل انو تروحو للدكتور و يكشف عليها
و ما تشوفو فيها شر إن شاء الله

[Beeshoob]

خديها للمستشفى

لانو سمعت في حالات لمرضى السكري زي دي الحاله تاخيرها مش كويس ما بدي اخوفك

الله يعينها ويشفيها يارب

[~RAN~]

لا ضروري تروح تكشف في لمستشفى بدري

مابغى اخوفك لكن انا وحده تقرب لي الله يرحمها قبل كم سنه
دخل في اصبعها قزاز اتوقع
وربي تعبت تعب سنه كامله وهي تروح للمستشفى وتكشف عليه
وفي الاخير بتروه
بس بتروا الجزء العلوي منه

وبعدين فرحت وكانت تبغى تحتفل باصبعها وسوت حفله وعزمت بناتها كلهم
وفي الصباح بعد ماراحت كل وحده بيتها
جالها جلطات في الدماغ وجلست سنه مريضه ونسيت كل الي حولها ولا صارت تتكلم وماتت الله يرحمها

معليش قلت قصه طويله بس من جد روحوا اكشفوا عليها افضل
^^

[محمد عماد]

الي اعرفه انو هذي الحالة اسمها " القدم السكرية "

لازم تراجع المستشفى في اسرع وقت ...

[دره الدرر]

مشكوررررين مره ما قصرتو هو لازم إن شاء الله تروح المستشفى بس اليوم إن شاء الله ابويه بيسافر ويجيبها جده
وإن شاء الله خير يارب بس قلت اسألكم واشوف الحمد لله ع كل حال