خاااايفة من مستقبل كلية العلوم:(

[fatoom sweety]

السلام عليكم

انا عندي صيفي وحاسة اني راح انقبل بكلية العلوم وفي بالي ادخل كيمياء حيوية .
بس المشكلة اني سمعت عنه ماله مستقبل مضمون وانه في مشكلة انه ماله مسمى وظيفي وهذا الشيء راح يقف عائق مستقبلا. وانا اتابع منتدى العلوم وشفت مواضيع زي كذا وكل يوم اتردد مااعرف ايش اسوي . سالت البنات يقولوا الارزاق بيد الله صح ونعم بالله بس لازم الشخص يضمن مستقبله ومايتعب حاله على شيء عارفة انه ماله مستقبل.

ولد عمي درس بمصر كيمياء حيوية وهو شككني فيه بزيادة ونصحني بشدة اني ماادخل التخصصين المظلومين بالسعودية الاحياء والكيمياء الحيوية لانه هو برضو ماكان عارف ايش راح يصير له.

انا الحين شو بدي اعمل ؟ اقدر اتخصص علوم وبعد سنة احول على الكليات الطبية
واللي يعرف الدفعات اللي قبلنا يقولنا ايش صار معاهم هل هم توظفوا ولا علقوا شهادتهم بالثلاجة على قولة ولد عمي .
سووووري طولت

[abo0orh]

لا تشيلي هم ما في تخصص الا ويكون ليه مستقبل او يقفلوه والله معاكي وما راح يضيعك انتي شدي حيلك وجيبي درجات حلوه في الصيفي دحين يعني لا تشغلي بالك وخلكي طموحا خذي ماستر دكتوراه او سيري معيده تراه شي مره حلو الله ييسرلك يارب وان شاء الله تفرحي بتخصصك عن قريب

[skip]

فطوم كدا ولا كدا مالنا مستقبل من ساعة ما رسبنا

[Majed7]

وعليكم السلام ..

أنا ما عندي خلفية كبيرة عن كلية العلوم .. أعرف إن مجالها في التدريس غالبا , لكنـ غير كذا ممكنـ يفيدونك اللي متخصصين بكلية العلوم :)

وأشوف لو تكتبي موضوع بـ قسم كلية العلوم راح يفيدونك أكيد ^_^

[hadeel a]

المشاركة الأصلية كتبت بواسطة skip فطوم كدا ولا كدا مالنا مستقبل من ساعة ما رسبنا

الله يهديكي اش ده الكلام أنا اعرف وحدة رسبت في 3 مواد و أخدتها صيفي و ترم أول و بعدين دخلت حاسب .. صلو على النبي و شدوا حيلكم في مواد الصيفي و ادا عندكم أي سؤال اكتبو هنا بالمنتدى و أكيد كتير حيساعدوكم و إن شاء الله تجيبو درجات عالية لأن الرسوب ما يأثر على الموزون و التسكين يسير على أساس الموزون .. و بالنسبة لكلية العلوم لازم ادا دخلتيها تشدي حيلك و تتخرجي بمعدل حلو عشان تتعيني معيدة أو تاخدي منحة ماستر و زي كدة و أنا سمعت أن دحين حيخلة راتب المدارس الأهلية 6 ألاف و طبعن دي فرصة لخريجة كلية العلوم و أهم شي أنك تسخيري و شوفي ده الموضوع http://www.skaau.com/vb/showthread.php?t=421580
هو طويل بس حيفدكم
و موفقين يا حلوات

[ǁ غــلأآإ ، رٍوٍحــي ǁ]

^^

بنت خآلتوا متخرجه من قبل سنتين الى ثلاث سنين من الاحياء ،،
وطبعا لآزم ،، تدخلي اختبار ( مدري وش اسمه بصراحه )
عشان تقدري تتوظفي في المستشفيات الحكوميه ^


ورآح يكون في المختبرات غآلبااا ،، واذا اتخرجتي راح تلاقي بس بالخاص وكرف كرف "(

[بيو كيميائية ^_^]

شوفي أول حاجة اللي يقولون لك كلية علوم تدريس أقول لكـ لا وألف لا

لأن إحنا ماندرس في المدراس

إحنا مو تربويين

إحنا غير

وبس ندرس في الجامعة

شوفي الكيمياء الحيوي مظلوم جدًا في السعودية بالرغم من أهميته في العالم

ماله مسمى وظيفي

لكن فيه وظايف في الحرس وسابكـ وآرامكو

أنا السنة الجاية آخر شيء بس أخلص بروح آرامكو بتتطوع وهم إذا شافوكـِ نشيطة ياخذونكـ كثير أعرفهم عملوا كذا

ولما آخذ الوثيقة راح أقدمـ عندهمـ على الوظيفة

أيضًا راح أحضر نفسي عشان إختبارات قبول الماستر بقدم في كل مكان وبقدم في البعثات

واللي الله كاتب لي راح يصير

أما إني أخذ شهادتي وأجلس في البيت لا وألف لا

وحتى لو إضطريت أشتغل في مستشفى خاص براتب 2000 أو أقل بشتغل بس عشان آخذ خبرة

وحتى لو بدون راتب أهم شيء يكون عندي خبرة

وبعدين أختبر إختبار الهئية

وأقدم في وزارة الصحة أو أي مكان

الإنسان إذا ماتحرك وعمل شيء من أي تخصص راح يعلق شهادته في الثلاجة

ترا فيه ناس خريجين حاسب وجالسين في بيوتهم لأن مايشتغلوا على نفسهم

الله يوفقك وينجحكـ

[زبادي وتوت 0_o]

ماادري كثير من الناس يتحطموا من كلية العلوم وانا كنت منهم ^^"
لكن لمن دخلت الكلية وشفتها وشفت التخصصات ,, وجدت بالفعل انو هادي الكلية هي منبع للابداع والمبدعين ,,
بس بحكم مجتمعنا ,, فهو يظلم هادي الكلية كثيـــــــرا !! والحمدلله رب العالمين ^ _ ^