إلى زهرة تشرين وكل طالبة أختبرت إدارة موارد بشريه الترم الماضي مع د / وفاء اليافي

[الانس]

السلام عليكم ورحمة الله وبركاته

كيفكم عزيزاتي .. يارب أموركم تكون تمام في المذاكره وفي كل شي

مرررررررررررره شايله هم هذه الماده وقلبي ضاااااااااااااااااااااايق منها

واتمنيت إني كنت حذفتها

أحس المنهج مرررررررررره كثيييييييييييييير ومافي وقت للحفظ عشان المقالي

وإني مهما ذاكرت ماراح أطلع بنتيجه ومعلوماتي كلها رح تدخل في بعض

...

فطالبه منكم تساعدوني وتفيدوني بأي معلومه عن الماده وعن د / وفاء

يعني أسئلتكم الترم الماضي كانت من ملزمة هاني عرب فقط وما خرجت عنها ؟

أخاف أعتمد عليها - بعد الله سبحانه وتعالى - وأتورط بأسئله من الكتاب يوم الإختبار

وايش أكثر شي لاحظتوا الدكتورة ركزت عليه ؟

وبالنسبه للكتاب .. إيش غير المصطلحات اللي آخر كل فصل .. رجعتوا للكتاب فيها ؟

و طريقتكم في المذاكره للماده كانت مجرد قراءه بتركيز ولا لآآآآآآزم حفظ ؟

الله يرضى عليكم .. فيدوني باللي تجود فيه إيديكم
تراني في إنتظاركم

دعواتي لكم بالتوفيق والنجاح ونيل الرضا والسعاده في الدارين
...

[الانس]

رفع

.

.

.

[كتمان]

كل الكلام اللي قلتيه صح والماده كثيره وكل شي فيها داخل ببعض ..

باقولك شي ترى الأسئله كانت اسهم من مانتصور وماشاءالله عليها الدكتوره تراعي بالتصحيح فوق ماتتخيلين وبالنسبه للماده خذي نصيحتي لاتذاكرين التفاصيل ذاكري رؤوس الاقلام ترى أسئلتها كلها سطحيه ماتعمقت بالتفاصيل أبدآ

وجابت لنا كم مصطلح طبعا هي قالت ذاكروه واحفظو الاسبيلنق بالانجليزي واللي تكتبه تاخذ درجه زياده وفعلا اتذكر جابت لنا 7 مصطلحات ..

وجاتنا 3 مقارنات قالت اختارو 2 منها بس ..

وجابت عددي وصح وخطأ .. والله انا ناسيه الأسئله ايش كانت بالضبط بس كانت سهله جدآ انا دخلت الاختبار وفي اشياء حتى ماذاكرتها ولا مريت عليها والحمد لله جبت 86 يعني لو كنت مذاكره كان جبت ال a+ وانا اضحك ..

على العموم زي ماقلتلك ذاكري رؤوس الاقلام فقط ولاتتعمقين وركزي على المصطلحات والمقارنات اللي موجوده وباقي الاشياء لاتحفظينها أقرئيها بس بفهم حتى بالاختبار ماتطلب منك الجواب بالنص لا اهم شي تكتبيه بفهم ..

وترى الاسئله ماخرجت من ملزمة هاني عرب والمصطلحات اللي نهاية كل فصل فقط واصلا جابت 7 اذا ماخاب ظني وكمان اتوقع كانت في اسئله زياده بكل سؤال ..


موفقه يارب وان شاءالله البنات راح يفيدونك اكثر ..

[ashwa8]

الله يسعدكم افدتوني جدا
كنت بفكر بنفس الموضوع
شكرا

[طير بلا جنحان]

حبيبتي مشكوره على ردك,, بس بسألك انا عندي ملزمة هاني عرب وذاكرتها وعندي المصطلحات بس مافهمت كيف المصطلحات بالانجليزي مو موجوده عندي؟؟ بليز عطوني رابط لها او اي شي!!!!

[زهرة تشرين]

وعليكم السلام ورحمة الله وبركاته ..

أول شي ماينفع تذاكري وأنتي كدا تفكري , يأثرعليك ..

الماده بالمجمل حلووه وماهي صعبه , أكثر شي اتخيليه في جو عمل راح تلاقي إنه كل ماتتحدث

عنه من الحياه ..

المنهج تذاكري من مذكرة هاني عرب ,, وأنتي مرتاحه الاختبار ماخرج منها أبداً , وأنا مارجعت

للكتاب ولاشي , اذكر أحد الأخوات نزلت مصطلحات بالانجليزي اخرفصل , كمان عديت عليها

ماقعدت احفظها كثير ..

أهم شي اعتقد التعاريف تذاكريها وتحفظي مسماها , أنا في الاختبار اتخلبطت شويه لأن مصطلح

التعريف مومكتوب وجات اعتقد 10 فقرات ..

ذاكري الماده وأنتي مستمتعه بتركيز, ولاتحفظيها , لأن فعلا الأسئله ماجات بتعمق ..

على ماذكرت أختي "كتمان" جزاها الله خير ..اما الاختبار كل الي عندي كتبته في موضوع بعد

الاختبار مباشره على الرابط الاتي .. الله يوفقك ويسهل أمرك



أســـــــــئلة إختبار إدارة موارد بشريه (bus 231) د.وفاء اليافي

http://www.skaau.com/vb/showthread.php?t=323895



كافة مصطلحات إدارة الموارد البشرية Bus 231

http://www.skaau.com/vb/showthread.php?t=296801

[ملاكــ]

المشاركة الأصلية كتبت بواسطة طير بلا جنحان حبيبتي مشكوره على ردك,, بس بسألك انا عندي ملزمة هاني عرب وذاكرتها وعندي المصطلحات بس مافهمت كيف المصطلحات بالانجليزي مو موجوده عندي؟؟ بليز عطوني رابط لها او اي شي!!!!

دا اللنك موجود في كل المصطلحات .. :)

موفقه يارب ..

http://www.skaau.com/vb/showthread.p...78#post4046778

[ranno0oda]

shokraaaaaaaaaaaaaaaan ye36ekooom al3afyyyaa ya raab :D:D

[الانس]

المشاركة الأصلية كتبت بواسطة كتمان كل الكلام اللي قلتيه صح والماده كثيره وكل شي فيها داخل ببعض .. باقولك شي ترى الأسئله كانت اسهم من مانتصور وماشاءالله عليها الدكتوره تراعي بالتصحيح فوق ماتتخيلين وبالنسبه للماده خذي نصيحتي لاتذاكرين التفاصيل ذاكري رؤوس الاقلام ترى أسئلتها كلها سطحيه ماتعمقت بالتفاصيل أبدآ وجابت لنا كم مصطلح طبعا هي قالت ذاكروه واحفظو الاسبيلنق بالانجليزي واللي تكتبه تاخذ درجه زياده وفعلا اتذكر جابت لنا 7 مصطلحات .. وجاتنا 3 مقارنات قالت اختارو 2 منها بس .. وجابت عددي وصح وخطأ .. والله انا ناسيه الأسئله ايش كانت بالضبط بس كانت سهله جدآ انا دخلت الاختبار وفي اشياء حتى ماذاكرتها ولا مريت عليها والحمد لله جبت 86 يعني لو كنت مذاكره كان جبت ال a+ وانا اضحك .. على العموم زي ماقلتلك ذاكري رؤوس الاقلام فقط ولاتتعمقين وركزي على المصطلحات والمقارنات اللي موجوده وباقي الاشياء لاتحفظينها أقرئيها بس بفهم حتى بالاختبار ماتطلب منك الجواب بالنص لا اهم شي تكتبيه بفهم .. وترى الاسئله ماخرجت من ملزمة هاني عرب والمصطلحات اللي نهاية كل فصل فقط واصلا جابت 7 اذا ماخاب ظني وكمان اتوقع كانت في اسئله زياده بكل سؤال .. موفقه يارب وان شاءالله البنات راح يفيدونك اكثر ..

كتمان .. الله يوفقك ويسعدك وين مارحتي ويريح قلبك وخاطرك زي ماريحتيني

بكلامك والمعلومات اللي قلتيها ...

ماتتخيلي قد إيش دعيتلك من قلبي لما قرأت ردك

حقيقي أفدتيني وشجعتيني إني أذاكر بنفسيه أحسن

الله يكرمك برضاه و بأعلى الدرجات في الدنيا والآخره ... بالتوفيق غاليتي

[الانس]

المشاركة الأصلية كتبت بواسطة ashwa8 الله يسعدكم افدتوني جدا كنت بفكر بنفس الموضوع شكرا

ويسعدك يارب

الحمدلله ... الله يجزيهم خير البنات هنا مايقصروا