طالبات بحث وتدريب مع الدكتوره خديجة حريري...ارجو الدخول للاهمية

[امل الكون]

السلام عليكم ورحمة الله وبركاته

حبيباتي مثل ماانتو عارفين تحدد موعد المناقشه يوم الثلاثاء اللي هوا بكرا
الساعه 9 ونص في المبنى الثالث وطلبت مننا نعمل عرض بور بوينت مدته 10 دقايق
بنات انتو عارفين اللي مننا مايقدر يروح لها كل يوم ويستفسر عن الاسئلة اللي تبغاها
طلبت منكم طلب اللي هوا كيف نعمل عرض بوربوينت وايش الاشياء اللي نكتبها في العرض
بليز اللي سألت الدكتوره وعرفت كيف ياليت تتفضل وتخبرنا عنه لانه في بنات كثير مو عارفين
كيف يعملو العرض وجزاكم الله الف خير اتمنى لكم التوفيق من كل قلبي

[ليون الصغيره]

بناااااااااااااااات بسألكم ياليت احد يرد

انا معاكم بحث وتدريب بس مو نفس الاستاذه
ولمن دخلت الاوديس مكتوب في جدول الاختبارات يوم السبت ماده بحث وتدريب الساعه 1.30 الى 3.30

ايش هاذا الموعد موعد ايش ؟ علما اني سلمت البحث

[امل الكون]

مو شي مهم مجرد تنسيق للجدول ياقلبوو

طيب انتي سلمتي البحث كيف كانت مناقشتك
وكيف عملتي عرض البوربوينت
ياليت تفيديني عشان بكرا مناقشتي

[ليون الصغيره]

لا ماعملت بوربوينت ماطلبت مننا ناقشتي مناقشه بسيطه

[جووود...]

اهلييييييييييين ياحلوووه


العرض يكون الشي المهم الي هو الباب الاول والثالث

يعني مقدمه السبب الاهميه الفروض
بعدين النتائج والتوصيات فقط هذا الي انا بسويه



بالتووووووووووووووووووووووووووووووفيق

[امل الكون]

الله يستر ياجوود اخاف اعمل نفس الطريقة اللي قلتيلي عليها
وتقول ليش عملتي زي كدا بس انا بتوكل على الله وياااارب تزبط معانا

[FloOora NANO]

أنا مع خديجة حريري ومناقشتي إن شاء الله بكره ... بخصوص العرض هيا ماحددت ايش نكتب فيه بس قالت بالنص مدة العرض 10 دقايق وتحطي فيه رؤوس أقلام .. أنا عن نفسي حطيت الباب الأول كامل في العرض والباب الثاني بس حطيت عناوين .. والباب الثالث حطيت النتائج والتوصيات بس... غالبا هذا اللي ينطلب في العروض حقت البحوث.

بس ماتعرفوا هيا تناقش في ايش بالضبط لأني بجد خايفه احسها تحب تحجر للواحد ,,,, الله يستر

[امل الكون]

ياحياتي تسلميلي ماتدري قد ايش ارتحت لكلامك انتي وجود
الله يوفقكم ويوفقنا اجمعين وفالكم 100 درجه على الماده دي

[امل الكون]

بنات تكتبو الخاتمة في العرض والا انتو تناقشوها مع الدكتووره
افيدووني بليييز

[امل الكون]

30 مشاهدة مو معقوله مافي ولا رد