3 مواد حايسه فيهم سلوك مستهلك - اداة استراتيجية - دراسات ادارية معاصرة

[frfosha hanem]

انا عندي دي المواد :

سلوك مستهلك مع شذى عزي
ادارة استراتيجية مع ساميه مقبل
دراسات ادارية معاصرة مع كاميليا الجنايني

عندي مشكلة في المواد دي
1- السلوك ماعرف كيف يتزاكر لانو تقول الاستاذه كلو معانا ولا شي محذوف حتى مافي تآشيييرالكتاااب كلو معانا .
2- ادارة استراتيجية قالت انو نزاكر من السلايدات تبعها بس السلايدات في فصل ناقص ماادري هل هو مو معانا ولا هيا مو منزلتو ولا ايش وضعي لانها قالت انو الاسئلة حتجي لف ودوران ومو سهله حسبي الله عليها
3- داراسات معاصرة انا ماحضرت للمادة دي كانت عندي ظروف في وقت المادة دي ماعرف عنها شي اللي سمعتو انو نزاكر من كتاب وننزل السلايدات ونآشر منو في الكتاب وعليها يتزاكر طيب اساله او اشياء اضافيه لاني اعرف الاستاذه دي دايما نكتب معاها اشياءاضافيه او توضيحات
والمشكله الاكبر اني رحت لعدة مكاتب ابغا اشتري الكتاب وقالو انو موموجود وانعدم ودا الكلام ايش اسوي دحين ؟؟؟؟


دي مشاكلي وياريت تساعدوني فيها من جد حاااايسه ومني عارفه توضيحات اكيدة لكل مشكلة والاهم دراسات معاصره واداره استراتيجية انا خاايفه منهم مررره ، من جدد من جدد انا مني عارفة كيف ازاكرهم المواد دي

الله يفرج همكم فرجو همي لاني ضاااايق صدري من المواد اللي عندي ووقتي ضيييق ، الله يفرجها ويوفقنا

[sky_meme]

بالنسبة لسلوك المستهلك الفصل 6 محذوف فقط والمذاكرة من الكتاب ........

بالتوفيق

[frfosha hanem]

من جد !!

بس انا لما حضرت الدوره كم مرره تقول انو مافي شي محزوف وانو كلو معانا متى قالت الكلام دا ؟؟

معليش بس انو اتحمست انو محزوف

[حمد ss]

انا مصور كتاب دراسات ادارية معاصرة لزميلي لانة لفينا المكاتب كلها وللاسف ماحصلنا الكتاب اذا تبوني اصورة لكم انا مستعد اصورة وخلية لكم في مكتبة دار حافظ الي في حي الجامعة انتظر الرد

[frfosha hanem]

انا حروح على مكتبة الجامعه وحشوف ازا في الكتاب وازا لاء حردلك

انااااا ابغا اعرف دحين الادراة الاستراتيجية في السيرة الذاتية حق الاستاذة سامية مقبل في 14 فصل وانا مااعرف هل هوا حق الانتظام ولا الانتساب والله حووووست

قبل فتره كان 10 فصول بس لما فتحت اليوم لقيتو 14 ؟؟؟
ايش الحل ياجماااعه ردوووو علياااااا

[دفا الحب]

يالغلا الدراسات مع كامليا مححدتنا اشياء نذاكرها

وكتبتها للبنات

اما بالنسبة لسامية مقبول فانا جربتها هالاستاذة في الادارة اسئلتها ماكانت سهلة وجابت لنا مقالي

[فتفيت السكر]

السلايدات مو بس ناقصه فصل واحد لااا ,, ناقص العاشر والـ11 والـ12
وباقي السلايدات فيها أشياء زياده عن الكتاب ما أدري من فين جايبها

وما أقول غير الله يجيب العواقب سليمه في ذا المادة

[الفرااااشة]

بلييييييز ...
ابي كتاب دراسات اداريه معاصره ..
الله يوفقكم انا بالرياض اذا فيه احد يقدر يرسله لي بليييييز

[frfosha hanem]

اخوي حمد الله يعااافيك والله تكون ساعدتني ربي يجزيك الخير يارب

انا احتااج الكتاب لان المذاكره منو وياريت تصورلي هو وتحطو في دا حافظ بس تنبهني ازا حطيتو وتقلي اي دار حافظ لانو في اثنين في واحد قبال جاامعة بلازا والتاني جوا في المكاتب

شكررررااا

[frfosha hanem]

المشاركة الأصلية كتبت بواسطة دفا الحب يالغلا الدراسات مع كامليا مححدتنا اشياء نذاكرها وكتبتها للبنات اما بالنسبة لسامية مقبول فانا جربتها هالاستاذة في الادارة اسئلتها ماكانت سهلة وجابت لنا مقالي

دا الحب الله يعافيكي ياشيخه ،، ابغاها من ربي احد يرد ويساعدني

انا شايله هم المادة والله مرره خصوصا اني ماحضرتلها ولا اي شي في الحيااااه والحمدلله على كل حال
اختي الله يخليكي تقدري توضحيلي الاشيااء اللي معانا وانو فعلا في سلايدات في النت على اساسها نأشر بالكتاب ونذاكر منو و بالاضافه للزيادات اللي تديكم هو الاستاذه ؟؟؟

الله يخليكي انقذيني وفكيلي ازمتي الله يفك عليكم ازماتكم كلهاااا