ياليتها ماراحت وخلتني أو وسعت لـٍي بالقبر وياها :(

[يتيمه ضحكتي]

ياليتها ياليتها ما راحت و خلتني أو وسعت لي بالقبر وياها خايف عليها من الثرا غطاها ولا الحصى حافيه خاف اذاها اكرم عليها بالكفن يا مطوع بالبيت ظل فراشها وغطاها اكرم عليها بالكفن هذي امي و شهد عليها في ما عطت يمناها هذي الضحى واليل يتحرونه هذي السماء و نجومه تنعاها هذي السوالف مثلنا تبكيها هذي والارض تنشد عن اثر لخطاها هذي الكبيره كبر هذي الدنيا هذي العظيمه جل من سواها ابكي عليها مو نهار و ليله و لا سنه تمشي وعد قضاها ابكي عليها كثر ما شالتني و كثر الحنين الي اختلط بغناها و كثر الأسامي و كثر من سموها و كثرالنجوم و كثر من يرعاها ابكي عليها من القهر يا دنيا من لي انا عقب فرقاها من فتحت عيني و لا خلتني و شوفوا ولدها بالقبر خلاها هل التراب بوجها ما قصر شفتوا ولدها كيف هو جازاها لوانها مكاني ما سوتها لاكن اعز عيالها سواها يا دود شفها ذابله جنبها انا ولدها و حاضر وأفداها قطعني هاك الي تبي من جسمي بس الكريمه لا تجي بحذاها و وصيك أمانه قل لها تعذرني و تكفى تروح تحب لي ماطاها ابيها تغفر لي مثل ما كانت كل خمله منهي بطيبها ترفاها يالله عساها بنعيم الخالد و عساها في جنة عدن سكناها يا فضو هذا الكون يا هو خالي يا ضيق هذي الدنيا يا مقساها يا مر طعم فراقها يا مره ماني مصدق ارجع ومالقاها و شلون اجي غرفتها ما هي فيها وش عذري لسبحتها ومصلاها وش اقول انا لدولابها واذا أسالني مشطها وحنها وعباتها ومي زمزم ومصحفها والمبخره ورشوشها ودواها الكل في غرفتها متفقدها حتى الجدار متفطر و يرجاها الكل يبكيها مهو ناسيها يالله صبرني و شلون انساها ياليتها ..ياليتها ماراحت و خلتني او وسعتي بالقبر وياها

[سنفورة موت]

ياعمري آآآآآآآآآآآآآآآآآآآآآنا بكتيني وقسم


ماعرف ايش اقول الله يرححمها ويوسع عليها ويرزقها شوفه الباري والجلوس بصحبه الانبياءوالصحاابه



,,,ماشاءالله تبارك الرحمن مبدعه بالكتابه الله يحميك ....

[يتيمه ضحكتي]

حياك اختي نورتي

ومشكوره على دعاك
اللهم امين
ملاحظه
مو من كتباتي
مما راق ليه

^_^

[سنفورة موت]

طيب اسفه حتى اذا مو من كاتبتك هذا يدل على ذوقك الحلو ربي يسعدك ياعسل

[يتيمه ضحكتي]

حياك اختي
تسلمي
الذوق منبعك
حياك بكل وقت
^_^