سؤال في النهايات

[abdullah.al-hazmy]

السلام عليكم

اخواني لدي سؤال في النهاية
سؤال من ملخص اشرف بركات 2.2 ص 4
السؤال يريد النهايات من الرسم ( الرسمة في المرفقات )

ابغى اعرف كيف اجيب النهايات التالية من الرسم

lim f(x)
x->1+
lim f(x)
x->1-
lim f(x)
x->0-
lim f(x)
x->2-

..

[Eng.SouL]

أولاً قبل ما أجاوبك على السؤال: أنا برأيي لا يذاكر ملخص أشرف بركات إلا اللي فاهم لأنه ما يشرح بشكل كافي إنما ميزته في الأمثلة فقط :) أما من ناحية الشرح جمال السعدي أفضل

ثانياً:
شرح بسيط قبل الإجابة: إذا جاك فوق الرقم (+) يعني يقصد فيه الخط اللي ياصل عند هذا الرقم في المحور السيني من جهة اليمين
وإن جاك فوق الرقم (-) يعني يقصد فيه الخط اللي ياصل عند هذا الرقم في المحور السيني من جهة اليسار

الإجابة:
الأول يعني الخط اللي يجي عند رقم 1 في المحور السيني من جهة اليمين (وفي الرسم هنا يعني الخط المستقيم اللي بين 1 و 2)
الخط هذا إذا لمس 1 تكون قيمة الصاد هنا = 0
الثاني يعني الخط اللي يجي يسار الواحد :) (وهو في الرسم هنا القوس اللي جاي من الصفر لين الواحد)
وفي هذي النقطة قيمة الصاد = 1

وهكذا في الثالث والرابع :)
الثالث يطلع 0 والرابع 0 لأن في النقطتين كلها الصاد = 0

بالتوفيق ^^"