تجمع بحث وتدريب ادارة أعمال دولية عند الدكتورة / شيماء موسى

[ayoooo]

بسم الله الرحمن الرحيم ان شاء الله في موضوعي بكتب عن مادة بحث وتدريب عند الدكتورة شيماء
(ادارة أعمال دولية)
انا باذن الله تخرج الترم دا ونزلتلي المادة مع د/ شيماء
اليوم الموافق 22/3/2011م
قابلت الدكتورة مررررررة طيبة شرحتلي المطلوب وادتني ايميلها والتحويلة للتواصل

أول شي بقلكم على مواعيد الساعات المكتبية

السبت / ماعندها
الأحد 9.30-11
الاثنين 9-12
الثلاثاء 9.30-11
الأربعاء 9-11

طبعا لما رحتلها سلمتني ملزمة عن فن التقارير
والمطلوب كالآتي :
1- مكان التدريب ما اشترطت لكن لازم تقوليلها على المكان عشان تشوف ينفع للتخصص ولا لأ واقترحت (الغرفة التجارية- البنوك-شركة دلة-شركة بالبيد-موبايلي)
2- موضوع من مواضيع ادارة الأعمال ( علاقته بالمنهج = علاقته بالمكان)
3- البحث يشمل ثلاثة أجزاء
- جزء نظري (أقرأ عن الموضوع الي اخترته وابحث عنه في النت والمراجع) وبعد كدا ألخصه
- أدور عن الفجوة مابين النظري الي طلعته والعملي الي هشوفه في مكان العمل
وأشرحها (أسبابها- نتائجها - الضرر منها) اتكلم عن الفجوة
-أقترح ثلاثة حلول للمشكلة
-أقيم الحلول وأختار الأفضل والأمثل منها
- التوصيات والاقتراحات
(أوصي المكان الي هتدرب فيه بالحل الأمثل)
بعد كدا تبى تعرف ايش راي المكان في الحل وهل هيطبقوه ولا لأ وهل هوا مقبول أو لآ

ترا هذي أول زيارة ليا عند الدكتورة بالنسبة للمادة أنا قلتلها اول شي بشوف المكان
وبعد كدا يابنات ياريت تتواصلوا معاها دايم تراها مرة طيبة يعني لمن تختاروا الموضوع استشيروها اذا ينفع ولا لأ تكملوا فيه وبعد كدا تابعوا معاها الخطوات

الله يوفق الجميع ان شاء الله يارب - حبيت الكل يستفيد وياريت الي عنده اي معلومة جديدة يضيفها هنا ونتعاون مع بعض ان شاء الله

اخر شي بضيف ايميل الدكتورة للتواصل
shaymaarashad@yahoo.com

[جرووح الحب]

الله يعطيك العافيه على هالموضوع

انا اراسلها على ايميلها ماترد علي الا متاخر بالمره

هي طالبة تقرير وبحث والا بس بحث

للان في بعض الدكتورات طالبين تقرير على شكل بحث

نوريني الله يسعدك

[منى الشمري]

انا امس ارسلت لها واليوم ردت علي الاستاذه مرة متجاوبه ومتساعده الله يسعدها

[سحــوره]

ياااربي ليش اجل استاذتي ماااترد

قولولي اش اعمل ؟؟

انا بديت تدريب وغيرولي الاستاذه

[ayoooo]

المشاركة الأصلية كتبت بواسطة جرووح الحب الله يعطيك العافيه على هالموضوع انا اراسلها على ايميلها ماترد علي الا متاخر بالمره هي طالبة تقرير وبحث والا بس بحث للان في بعض الدكتورات طالبين تقرير على شكل بحث نوريني الله يسعدك

الصراحة ماسالتها وقتها بس اعتقد تقرير على شكل بحث على العموم بسالها ان شاء الله بس لان الحين بدور مكان للتدريب
ياريت يابنات نتجمع كلنا الي عند د/ شيماء - (ادارة اعمال دولية) وكل وحدة تكتب ايش صار معها

[منى الشمري]

اليوم ردت علي وطلبت مني تقرير من 15-25 صفحة بس وطلبت مني مناقشة البحث وقلت لها انا ما اقدر اجي الا وقت الاختبار فقالت اوكيه

[نوقه]

المشاركة الأصلية كتبت بواسطة منى الشمري اليوم ردت علي وطلبت مني تقرير من 15-25 صفحة بس وطلبت مني مناقشة البحث وقلت لها انا ما اقدر اجي الا وقت الاختبار فقالت اوكيه

السلام عليمك ورحمته الله

ممكن اعرف ايش الفرق بين البحث وتقرير وعندي سؤال ثاني بعض دكتورات اعطتهم اورارق تكتب فيه عن كل يوم ايش سوت في التدريب هل دكتوره شيماء تتطالب بهذا والملخص الي اعطتكم هو لازم نكتب فيه شي ولا بس عشان نعرف كيف اللطريقه لاني مااخذت الملزمه


وشكرا

[جرووح الحب]

ايش رايكم يابنات ارسلها على الايميل اسم البحث او التقرير الي اخترته
واشوف ايش رايها
والا افضل اروح لها على الجامعه
لاني متردده مره هي قد ايش راح يكون صفحات البحث كاقصى حد
حابه ابدا فيه من بدري عشان يمدي اسلمه قبل التخرج

[خوخه]

السلام عليكم ورحمة الله وبركاته
انا عند دكتوره شيماء
بس موارد بشريه واللي فهمتو منها ان التقرير يكون من مكان التدريب التلاته الاقسام اللي اتفضلت الاخت ayooo
ذكرتها
وبالتوفيق ان شاء الله

[ayoooo]

يعطيكم العافية كلكم ايوة كدا خلنا نتعاون والي عندها اي معلومة تضيفها
انا والحمد الله لقيت مكااااااااان بتدرب ان شاء الله في بنك (الهولندي) بس بنات ايش الورق الي نطبعه من موقع الجامعة
وهل لازم نختمه من الجامعة قبل ما نروح نتدرب