معاناتي في الجاامعة

[جنا السهلي]

السلام عليكم و رحمة الله و بركااته
حبييت اليوم اقولكم عن معاناتي لانو خلااص حاسة نفسي ما ني قادرة اتحمل و ذبحني التفكيير في الموضوع هاداا معاناتي بدات من التحضيري بالنسبة للموااد و حملت مادتيين واخدتهم صيفي و الحمد لله نجحت في مادة و المادة التانية ما توفقت فيها فرجعت اخدتها الترم اللي فاات و ضيعت تيرم كاامل من عمري >>> مو حرااام
المهم عديت من المادة بدرجة كويسة الحمد لله و هادا الترم تخصصت و اصلا حكاية التخصص هادي تؤرقني يعني مررة كنت افكر فيها وبعدين سكنوني في العلووم و اخترت الاحياء لانو كتيير نصحووني فيه من بين تخصصات العلوم ودحين صار لنا اسبوعيين ندرس فيه بس و الله حاسة اني ضاايعة و ماني فاهمة شي و مرره ضايقة فيني الدنيا لانو بصرااحة من اول ما دخلت الجامعة هاادي بس تحطييم ما شفت يووم حلو فييها
يعني بس باقوولكم اللي يقدر يساعدني في هادا الموضووع من ناحية انو احول لكلية تانية او اعتذر عن هادا الفترم او اسحب من الجاامعة و الله تعبت ما ني عارفة ايش اعمل بلييز اللي يعرف شي عن التحوييل يقوولي او السحب او اي شي اهم شي اني افتك من هادا التخصص مررة ما احس نفسي فيه
الله يسعدكم كتييير حايو اني اسمع نصاايحكم لا تحرموني منها .
موفقيين ان شاء الله

[اللولو]

وعليكم السلام والرحمة

أولا ياليت تنسي السنه التحضيرية خلاص فترة وعدت بسيئاتها بحسناتها خلصت وخلاص

ثانيا انتي الحين تبغي تحددي قسم في الجامعة علشان تمشي فيه ويكون حلمك الي حققتيه

اطلعي ع الاقسام الموجودة في الجامعة وشوفي موادها وخيارات وظائفها وشوفي اللي يناسبك و تشوفي نفسك فيه

بالنسبة للإعتذار او السحب انا ماأفضل بس ممكن تحذفي مواد التخصص وتخلي الثقافه والعربي وتحسب لك عدد ساعات

استخيري ربك وتذكري من يختار الطرق السهلة لن يصل ابدا للقمة

[رهـــووومه]

للرفع


الله يفرج همك ويوفقك وينور طريقك

وكثري الاستغفار عشان ربي يفتحها بوجهك :)

[جنا السهلي]

اشكركم شكر جزييل بس انا فعلا و الله تعبانة
طيب هل اقدر احذف موااد من الخطة و كيف لانو الحذف و الاضافة قفلوهم من زماان ؟؟؟؟

[عاشق بنبع]

السلام عليكم............حبيت اقولك ياجنى انو الحذف مو زي الاضافه تقدري تحذفي ومعك الحق بس بشرط مايكون اختبرتي الدوري الاول في الماده اللي راح تحذفيها..وبالتوفيق.................

[شايل جروحي بروحي 2010]

وعليكم السلام
الله يفرج همك ويوفقك ان شاء الله
تقدري تحذفي المواد اللي مضايقتك
بالتوفيق

[εïз shosho εïз]

المشاركة الأصلية كتبت بواسطة جنا السهلي السلام عليكم و رحمة الله و بركااته حبييت اليوم اقولكم عن معاناتي لانو خلااص حاسة نفسي ما ني قادرة اتحمل و ذبحني التفكيير في الموضوع هاداا معاناتي بدات من التحضيري بالنسبة للموااد و حملت مادتيين واخدتهم صيفي و الحمد لله نجحت في مادة و المادة التانية ما توفقت فيها فرجعت اخدتها الترم اللي فاات و ضيعت تيرم كاامل من عمري >>> مو حرااام المهم عديت من المادة بدرجة كويسة الحمد لله و هادا الترم تخصصت و اصلا حكاية التخصص هادي تؤرقني يعني مررة كنت افكر فيها وبعدين سكنوني في العلووم و اخترت الاحياء لانو كتيير نصحووني فيه من بين تخصصات العلوم ودحين صار لنا اسبوعيين ندرس فيه بس و الله حاسة اني ضاايعة و ماني فاهمة شي و مرره ضايقة فيني الدنيا لانو بصرااحة من اول ما دخلت الجامعة هاادي بس تحطييم ما شفت يووم حلو فييها يعني بس باقوولكم اللي يقدر يساعدني في هادا الموضووع من ناحية انو احول لكلية تانية او اعتذر عن هادا الفترم او اسحب من الجاامعة و الله تعبت ما ني عارفة ايش اعمل بلييز اللي يعرف شي عن التحوييل يقوولي او السحب او اي شي اهم شي اني افتك من هادا التخصص مررة ما احس نفسي فيه الله يسعدكم كتييير حايو اني اسمع نصاايحكم لا تحرموني منها . موفقيين ان شاء الله

وعليكم السلام ورحمة الله وبركاته ..

أولا وآخرًا كان الله في عونك :)

الحذف والإضافة قفل فعلا لكن لا تعتذري عن الفصل كامل إذا أخذتي مواد عامة خليها واحدفي المواد

اللي مضايقتك والله يعينك ويساعدك ..