استفسار الاجابة عليه

[عمر 2010]

السلام عليكم ورحمة الله وبركاته
اخوكم طالب في الصف الثالث ثانوي
وزي ما انتم عارفين كلها شهرين ونحوس في اختيار الجامعة والتخصص زي ما انتم سبقتونا فيها
ع العموم عندي كم سؤال كذا ارجو منكم انكم تجاوبو عليه
س1 : النسب المطلوبة في الجامعة للسنة الي راحت ؟

س2 : ماهي النسبة المركبة النهائية التي توقف عليها القبول في كلية الهندسة في السنة الفائتة ؟

س3 : السنة التحضيرية في الجامعة تشمل جميع التخصصات العلمية ولا كل تخصص له سنة تحضيرية خاصة فيه

س4: المواد التي ندرسها ان شاء الله في السنة التحضيرية

س5 : الجامعة من حيث النظام والتسهال والشدة ؟

وجزاكم الله الف خير

[vsvosa]

وعليكم السلام و رحمة الله و بركاته
1- بالنسبة للنسب تختلف بين البنات و الاولاد و للاسف انا ما اعرف نسب الاولاد .
2- صراااحة دا السؤال ما فهمتو .
3- السنة التحضيرية تشمل جميع التخصصات بالنسبة في جدة .
4- السنة التحضيرية هي خطتين خطة أ تدرسو ( رياضيات - فيزياء - حاسب - مهارات اتصال ) خطة ب تدرسو ( كيمياء - احصاء - احياء ) بالنسبة للانجلش هو اربعة مستويات و في اختبار تحديد مستوى يختبروكم هو و منو يحددو مستواكم .
5- الجامعة مو زي المدرسة انت تجري ورا الدكاترة و تدور على مصلحتك محد داري عنك و لا احد مفكر فيك .
بالتوفيق ان شاء الله للجميع

[ndo-farforah]

يمكن النسب المطلوبة الموزونة اعتقد توقف عند السبعين او خمسة و ستين تقريبا بس ماني متأكدة
السؤال التاني مالو اجابة دحين
لانك بس تحتاج نسبة عشان تدخل الجامعة و تدرس السنة التحضيرية
بعدين تجيب معدل في السنة التحضيرية عشان تختار الكلية الي تبغاها
و طبعن الهندسة حيكون المطلوب فيها معدل مرررة عالي 4.5 من 5 او اكتر 4.7 مثلن
على حسب الدفعة لانو تخصص مرة مطلوب
السؤال التالت
ممكن تختار سنة تحضيرية للعلمي او ادبي او اداري

و الباقي قالتو vsvosa
:)

[ووجدداان]

المشاركة الأصلية كتبت بواسطة عمر 2010 السلام عليكم ورحمة الله وبركاته اخوكم طالب في الصف الثالث ثانوي وزي ما انتم عارفين كلها شهرين ونحوس في اختيار الجامعة والتخصص زي ما انتم سبقتونا فيها ع العموم عندي كم سؤال كذا ارجو منكم انكم تجاوبو عليه س1 : النسب المطلوبة في الجامعة للسنة الي راحت ؟ عشان تنقبل في الجامعه تكون نسبتك الموزونه الي هيا مع القدرات والتحصيلي كلها مع بعض عشان تعرف تكون اقل شي يقفلو عليه 80 واذا كنت 80 تدوام مسائي بس ممكن تكون دفعتك شاطره ويقفل علي 82 اتعرف بس ربك يسهل سمعت قرار الملك الي نزل قبل يومين انو التسهيل لطلاب الي داخلين جامعه فانت ان شاء الله داخل ولا يهمك س2 : ماهي النسبة المركبة النهائية التي توقف عليها القبول في كلية الهندسة في السنة الفائتة ؟ ماعرف بس لازم تشد حيلك في السنه التحضيريه عشان تنقبل هندسه اكيد اقل شي 4,5 س3 : السنة التحضيرية في الجامعة تشمل جميع التخصصات العلمية ولا كل تخصص له سنة تحضيرية خاصة فيه شوف عندك مسار علمي يشمل خطتين أ و ب ....أ الي هيا رياضيات وفيزياء وحاسب ومهارات اتصال وانقليزي و ب الي هيا احصاء وكيمياء واحياء وانقليزي اما اذا كنت اداري فيتختلف س4: المواد التي ندرسها ان شاء الله في السنة التحضيرية قولتها فوق خلاص ههههه س5 : الجامعة من حيث النظام والتسهال والشدة ؟ اممم لاتفكر كذا اولا مافي جامعه تتساهل كلها صعبه فكر من يوم تدخل الجامعه المعدل وبس جيب معدل وادعى وربك الي يسهلك مو الجامعه وجزاكم الله الف خير

اجممعين ان شاءء الله