مشكلة المكافآات عندي بس ولا عند الكل ...؟؟

[وسيم الإتحاد]

السلام عليكم ورحمة الله وبركاته

كلنا عارفين إنه يوم 25 من الشهر الهجري اليوم المفضل عند الطلاب إللي تنزل في المكافآت
المهم ...
أنا شيكت أمس (25 / 2 ) في صراف سامبا لقيت المكافأة نزلت جيت أسحبها ما طلع شي رحت لصراف ثاني نفس الكلام .... قلت يمكن ما فيها فلوس ... رحت لصراف ثالث نفس الكلام قلت في بالي مستحيل الصرافات كلها مافيها فلوس ... دخلت بطاقة بنك ثاني وسحبت ماشاء الله المكينة مليانة فلوس !!!!!!
المهم اليوم جيت أجرب مرة رابعة إلا جاتني المفاجأة ...
(( لا يمكن إتمام العملية نرجو مراجعة قسم الرواتب والمكافآت لديكم ))

إيش الموضوع لأن الرصيد 1000 >>>> مبقي 10 من مكافاة الشهر إللي فات وماهي راضية تطلع

[alFeeto]

ممكن تاريخ البطاقة منتهي
شوف التاريخ اذا منتهي روح العمادة قسم المكافات وبيعطوك غيرها
تلاقي التاريخ مكتوب خلف البطاقة

[خطة أ]

ممكن تاريخ البطاقة منتهي

[depressed]

اذا انتهى تاريخ البطاقة بتنسحب
امكن في مشكله في صرافات فشوف جرب مره تاني
عن نفسي لسع ماشيكة على المكافأ و فكرة اسحبها ....... اسير خير ان شاء الله

[عموريAHLI]

صارت لي من قبل

لو قالك راجع قسم المكافآت , هذا معناته خطأ من الصراف نفسه

لو رحت لصراف ثاني خصوصاً الصرافات اللي تكون في الفروع حتنزلك المكافآة ان شاء الله

[عاصم العاصم]

المشاركة الأصلية كتبت بواسطة وسيم الإتحاد السلام عليكم ورحمة الله وبركاته كلنا عارفين إنه يوم 25 من الشهر الهجري اليوم المفضل عند الطلاب إللي تنزل في المكافآت المهم ... أنا شيكت أمس (25 / 2 ) في صراف سامبا لقيت المكافأة نزلت جيت أسحبها ما طلع شي رحت لصراف ثاني نفس الكلام .... قلت يمكن ما فيها فلوس ... رحت لصراف ثالث نفس الكلام قلت في بالي مستحيل الصرافات كلها مافيها فلوس ... دخلت بطاقة بنك ثاني وسحبت ماشاء الله المكينة مليانة فلوس !!!!!! المهم اليوم جيت أجرب مرة رابعة إلا جاتني المفاجأة ... (( لا يمكن إتمام العملية نرجو مراجعة قسم الرواتب والمكافآت لديكم )) إيش الموضوع لأن الرصيد 1000 >>>> مبقي 10 من مكافاة الشهر إللي فات وماهي راضية تطلع

رحت الصرافة خصوصا لك ياغالي
لأنك الله يسامحك فجعتني ..
لأن أسوأ شي عندي في الحياة
انه يكون عندي معاملة عند البنوك والدوائر الحكومية .

اتوقع انه في مشكلة في البطاقة عندك
لأن المكافأة نزلت عندي .

بالتوفيق ان شاء الله

[صقرر]

اخوي ادخل فرع سامبا وحاول تسحب من الصراف الي جوة

اذاما قدرت المشكلة حتكون انه البطاقة ممكن تكون منتهية وروح خذ بطاقتك الجديدة من العمادة

[هندسه كهربائيه]

شوف تاريخ البطاقه
مكتوب التاريخ تحت
اذا منتهي يعني السبب منه

[fort of cups]

أخوي وسيم,,,

نفس المشكله صااارت معي بالضبط,,,

رحت لأكثر من خمس صرافات ومي راضيه تنسحب المكافأه يجيني راجع الفرع,,

لكن لمن رحت للفرع الرئيسي اللي في التحليه بالتحديد الصرافه اللي جوا البنك,,,

انحلت المشكله وصرفت المكافأه,,,

[وسيم الإتحاد]

يعطيعم العافية يا أخوان ...

بس تاريخ البطاقة غير منتهي ..
وأول صرافين رحت لهم هم الصرافين الموجودين في التحلية قدام الفرع الرئيسي ..

والآن انا رايح للفرع نفسه ...
بس المشكلة إلي قاهرتني من جد ... إن أضغط استفسار عن الرصيد يقولي رصيدك 1000 ريال .. طيب سحب نقدي ... ما تطلع
وشكرا لكم مرة ثانية