كل الي استفدتو من روحتي اجتماع الفيصلية اليوم =)

[Dr.Passed]

السلام عليكم ورحمة الله وبركاته
اخواتي واخواني
اليوم زي ما انتو عارفين اجتماع التسكين في الفيصلية
سنة كنت قاعدة ادور على القاعة في الشموس من مبنى لمبنى لكن الحمد لله وصلت في النهايه...(كنت حرجع البيت)

االموهيم..خلوني اقولكم ايش انقال اليوم عشان اجاوب على استفسارات البعض (الكسلانين الي ماراحو مثلا) =)

1. ليفل 5 اختياري مو داخل في المعدل بس اذا سجلتو و مالتزمتو و غبتوا اكتر من 6 غيابات ( تنحرمو من مرتبة الشرف يالطيف) يعني اذا سجلتو التزمو بس هو مو داخل في المعدل

2.التسكين يبدأ في نهاية شهر 4 وينتهي في تقريبا اول شعبان (تقريبا زي ماقالو)

3. الراسبين يحددو رغباتهم مع الناس الي عدت لكن محايتم الفرز عليهم الين ميعدوا كل موادهم

4. مواد السنة التحضيرية لازم تخلص في 3 سميسترات (سنة ونص) بعد كدة يالطيف يسولنا طي قيد

5الي يبغا طب لاينزل الكيمياء والاحياء حقو عن +b

6. كل سنة الطب ياخد 150 طالبة

7.تاريخ 24-4 حيكون في اجتماع تاني مرة مهم في السليمانية (في قاعة الملك فيصل) من الساعة 9 الى 2

هادا تقريبا الي انقال اليوم في الإجتماع اتمنى انكم استفتو و ازا في استفسارات اسألو امكن انقال اليوم واقدر اجاوبكم

اختكم Dr.Passed