تعالوا نذاكر رياضيات ؟!

[Ӎṝ.7ṂṍṍḊḽ :)]

السلام عليكم ورحمة الله وبركاته ’’ ..

شباب شرايكم نذاكر هنا مع بعض بالمنتدى ؟! يعني حتقولولي كيف حقولكم كل واحد يحط له سؤال مو فاهمه والي فاهم هالسؤال يحله له وبالشرح حقه لين مايفهمه ’’ طبعا حتقولوا ماكل واحد يذاكر لحاله احسن بس ليه ما نجمع خبراتنا مع بعض عشان نكون رابطة قوية وندخل الاختبار بدفعة معنوية قوية ’’ .. طبعا لكم خطة بسيطة للي يبغى يلحق على نفسه ( انصحكم تذاكروا من الاخيرعشان تلحقوا ع الوقت )

الأربعاء :
12 ظهرا - 12 مساء تقدر تخلص فيها شابتر 3 و 4 مع بعض بالعافية يعني تقسم 3.1 - 3.4
حط لها 6 ساعات ومن 3.5 - لشابتر 4 6 ساعات او شوف انت الي يريحك ..


الخميس : فترة ماقبل اختبار الحاسب ..

كل واحد يشوف له دحين 3 ساعات يذاكر فيهم المنهج يقراه قراءة بسيطة دحين دحين قبل ماتنام ويفوت منك اليوم استغله عشان الربوع منت ناقص منه تضيع فيه ثانية حتى لذلك اقرا دحين المنهج كله قراءة استذكارية جيدة وقبل الاامتحان اقراه بتجيب الدرجة الكاملة ولاخوف عليك جرب اسمع كلامي وشوف
طيب فترة مابعد اختبار الحاسب حاول تخلص فيها شابتر 2 لانه سهل وياحبذا لو تاخذ لك الابندكسات او واحد من مواضيع الابندكسات وتذاكره ’’


يوم الجمعة ماقبل الصلاة
.. خلص الابندكسات ( اذا طويلة عليك راجع التمارين الي عليها في التست بانك حقتها )
بعد صلاة الجمعة خلص شابتر 1 عندك من 1 - 7 .. ( لا تقولي بروح بيت ستو وجمعة ومدري ايش ) ..


ليلة الاختبار العظيم
.. عندك من 7 - 12 وقت تراجع فيه كمل الاشياء الي ماخلصتها وشد حيلك .. نام الساعة 1 - صلاة الفجر .. عندك خمس ساعات حلوين يشبعوا السكران نوم
بعد صلاة الفجر عندك من 7 - 12.30 ( مراجعة ختامية ) .. عاد اقعد كدا اتسلى زي مايقول حقنا المدرس بالمسائل اقعد اتدرب واتدرب ( في هذه المرحلة ياويلك تقول ان فيه شي منت فاهمه ) لذلك عندك هالوقت لازم تكون فاهم كل شي ..
احفظ القوانين وزي كذا قبل هالوقت سابق الوقت ..

بقول اخر شي : .. سيبك من الي يقولوا انت جاي تذاكر الاختبار بـ 3 ايام بَس وسيبك من الي يقولوا ان هالوقت مايكفي وكذا .. شوفوا يا شباب بيني وبينكم الشغلة شغلة معنويات ونفسيـة بحتة يعني الي تحطه في راسك بتجيبه و 3 ايام تخلص فيها اشياء كثيرة بس مشكلتنا نحب نضيع وقتنا باشياء مالها داعي صح ؟!
ودحين عندنا من 8 - 12 الليل نخلص الي نقدر نخلصه ..

طيب انا بقول شغلة اخيرة عشان ما اطفشكم بكلامي .. اذا حسيت انك ملان من الرياضيات ذاكر لك ساعة ولا ساعتين مادة ثانية وبعدين ارجع للرياضيات من جديد عشان لا تطفش من الريـآضيات وتقعد تسحب لك كم ساعة بشي ماله فايدة وانت كل مابتذاكر وتحس نفسك فاهم تحس انه فيه طاقة غريبة جاتلك تخليك تذاكر اكثر واكثر بس المشكلة انه لمن تجي علينا مسالة صعبة نتحطم ونروح نلعب ونقول خلاص عاطلين عاطلين والاجر على الله ..
اخيراً .. أذا فيه شي تحسه بيفيدينا وماراح تستفيد منه انتْ فلا تبخل علينا فيهْ عشان نقدر نفيدك ونستفيد معآك يعني الي عنده كلام ثاني غير هذا يقول عآدي المجال مفتوح نتناقش شويتين مايضر المهم نخطط كيف راح نخلص الريآضيات بهالايام الجايةَ وإن شاء الله كل واحد يجيب بالاختبار الدرجة الي تعجبه