بخصوص الملخصات سوال لأهل الخبرة بهذا المنتدى

[طالب ثانوية صناعية]

السلام عليكم ورحمة الله وبركاتة

اليوم وصلت الكتب ولله الحمد للسنه التحضيرية خطة (ب)

واول مافتحت كتاب مهارات الاتصال وجت ببالي فكره اني اعمل ملخص شامل يساعدني في المذاكرة وبالنقاط الرئيسية ولما بديت التلخيص جت ببالي فكره اني انزل كل الملخلصات الي اسويها هنا حتى اخواني واخواتي يستفيدو ويعرفو يذاكرو والله ما ابي مقابل هالشي الا دعوة في ظهر الغيب

لكن السوال الي حيرني هل هالشي مسموح به او لا بمعنى لايجي دكتور المادة يقول ليش تلخص مادتي بدون اذن مني اذا كان يسمح اني الخص هالماده وكل موادنا واضعها هنا بين ايديكم احبتي للاستفادة فبأذن الله راح اسوي الملخصات بشكل ميسر وشامل وانزلها للاستفادة وكمان الي حاب من اهل المنطقة الشرقية انة يحصل ع ملخص مطبوع راح اوصف لكم مكتبه وانزل هالملخص فيها وماعليكم سوى دفع قيمة التصوير فقط اما انا ما ابي منكم الا دعوة في ظهر الغيب

انتظر رد المسئولين واصحاب الخبرة

تحياتي لكم

[حسومي55]

ما اظن يسوون شئ بس لازم تتأكد من دكتور الماده لان ممكن يكون في اشياء يحذفها وكذا

والله يجعلها في موازيين حسناتك

[*زهرة السوسن*]

بالنسبة للتلخيص فيه كثير يسوون تلخيصات وينزلونها عادي في المنتدى ....بس أهم شيء تكتب في نهاية الملخص
(إبراء للذمة : الملخص لايغني عن الكتاب...على الجميع مراجعة الكتاب ...)
لإنه الملخصات تجي شوية مختصرة ....ويمكن لاقدر الله تجي معلومة ناقصة من الملخص في الإختبار ...

[طالب ثانوية صناعية]

اوكي اجل باذن الله على نهاية الاسبوع اكون نزلت ملخص لمادة (مهارات الاتصال ) وابدأ بدها ببقية الكتب

وشكرا لكم حسومي وزهرة السوسن وبالنسبه للحذف هذي عاد مهمة الطالب نفسه هو الي يتابع المحذوف انا بلخص الماده كلها ويارب الكل يستفيد من ملخصاتي

تحياتي لكم

[SeЙorita]

ربي يعطيك العافيه ويقويك اخوي

[سفن أب]

طبعا الملخصات تبدأ بعد الدورة التاهيليه المعلمين يلتقون بالطلاب وراح يوضحون كل شي وان كان هذا الشي اجتهاد منك فبارك الله فيك

[طالب ثانوية صناعية]

بنسق مع الاخوان الي بيحضرو السبت وان شاء الله لكم احلى واجمل واكمل وامثل ملخصات

تحياتي لكم