بنات الانتساب للي اختبروا الاختبار البديل بعذر..

[7oriah_ksa]

السلام عليكم ورحمة الله وبركاته..
اتمنى افادتي أنا الحين مستوى خامس ومحتارة ادخل هالترم أو لا لأن موعد ولادتي بتكون في شهر الاختبارات النهائية للترم الاول، سؤالي أنا إن شاءالله لو دخلت هالترم بس ما حضرت الاختبار الاساسي ودخلت الاختبار البديل هل دكتوراتي هما اللي راح يحطوا الأسئلة ويكون المحذوف والمقرر مثل ما تم بالدورة التأهلية أم لجنة بتحط الأسئلة وكل الكتاب معايا؟؟؟

أتمنى افادتي والله يوفقكم جميعاً..

[نجمة غلا]

بجاوب على سؤالك بس بشرط


انتي على وجه ولاده ابيك تدعين لي بغرفة الولادة ان الله يسخر لي زوجي واولادي ويسخرني لهم وييسر امورنا



ههههههههههههههههههههه

لاتنسين

حبيبتي نفس الاستاذات ونفس التحديد والمحذوف اللهم بيكون اختبار بديل ياقلبي يعني لاتقلقين

الله يقومك بالسلامة

[7oriah_ksa]

ههههههههه يا حليلك يا نجمة ويارب يوفقك وييسرلك امورك وامور زوجك واولادك يارب
بس عندي فضول هل انتي جربتي الاختبار البديل وعارفة ان الاختبار بيكون من نفس التحديد اللي قالوه بالدورة ولا شلون وأنا اصلا ماراح احضر الدورة لأني بالرياض أنا كل سنة احضرها بس وضعي هالمرة غير عشان كذه ناوية اخذ المواد النظرية فقط واللي ابي اتخلص منها..

[*ثابتة على قيمي*]

والله يا حوريه حالي قريب من حالك الله يسهل علينا وعليكِ

المهم بس حبيت اطمنك بخصوص الاختبار البديل إذا جبتي عذر بسهوله تنعاد لك
البعض يقولو انها تكون اصعب والله اعلم
بس انا اختبرت امس مادة وكانت الاسئلة نفس اسئلة اللي اختبروا في موعد الاختبارات الاول
والمطلوب من المادة نفس اللي يتحدد في الدورة التأهيليه


بس ياليت نعرف متى يكون موعد الاختبارات البديله هل في منتصف الترم الثاني ؟؟
او مع بداية السنة الجديدة ؟

[7oriah_ksa]

طيب كويس الحمدلله يا ثابتة مرة طمنتيني والله يقوينا يا رب وييسرلنا ولادتنا وأنا اكيد بيكون عندي تقرير طبي لأن موعد ولادتي بيكون قي شهر 1 من 2011 ومن الحين عارفة اني راح اسوي قيصري فممنوع اركب الطيارة واجي لجدة لين يلتئم الجرح والله يعين
المهم اتوقع الاختبار البديل بيكون في شهر 4 او 5 من 2011 هذا من راسي
بس دايما الاختبارات البديلة تكون متأخرة فأكيد راح تكون في الترم الثاني واهم شي ما يضيع الترم علينا ان شاءالله..