هل تنفقون المكافأة بسرعة ؟؟؟

[حنان 90]

السلام عليكم ورحمة الله وبركاته

هذا الموضوع استفتاء :

هل تنفقون /تصرفون / (تطيرون) المكافأة اول ماتستلمونها ؟؟ او تجلس معكم لفترة طويلة ؟؟

[كل الوفا]

بصرآحة المكافئة تطيييييييييييييير وفوقها نتسللللف
وتنصرف بين كتب وملخصات ومصروف يومي
وغير السائق واللوازم المهمة وووووووو الخ
<<<الله يخلف علينا بس ....
ويعييييييييين الانتسآب والانتقآلي ....

[xanaza6]

انا تجلس معاي, طبعا اطبخ واغسل ملابسي وانظف الغرفه فعادة تطير الفلوس بالاساسيات بس حاط حد معين للاسبوع, 100 ريال للاساسيات زي الاكل وغيره, وطبعا الكتب والجامعه مالها حد عندي, و250 تروح من المكافأه للسكن.
الباقي اتمشى فيه واروح فدركرز وفرايديز بعض الاحيان واتهنى. هذي مكافأتي باختصار ^^

[لمعة الألماسة]

اممممم في الغالب تروح بسرعه
بس احاول ارفع على جنب منها ميه او ميتين

[أمـيـر]

على حسب الظروف بس هيا المكافئة اصلا ماتظل كثيير

بس في فرق بين المغترب والمقيم في جدة فكذا تقل الصرفية شوي على المقيم هنا

اما المغترب مثلننا وربي المكافئة في غمضة عين تطير نحتاجها لاكثر من شي هوا العزبة والكتب ومادري ايش الخ ...

بس ماقول الا الله يعين

[قلبي مملكه]

نصها يروح لسواق ...والباقي يطير بسرعة



حناااان مواضيعك دائم عجيبة<<<<<امزح معك لا تزعلين

[wan]

استغفر الله احس مافيها بركه

تطير في يومين .

[حنان 90]

المشاركة الأصلية كتبت بواسطة قلبي مملكه نصها يروح لسواق ...والباقي يطير بسرعة حناااان مواضيعك دائم عجيبة<<<<<امزح معك لا تزعلين

يمكن لاني اكتب مواضيع مو متعلقة بالدراسة والمناهج كثير

[حنان 90]

انا الحمدلله تجلس معي
ذحين تقريبا في رصيدي 1700 ,, وبعد كم يوم تنزل مكأفأة شهر 10 ؟؟

[حنان 90]

اكثر البنات اللي اعرفهم يضيعوها على الاجهزة + الملابس ؟؟
فماادري اذا انتم كذا ولا لا