نصائح للطلاب المستجدين (1) حيااكم

[نــورهـ]

السلام عليكم و رحمة الله و بركاته

كل عام والجميع في منتدى الجامعة و المسلمين باأحسن حاااال
تقبل الله منا ومنكم صالح الاعمال

موضوعي يخص كل المستجدين الذين إنظموا الى كوكبة جامعتنا و فرحنا بقدومهم

هي نصائح أقدمها لكم كنت أحتاج من يوووجهني لها و يرشدني الى بعضها عندما كنت على عتبات الدراسة الجامعية
محاورنا :-

أول الايام
إلغوا فكرة الخوف و القلق و الرعب اول الايام في الجامعة
لان احلى مرحلة حانمر فيها هي المرحلة الجامعية كل شيء في البداية صعب لكن لازم قبل مانعيش هذا الجو نحط في بالنا انها ايام حلوه و حانتمنى تنعاد
قبل ماتطلعوا من البيت إتوكلوا على الله و أخذ رضاء و الديك و ابني في عقلك اول طوبة من رحلتي الجامعية اني رايحه أبني مستقبلي بعد الله رايحه ارفع رأس أمي و أبي أرد لهم جزء من المعروف الي قدموا لنا رايحه عشان اتعلم و احتسب العلم هذا لله سبحانه و تعالى اتعلم عشان اخدم ديني ثم وطني مجتمعي أمتي و أوفر لنفسي حياة كريمة من البداية لاتسمحوا لاحد يثبطكم و ياكثرر المثبطين اقسم اكرهم مهما كانت العقبات لاتسمعوا لا احد يقول ايش فايدة تخصصي ايش حااعمل بعدين وين اروح مافي وظائف حط قاعده الارزاق بيد الله و لكل مجتهد نصيب مسسسسستحيل يتساوى اثنين الحين انا رايحه بنفس مطمئنة و ابتسامه و ثقة بالله ثم بنفسي صدقوووني حاتكون هذي المرحلة احلى فتره في حياتك انا كتبت هذا الكلام لان كثير من المستجدين خايفين و ماالومهم لكن اكيد هم قادرين على اجتياز العقبات و التحديات لاننا ابناء هذا الوطن و امهات و آآباء المستقبل معلمين و معلمات مهندسين و اطباء و ممرضين مبرمجين عالمين و قضاء كلنا يكمل بعضه بعضا ....

الكتب و الدفاتر :-
بالنسبة للدفاتر يكفيك اول اسبوع دفتر واحد و اقلام و الرصاص الين تعرفي ايش المطلوب منك و دايم خلي لكل ماده دفتر او دفترين غير دفاتر المذاكره اجعلوا دفاتركم ساحة لمواهبكم و دراستكم في نفس الوقت كل ماكان دفترك مريح و نظيف و الخط مرتب و بعض لمساتكم الفنية حاترتاحي في المذاكرة و هذا يعكس شخصيتك و تحبي دفترك و بالتالي المذاكره .

اللبس (بالنسبة للبنات) :-
بالنسبة للبس ماادري هذا رائي الشخصي خلي لبسك اسبور لان حر و شمس خليك على الجينزات و التشيرتات و اكسسوار ناعم و اهم شيء الجزمة الله يكرمك تكون مقفلة عشان الشمس لاتعدم رجولكم و لاتنسي واقي الشمس و مكياج ناااعم و ربي تطلعوا احلى بنات .

نجي للمهم
الدراسة و المعدل :-
نجي للجد و المعدل اكيد كل واحد فيكم نفسه في تخصص معين يعني لازم تشدو حيلكم عشان توصولوا للهدف و هذي اول درجة في سلم النجاح .
شدوا حيلكم بقوه و خاصة اول ترم عشان معدلك حايتاثر باول ترم يعني كل ترم يعتمد على معدل الترم الي قبله

في المحاضرة و علاقتي بالدكاتره
الحرص على الجلوس في الامام و التبكيرر الى المحاضرة تحضير الجديد و مراجعة السابق له دوور كبير في ان الدكتور او الدكتوره تعرفني و أحصل على اهتمامها وماحايعرفونا الا اذا اعطيت الماده اهتمامها و حطي نفسك مكان المعلم احد يهتم بمادتك و الثاني لا مين حاتحببببوا؟؟
وحايفرق بعدين حاتفهموا بعدين معنى كلامي لازم تكون علاقتك حلوووه مع كل الدكاتره و تعطوا كل دكتور و ماده كل اهتمامك و هذا يبان على الطالب المجتهد و بالتالي حايزيد قدرك عنده اذا عندكم سؤال اسالوا لاتستحوا ابدا احنا جايين عشان نتعلم و لاتفوتوا اي محاضره حتى لوتعبانين او طالعين من اختبار و بعدها عندنا محاضره صح حايكون تعب و ارهاق بس لازم الحضووووور كل هاالامور حاتكون في صالحك .
وقت المحاضرة جد و بعدها وقت الفرااااااااغ فلوووها اعطي كل شي حقه و بالتووووووووووووفيق يارب

لا تيأسوا ابدا حتى لو واجهتكم عقبات او مشاكل عادي حاتعدي
اخيرا اعتذر على الاطااااله بس والله لاني دخلت و كنت محتاجه احد ينصحني و مالقيت و ماابغى احد يوقع في اخطائي لان احنا كلنا اخوان في المنتدى اذا عندكم اي سؤال او استفسار اسالوا و خذوا راحتكم و اعتبروني اختكم إذا محتاجين أي مساعده حتى لو ماقدرت انا كل اعضاء المنتدى هنا مايقصروا أبدا الهدف من الموضوع هو كسر الرهبة و نضع هدف لنا من أول يوووم في المرحلة الجامعية و من تعب صغيرا ارتاااح كبيرا و نتعب الآلآلآن حتى نقطف الثمرة ان شاء الله

دمتم بخييييييييييير وحياااكم الله بيننا ...

[{ شمس ~..]

د.نورهـ

مشكوووووورة كثثثيييييييير على الدفعة المعنوية الرووووووووعة


أنا عن نفسي متفاائلة مرررة


وربنا ما يضيع تعب أحد أبد

[نــورهـ]

آآآآمين يارب

ربي يحفظك ابعثي روووحك و تفائلك في زميلاتك و الي حووولك بتكوون حياتك و الي حووولك وورديه و الكل يتمنى قربك اهم شيء التفاؤل

[♫♥ صَمت آلـجرآح ♥♫]

يعطيك ربي الف عااافيه ع النصايح الحلوة وانشاءالله راح نتبعها كلها


بس حبيت اسال الكتب حق المواد كيف نجيبها من فين ؟؟ هما يقولو لنا والا احنا نروح مكتبه معينه والا كيف مني عارفه

[~RAN~]

الف شكر لك د.نورهـ
موضوع رائع جداً ومفيد

الله يعطيك العافيه ويوفقك يارب ~

[l0o0la]

يسلمو د. نوره
عن جد شجعتينا ورفعتي معنوياتنا وان شاء الله احاول من فتره لفتره اقرأ الموضوع من جديد

الله يعيطيك العافيه ويجعلها في موازين حسناتك يارب ..:)

[Dr.Mo0ody]

يعطيكي ألف عافية ع النصايح والإرشادات...
وربي يوفق الجميع ..

[نــورهـ]

لكل من مر من هنا لكم جزيل الشكر و فائق الوود

صمت الجراح حبيبتي كل دكتوره حاتطلب منكم كتاب معين تعطيكم الاسم و المؤلف و تروحي المكتبة ان شاء الله تلاقيها اما جرير او العبيكان او بعض الدكاتره تنزل ملزمة في التصوير او المكتبة في الجامعه يعني لاتشيلي هم الموضوع مرره بسيط و ياهلا فيك

[بسمة تشرين]

من جد شكرا حمستيني يادكتورة نورة الله يوفقك و يوفق الجميع يارب

بسمة تشرين

[نــورهـ]

بسمة تشرين موووفقه يارب
وبالفعل مثل توووقيعك بداية حلم اي نجاح ووصول للهدف

حلم + خيال + تخطيط+ تنفيذ= الووصول للهدف بإذن الله