استفسار بخصوص سهولة الإحصاء + عدد المواد لكل ترم( عنوان مخالف تم تعديله)

[سواريه]

بنات معليش ساعودني انا لسه اول سنه ليا في علم النفس يعني لسه جديده احتاج مساعدتكم نزلولي 6 مواد ومنها المدخل الى الاحصاء النفسي وانا مرررره اكره الرياضيات قوللولي كيف هيا الماده سهله ولا صعبه عشان اذا صعبه احذفها والسؤال التاني اخذ 6 مواد ولا احذف خصوصا ساعات القسم طويلة 128ساعة ردو عليا ضروري بسرعه بليييز

[شهد يوسف]

المدخل الى الاحصاء النفسي سهل كثيررررررررررررررررر بصراحة كانت احلى مادة
والسؤال التاني اخذ 6 مواد ولا احذف خصوصا ساعات القسم طويلة 128ساعة؟؟؟؟؟؟؟؟؟ على حسب ظروفك انا كل ترم انزل 6 مواد بس اذا حابه ترفعي معدلك خذي 5

[رماد الشـوق]

لالالالالا مره لاتخافي انا ع قولهم تنبل في الرياضيات والاحصاء مررررررررررررره تاااااافه وجبت في 90

ونصيحه قلبي خذيه عند استاذه دلال المقاطي


وخلي موادك خمسه لانه ظغط عليك


وحياكي الله في قسمنا الاكثر من رائع واي استفسار انا تحت امرك

تحياتي واحترامي لشخصك
"رماااد الشوق"

[مزون عابرة]

جدااااااا سهل وممتع
والاستاذات الي ماسكينه ممتازات

و6 موآد < مرة طبيعي ومو ضغط
الاهم توآزني بين الموآد ..

[ميمو مدني]

اذا ندى امين تدي السنه دي احصاء نفسي صدقيني حتتمني انها تدرسك كل المواد الله يسعدها يارب

واذا كنتي في الاصل علمي في الثنوي حتشوفي انو الاحصاء زي الاملاء من كتر ماهوا سهللللللللللل ويجننننننننننننننننننننننننننننننننننننننننننننننن ننننننننننننن


تاني شيي حبيبتي الافضل خدي 5 مواد لانو في السمستر دا حيعتمد معدلك انو يكون عالي او منخفض فحاولي تاخدي مواد حلوا وسهله عشان ترفعيه فوووووووووووووووق وماينزل لكن لو كترتي مواد ولا قدر الله المعدل انخفض ترى مرررررررررررا حيكون صعب عليكي ترفعيه تاني فنصيحتي لاول سمستر خدي مواد سهله زي...

مدخل احصاء نفسي -علم نفس نمو-راي عام مع رباب طبعا -ثقافه 1 -عربي زي كدا خدي مواد سهله وعموما المواد الي في الخطه حقت المستوى التالت مرا سهله فخدي منها

[ساندي بل]

الاحصاء مرررررررررة حلو وسهل وتافه وخذيه مع ايمان الطباع او دلال بس صراحة ندى امين كانت معاها وحدة من صحباتي مامدحتها كانت متضايقة منها مرة والرأي العام خذيه مع فاطمة الزهراء كمان مرررررة شاطرة ماشاء الله وخليكي ع الخطة وخذي 6 مواد مو ظغط بالعكس المستوى الاول مرة سهل نصيحتي لك بالتوفيق دعواتك لي ...

[سواريه]

مشكور صبايا ما قصرتو عن جد مرره ريحتوني وطمنتوني الله يرحكم ويوفقكم يارب

[سواريه]

طيب يا بنات ايش رايكم احذف مدخل الى علم او علم نفس تربوي معليش عشان جديده مو عارفه شيء

[معدل العوجا]

اختي اسمحيلي ان ابين لك بعض من المواد ان مدخل علم النفس والمدخل الاحصاء والتوجية والارشاد والتربوي
من الضروري ان تاخذي هذه المواد لان قيها مصطلحات تساعدك على فهم المواد المتقدمة وفيها تعريفات ايضا تساعدك على تقبل المواد المتقدمه واهم شي ان تاخذي الاحصاء لانه راح يقفل عليك اربع مواد لها متطلب وايضا التدريب العملي ؟؟؟؟؟؟؟؟ هذا ونتمنا لكم النجاح الدائم