بعد الظهر كنت في الجآآمعه.. واليكم ماصآآر..

[BiG MooDi]

السلام عليكم..


كيفكم ياطلاب جاامعتنا المضتهدين....






المهم رحت اليوم وانا حالتي مريضه جدا للجآمعه....مبنى 122 قسم ادارة الاعمال


دخلت الكليه ماكان فيه الا اثنين او ثلاثه طلاب المهم مره قليل...


دخلت عند شئون الطلآب الانتضآم... صبحت عليه وكلي ابتسآمه وريحت العطر من كيلو تنشم وبكل انآقه .. طبعا جامعتنا ماحتمشي فيهآ الا لازم تسوي كدا وتنآدي اللي يبيع في البوفيا دكتور...



المهم قتلو يادكتور ابنك المجتهد تأهت به الازمان ونسي مايحط الاقسام اللي يبغاها....

قلي خلاص اطلع حتلاقي قدامك شباب خد من عندهم استماره وعبي بياناتك وحط رغباتك ...


وبالفعل سويت دا كلو ووقعت العهد حق الفيزياء او الكيمياء ..واتمنى الشبآب يروحو هناك اول حاجه مافي زحمه ثاني حاجه تضمن ايش تبغا مو زي الاودس لخبطه.....


المهم وانا طالع افتكرت الموضوع اللي في المنتدى حق تعالو هنا الين يفتح الاودس ههههههههههه


رجعلتو .. قتلو يادكتور طيب بالنسبه للاودس ترى مره طول؟؟؟

طبعا انا اخدت حازتي لازم اعاملو بقسآوه مو هما مايجو الا كدا


قلي اليوم حيفتح او بكره... قتلو ياعني الاربعآء صح؟


ابتسم وقلي لا ياليوم يابكره... قتلو اوك يعطيك العآفيه



المهم الزبده.. اليوم ماحيفتح مرره .. واتوقع بما انو قلي بكره فأنو ماحيفتح الا بعد بكره.. لانو اي حاجه ناخدها من الجامعه لازم نقدمها يومين قدآم لانو مافي اي مصدآقيه....


وبالنسبه للشبآب والله روحو مبنى 122 هوا على طول جنب مبنى 81 حق الاداره والاقتصاد مرره فاضي وتخلصو فيه اموركم ...


يالله سلآم عليكم ......