تبي تعرف وش على فراقك مصبرني؟؟؟؟؟؟؟

[حنين الحب]

ياللي جفيت وجفاك المر .. ذابحني

عقبك وجيه البشر .. ماني بدانيها

ღ
من يوم حبك .. غزى القلب وتملكني
قطعت كل العلاقات وطواريها
ღ
اقرأ رسايلك ودموعي تسابقني
وارد ! واقرى الرسايل .. واحتفظ فيها
ღ
انت آخر انسان هاقي منه يصدمني
والظاهر ان هقوتي بانت مواريها
ღ
لو الوصايا ليا احتديت ! تنفعني
ياكثر ناس على ذودي بوصيها
ღ
ليت الفرح ( بنك ) لاجيته يسلفني
واقاصده ( راحتي ) وحقوقه اوفيها
ღ
من كثر ماكنت ! جارحني وظالمني
قمت اعزل جروحك بقلبي واسميها
ღ
تدري وش اللي يبكيني ويضحكني
انك محامي قضيتنا وقاضيها
ღ
تدري متى ؟ تعرف قدري وتفقدني
لارخصت نفسك ,, لشخص مايراعيها
ღ
بكره الا هملوك الناس تذكرني
وتقول عزاه : عيني من يداريها ؟
ღ
مدام غيري ؟ على قلبك مشاركني
وش هو له ؟ اعلق الأمال وابنيها
ღ
يكفيني انك رحلت ومنت عايفني
هذا عزا النفس من كثرة بلاويها
ღ
اهديتك : دموع من طعنتك تحرقني
وانت اللي تستاهل الدنيا ومافيها
ღ
واهديتني جرح .. موجعني ؟ وعاجبني ؟
لن الهدايا على مقدار مهديها
ღ
صحيح ! ( حنا انتهينا ) .. بس صدقني !!
والله ان تبقى ( هوى روحي ) وغاليها
ღ
مفضوح ؟ راع الهيام .. ونظرته !! تغني
ملامحه واضحه ! , في وجه راعيها
ღ
لكل داء دواء .. لو هو متعبني
إلا محبتك ؟ .. عيت من يداويها
ღ
ان قلت : علمني انسى ؟ لاتعلمني
دنياي لامن نسيتك ويش تاليها
ღ
مقدر !! أفكر بغيرك ؟ .. وانت عارفني
عشان حاجه ؟ بقلبي .. مقدر !! أخفيها
ღ
اخاف لاحبني غيرك ؟ .. وعاشرني
يشوف صورتك في عيني ويوحيها
ღ
نشدت عنك ؟ وسمعت اللي يفرحني
وارتاح صدري من هموم يحاتيها
ღ
تبي تعرف ! وش ؟ على الفرقا مصبرني
انك بخير .. وحياتك مهتني فيها
.


حنين الحب