طمنوني الله يطمنكم...

[سكون الاعماق]

اخواني وخواتي نفسي اكون معاكم لكن الى الان مااعرف مصيري اول مره فتح باب التخصيص وكان القبول في القسم بمعدل 4 انا حطيت اول رغبه علم نفس زي مابعضكم عارف والحمد لله كان معدلي يسمح لانه فوق 4 بعد كذا تفاجأت ان التخصصات الغيت وطلبوا منا نعيدها لاحظت ان معدل القبول في قسم علم النفس نزل الى3,75ايضا كررت الرغبة...المشكلة الى الان ماادري انقبلت والا لا والاودس مغلق رحت الجامعه سألت الاستاذه فريده اسمها على مااذكر قالت البنات نزل لهم قلت بس انا مانزلي قالت اكتبي اسمك ورقمك الجامعي والتخصص اللي تبغيه ومعدلك ووقعي وختمت بكره الجداول وطلعت مااخذت حق ولاباطل وتوي راجعه ابغى اطمن ليش عبيت الورقه وماقالت لي تخصصي اللي من المفترض انهم خصصوني مع انها قاعده على الكمبيوتر ...
طيب في حالة مافتح الاودس وهو الى الان مغلق من خلال خبرتكم وش اسوي تتوقعون الورقة اللي عبيتها تغني عن روحتي والا لازم اروح بكره ...

[miss teen]

مدام إنك عبيتي الورقة عندها وكتبتي التخصص إلي تبغيه فتطمني ..
أنا من كذا تخصصت ,,

الله يوفقك يآرب

^_^

[مشاعر دافئة]

انا اقلك
انتظري اليوم إن شاء الله حيفتح الاودس
لانه حتى لو رحتي ممكن يسوللك حركات مالها داعي
واذا ما ضبط الموضوع معاكي روحي الاربعاء او بكرة من الساعه 11
انا لمى حولت علم نفس وطلب مني نفس الشي وجلست اراجعهم اسبوعين ولااخذت لا حق ولا باطل كل مااروح انتظري انتظري انتظري
بس بعدين فرجة وانقبلت
او ممكن تسوي طلب من رئيسة القسم قوليلها المشكله

[Fatema Alshareef]

روحيلهم بكره عشان تكوني متطمنه

[سكون الاعماق]

الله يطمن ويسعد كل من رد علي ...المشكلة كل صاحباتي راحوا الاداره ولاوحده تسكنت آداب عشان اقول ممكن في احد عنده نفس المعاناة ..والى الان الموقع مغلق يارب يفتح اليوم واطمن..دعواتكم

[goood man]

اختي الكريمة اسئل الله العلي القدير لك التوفيق والسداد

وان كان بامكانك مراجعة الجامعة لما لا خطوة ايجابية حتى تطمئني

[جمان السماء]

روحي دكتوره نسرين يعقوب رئيسة القسم واشرحي لها وضعك

او راسليها ع الايميل وهيه ترد بسرعه ان شاء الله

drnisreenyacoub@gmail.com

الله يسهل امرك ويعينك

[سكون الاعماق]

المشاركة الأصلية كتبت بواسطة جمان السماء روحي دكتوره نسرين يعقوب رئيسة القسم واشرحي لها وضعك او راسليها ع الايميل وهيه ترد بسرعه ان شاء الله drnisreenyacoub@gmail.com الله يسهل امرك ويعينك

ربي يسعدك دنيا وآخره ويفرج همك مشكوره اختي راح اراسلها وانتظر الرد خصوصا انه الى الان مافتح الاودس ..كفيتي ووفيتي يااختي..