يابنات .. خلوا التغيير يبدأ من عندنا ..~

[.,.نيــــــــــــــــــــران.,.]

سلام ياحلوات


كيفكم ؟ ان شاء الله تمام؟


لي زمن مااكتب عندكم وجايتكم بموضوع مهم


ألا وهو : حفلات الزواج

عندي افكار اتمنى نبدأ نطبقها

هي مو افكار جديدة ولكن حاجة نتغير فيها بزوجاتنا المميزة وليلة عمر فيها (بركة)


1- ليش تخلص افراحنا 4 و 5 فجر؟
الله سبحانه وتعالى جل جلاله ينزل في السماء السابعة هذا الوقت ..!
واحنا طرب ورقص ولهو
ينزل يقول هل من سائل أعطيه ، هل من داع فأجيبه ؟؟!
واحنا انواع المعاصي في ذا الوقت

ليش مايخلص الزواج ع الاقل الساعة 1؟
يعني ممكن الساعة 1 يبدأون الناس يدخلون البوفيه


2- العريس وماأدراك مالعريس...!
http://www.islamweb.net/ver2/Fatwa/ShowFatwa.php?Option=FatwaId&lang=A&Id=9661
ليش يدخل على الحريم؟ ترضين زوجك وحبيبك تبحلق فيه فلانة وعلانة؟
مع احترامي لجميع النساء بعضهم تتحمس تشوف العريس .. حلو ؟ ابيض ؟ طويل؟ أحلى منها وللا هي احلى ؟ ... الخ من المقارنات
يمكن بعضهم مادروا عن فستانك ولا مكياجك !!

المشكلة اذا جيتي تقوليلها احسن مايدخل تقول لك : ماااعرف انزف إلا معاه !
مو حلو أمشي لوحدي ! الى غيره من الأعذار


3- انتي العروسة وهذي ليلة فرحك
صح في البداية الناس ماتستوعب بعضهم تجي الساعة 12 للقاعة
لكن لو انا وانتي وهي وكلنا اتفقنا راح تعرف الناس ان الزواج ينتهي وحدة يعني وحدة >> او اي ساعة تحبينها لكن مو متأخر مرة


4- الاسراف والتبذير مو من شرعنا ولا اسـلامنا
ماأقول مرررة كونوا زاهدين .. لا
على سبيل المثال: انا راسمة خطة اني مااسوي ملكة في قاعة وفستان مدري بكم ومطربة وووو > الملكة صارت زي الزواج ماشاء الله !
خلاص عقد قران في البيت وعشا وزفة بسيطة مع العائلة المقربين بس

دحين طالعتلنا اشياء مالها داعي : بالله علب الملكة ايش فايدتها؟؟؟

وبعدها بفترة زواج مشترك بين اهل العريس والعروسة > بما إنه أهل العروسة ماسووا ملكة
تسير مشتركة وفي احسن قاعة وأحسن زفة وأحسن تكميل


وكل وحدة تقيس على نفسها هي كيف تبغه تكون ليلة عمرها وكيف تخليها مثل ماوصانا الله ورسوله



5- ماأدري كيف الأهل هل ممكن يتقبلوا هذا التغيير وللا لا >> الله يستر




امممم لو عندكم أفكار خلونا نتناقش فيها ونستفيد من بعض


وافر الحب لكم

[نانو بيبي]

اهلين عيوووني .....................
والله كلامك كلو كلام العقل ....انا من رأيي انو كل وحدة تعمل فرحها بسيط عشان ربنا يبارك لها في ليلة العمر وكل العمر ان شاء الله ........................
اعرف وحدة عملت الفرح بسيط مرة حلو والكل عجبو وكتبت في كرت الدعوة "ينتهي الفرح الساعة 2 ص"
وفعلا القاعة الساعة 11 مليانة
وماشاء الله عليها الكوشة هي سوتها واخواتها وكان تصميمهم جدا رائع
ووزعت هدايا من عمايل يدها ما كلفتها 500 ريال وكانت مرة حلوة


اتمنى كل وحدة تتطلع ابداعاتها في ليلة فرحها بدوون اسراف ..وربنا يباركلها باذن الله


اسأل الله الهداية لجميع المسلمين والمسلمات

[Alaa Al ghamdi]

هلا والله بنيران

والله ياستي انا اتفق معاك

خصوصا من ناحية الوقت

الين ٤ مررررررة متاخر

لمن كنت ازور باحتنا الحبيبة لو في زواج نروح تقريبا بعد العشا والساعه ١٢ ولا ١الناس في بيوتهم

وبالنسبة للتبذير صراحه مرة بزياده

وانا احس انو الناس مابتكثر عشا في الزواجات

وتلاقي البوفيه ايش طولو وايش عرضو واشياء لسة مااتمسكت

والملكة انا كمان ضد فكرة القاعه تكون عزومة عشا للرجال وكفاية

اول شي لانو ممكن يصير شي بعد الملكة مايتفقو ولا يصير شي بينهم وقررو ينفصلو

ماتكون اندفعت مبالغ خياليه وعشان البنت نفسها كمان يعني سوت ملكة ايش كبرها وبعدين تلاقي نفسها مطلقة احس صعبه..

وثاني شي حتصير مقارانات بين ملكتها وبين يوم فرحها

ملكتها احلى
لا فرحها احلى
ومااحس العروس بيكون لها طله..


اما زواج مشترك ههههههههههه مدري ايش قصدك انتي يعني معاها ولا ضدها؟

احنا المعروف الملكة على اهل العروسة او في بيت اهلها يعني هم يتكفلو فيها

وحفلة الزواج عالعريس<<مصاريفها اكثر هع


موضوعك تووووووحفــه

حلوة المواضيع الجادة هذي تفيد الكل..

يعطيك العافيه ياقمر..

[pharm.d .s]

الفكرة جيدة
لانو انا من الناس الي ماتحب الافراح
لانو مملة لابعد درجة يعني طول الليل اسمع وحدة تغني طيب اش الفايدة
لو سارت لما وحدة اتوقع مرا احسن

[batbot]

اهلين نيران
افكارك ماشاءالله مررره حلوه
وياريت الكل يطبقها
و انشاءالله لي عوده بافكار جديده

[~ إيقـــ المطـر ـــــاع ~]

,’

أهلآ أهلآ حيآ الله نيرووو
موضوع مميز وان شاء الله يكون النقاش جاد وهادف

,’

1- ليش تخلص افراحنا 4 و 5 فجر؟

ياااااااااااااآآآآآاااهـ قد ايش حآآولنآ نغير بس أقصى حد قدرنا نخلص فيه كان يوم زواج اخويا
خلصنا الساعه 3 وياااااادوووب قدرنا
لأن زي مآانتي عارفه المعازيم يتأخرو تخيلي بعض اقاربنا وصلو الساعه 1 وهوآ زوآج أقارب يعني طبعا مانقدر نخلص قبل 3

ليش يدخل على الحريم؟

موستاااااااااااااااااااااااااااااااااااااحيييييييي ييييييل أدخل عريسي معايا << تغاار

3- انتي العروسة وهذي ليلة فرحك صح في البداية الناس ماتستوعب بعضهم تجي الساعة 12 للقاعة لكن لو انا وانتي وهي وكلنا اتفقنا راح تعرف الناس ان الزواج ينتهي وحدة يعني وحدة >> او اي ساعة تحبينها لكن مو متأخر مرة

هنآ ممكن تكتبي في كروت الدعوه ان حفل الزفاف ينتهي الساعه 1 << شفت ناس سووهآ وكانو عند كلمتهم

4- الاسراف والتبذير مو من شرعنا ولا اسـلامنا

اووووووووهـ هنآآ من جد من جد الله يغفرلنا ولا يغير نعمه علينا
أزيدك من الشعر بيتـ
احنا عندنا ملكه وغمره وزواج وصباحيه
بس بدأنا نخفف يعني مثلآ العروس تختار تبغى غمره ولا ملكه هيآ تختار وحده منهم << وهنآ تجي الحيييييييييييييرهـ

5- ماأدري كيف الأهل هل ممكن يتقبلوا هذا التغيير وللا لا >> الله يستر

الأهل مايرفضو شئ لبنتهم العروس

[روبي18]

صرااااحه احنا عندنا عكس الي بتقوليه ,,
زواجاتنا صح كبيره وكدا وتتاخر اوقااات اخر حد لينااا السااعه 3 القاعه فااضيه..
وماندخل عريس عندناا ,, واللي تدخل زوجهااا هااادي مراا غريبه عندناا,,
والحمدلله العشا لوو زاد ماشاءالله الناااس بتاااخد معهاا البيت..
والملك عندنا الكل بيعمل في استراحاااات >>مكلفه .. صار زواج ..
واجتمعوو كبااار القبيله ومنعوو دا الشي .. وانوو في البيت تكوون >> ع العروسه طبعاا.>الا اذا يبغى العريس يتكرم.
والفرح ع العريس من مجاااميعووو...الله يعينه..
وبث دا الي عندنااا احناا >> ترا اناا من جده >>لا تحسبو اني من برا جده
واتمنى من الله الهداااايه للكل,,,

[همسة غلا..]

فكرتك حلوه نيراااان..
بالنسبه للزواجات احنا اغلب زواجاتنا تخلص 3 والزفه 2 ونص ماافتكر انه مره وصلت الساعه 4 والاغاني لسى شغاله..
ياما وياما شفنا تبذير بالزواجات هذا كله كوم وغير لما كل اللي بالقاعه يجلسو يقولو انه فستان العروسه بـ22 الف
انا حضرت زواج وكان فستان العروسه بهاذي القيمه بس لما انزفت والله والله انه مو بسعره حتى 5 الاف ماتعطيه..
طيب ليش هذا كله بس عشان الناس تتكلم..
وفي ناس يحبون المظاهر يعني يتدينون عشان يصلحو حركات بالزواج والناس تتكلم على زواجهم..
والله مره حرااام كذا احلى شي البساطه بكل شي اذا سهلتيها ربي بيسهلها لكي وبتكون ليلتك احلى ليله بس لانك توكلتي على الله..
موضوعك مره روووووووووعه..
يعطيك العافيه ياقلبي..وااااسفه ع الاطاله^^

[أنثى المفاجآت]

نيروا موضوعك حلووو

حبيت اسجل حضوري و لي عودة

ماننحرمش من هيك مواضيع

[.,.نيــــــــــــــــــــران.,.]

المشاركة الأصلية كتبت بواسطة نانو بيبي اهلين عيوووني ..................... والله كلامك كلو كلام العقل ....انا من رأيي انو كل وحدة تعمل فرحها بسيط عشان ربنا يبارك لها في ليلة العمر وكل العمر ان شاء الله ........................ اعرف وحدة عملت الفرح بسيط مرة حلو والكل عجبو وكتبت في كرت الدعوة "ينتهي الفرح الساعة 2 ص" وفعلا القاعة الساعة 11 مليانة وماشاء الله عليها الكوشة هي سوتها واخواتها وكان تصميمهم جدا رائع ووزعت هدايا من عمايل يدها ما كلفتها 500 ريال وكانت مرة حلوة اتمنى كل وحدة تتطلع ابداعاتها في ليلة فرحها بدوون اسراف ..وربنا يباركلها باذن الله اسأل الله الهداية لجميع المسلمين والمسلمات

ماشاء الله مرررة روعة ، الله يهنيها يارب

طيب ايش الهدايا اللي سوتها ممكن تعطينا فكرة؟

المشاركة الأصلية كتبت بواسطة alaa al ghamdi هلا والله بنيران والله ياستي انا اتفق معاك خصوصا من ناحية الوقت الين ٤ مررررررة متاخر لمن كنت ازور باحتنا الحبيبة لو في زواج نروح تقريبا بعد العشا والساعه ١٢ ولا ١الناس في بيوتهم وبالنسبة للتبذير صراحه مرة بزياده وانا احس انو الناس مابتكثر عشا في الزواجات وتلاقي البوفيه ايش طولو وايش عرضو واشياء لسة مااتمسكت والملكة انا كمان ضد فكرة القاعه تكون عزومة عشا للرجال وكفاية اول شي لانو ممكن يصير شي بعد الملكة مايتفقو ولا يصير شي بينهم وقررو ينفصلو ماتكون اندفعت مبالغ خياليه وعشان البنت نفسها كمان يعني سوت ملكة ايش كبرها وبعدين تلاقي نفسها مطلقة احس صعبه.. وثاني شي حتصير مقارانات بين ملكتها وبين يوم فرحها ملكتها احلى لا فرحها احلى ومااحس العروس بيكون لها طله.. اما زواج مشترك ههههههههههه مدري ايش قصدك انتي يعني معاها ولا ضدها؟ احنا المعروف الملكة على اهل العروسة او في بيت اهلها يعني هم يتكفلو فيها وحفلة الزواج عالعريس<<مصاريفها اكثر هع موضوعك تووووووحفــه حلوة المواضيع الجادة هذي تفيد الكل.. يعطيك العافيه ياقمر..

زواج مشترك = مناصفة التكاليف بين اهل العريس والعروس
بكذه تقل التكاليف على الاثنين
لأن اهل العروس ماحيسووا ملكة بتكلفة عالية فهمتيني؟

وبكذه يكون العريس وفر كمان فلوس ويسافر شهر عسل برا المملكة احلى مايكون ..


مشكورة يالغالية وان شاء الله نرجع زي عادات القرى واهل جدة زماااان

المشاركة الأصلية كتبت بواسطة pharm.d .s الفكرة جيدة لانو انا من الناس الي ماتحب الافراح لانو مملة لابعد درجة يعني طول الليل اسمع وحدة تغني طيب اش الفايدة لو سارت لما وحدة اتوقع مرا احسن

صادقة والله

ان شاء الله نقدر نغير العادات هذي بأنفسنا ومع بناتنا واولادنا يارب

تحياتي لك :)

المشاركة الأصلية كتبت بواسطة batbot اهلين نيران افكارك ماشاءالله مررره حلوه وياريت الكل يطبقها و انشاءالله لي عوده بافكار جديده

في انتظار عودتك المشرقة