الله يسعدكم ويحقق لكم كل اللي تتمنوه جاوبوني بخصوص الماجستير

[ملكة الاحساس..]

السلام عليكم ورحمة الله وبركاتة ..

كيفكم .. يارب تكونوا كلكم بخير ..

انا من الطائف متخرجة تخصص علوم حاسب وطامعة بمساعدتكم لاني حاليا ماقدر انزل جدة مرة صعب علي ..

الله يسعدكم عندي بس كذا سؤال ..

*متى يبدأ تقديم الماجستير لعلوم الحاسب ؟؟؟
*وبالنسبة لاختبار التوفل يصير اختبره عند جامعة عفت واقدم ماجستير بجامعة الملك عبدالعزيز ؟؟
*وهل يوجد دورات لاختبار التوفل بجدة ؟؟ ومتى التسجيل ؟؟وكم تكلف؟؟
*اممممم واخر شي كم اخر معدل قبلوه للسنة اللي راحت للماجستير ؟؟

تكفوووون ردوا علي لان العام فاتني التقديم ومرررررة مقهورة ..هالسنة ان شاء الله بقدم اذا الله اراد .. وادعو لي انقبل ..

[شواطئ البحر]

ياهلا بأهل الطائف

يبد التقديم للماجستير بشهر 11
خليك متابعة للمنتدى أن شاء الله نزل جدول بتاوريخ المهمة من تقديم ........الخ

ايوه ينفع تختبري عندهم أهم شي تحققي الدرجة المطلوبه للتخصص ماجستير حاسب 450 درجة

فيه دورات للتوفل في شهر 7 كان في دوره في جامعة بـ 1200 أو اقل بشويه ما افتكر نسيت

في معاهد كثير منها معهد البريطاني ومعهد نيوهورايزون التسجيل في أي وقت واسعار تختلف من معهد للمعهد
هذا رقم معهد نيوهورايزون 026699666

أقل شي يقبلو 3.75 من 5 وكل ماكان المعدل أعلى بيكون ترشيحك أضمن

[ملكة الاحساس..]

مشكوووووووووووووووووووورة الله يسعدك ويفرج كربتك قولي امييييين ..

أنا معدلي ممتاز .. انا بصراحة مررررة تحطمت لما قدمت على معيدة بجامعة الطائف .. كنت مرة متأملة انقبل فيها بس قدر الله وماشاء فعل ..
طيب اخر سؤال عارفة اني ثقلت عليكم ... الدورات تجي خميس وجمعة ؟؟؟ لان باقي الاسبوع ماحد بيطالع بوجهي وبينزلني جدة الا اذا كان خميس وجمعة ..

[ملكة الاحساس..]

كنت بسالكم كمان في المعدل اقرب ؟؟ يعني انا اصلا جيدجدا بس يصير اقربه لممتاز ؟؟ يعني اقرب اللي بعد الفاصلة من مية ؟؟ والماجستير يقبلون جيدجدا والا لا؟؟؟

[مس أسيتون]

لا ما أعتقد في دورات خميس وجمعة أغلب الدورات أيام الاسبوع والله أعلم والله يوفقك

[شواطئ البحر]

المشاركة الأصلية كتبت بواسطة ملكة الاحساس.. كنت بسالكم كمان في المعدل اقرب ؟؟ يعني انا اصلا جيدجدا بس يصير اقربه لممتاز ؟؟ يعني اقرب اللي بعد الفاصلة من مية ؟؟ والماجستير يقبلون جيدجدا والا لا؟؟؟

يقبلو الى معدل جيد جداً
3.75 من 5 أقل شي من تقدير جيد جداً