محشي كوسا وفليفلة من مطبخي ,حياااااكم

[فاقدة أبوها]

السلام عليكم ورحمة الله وبركاته



كيفكم ياحبايب عساكم طيبين ,

بعد انقطاع عن الوسط الفني < أقصد المطبخي دام أكثر من شهرين


حنّيت له اليوم وعملت محشي كوسا وفلفل رومي,

طبعاً الطريقة معروفة يعني كلها تقوير وتجهيز الحشوة وسلق وتقديم< المختصر غير المفيد


الطريقة اللي عملتها ببساطة :

-تغسلين الرز المصري (حسب كمية الخضار اللي بتسوينها ) وتنقعيه ربع ساعة

-تقطعي بصلة كبيرة وفص ثوم قطع صغيرة وتشوحيها على النار مع ملعقتين كبار زيت ولما يصير لونه ذهبي تضيفي صلصة الطماطم أو طماطم معصورة (او اثنينهم سوا) ثم الرز- بعد ماتصفيه من الموية - ثم الملح والبهارات وتخلطي المقادير كلها مع بعض و تطفي النار,

-طبعاً تكوني مقورة الكوسا وشايلة راس الفلفل(مالقيت تعبير ثاني )ولاترميهم لأننا نحتاجهم أثناء السلق,

-تبدأي تحشي الكوسايات والفليفلة وتغطيهم (كل واحدة رجعوا عليها راسها الأصلي لاتلخبطوا بعدين تخرب الطبخة )
وهذا عشان ماتطلع الحشوة لما تسلقيهم,بعدين رصي شرائح بطاطس وبصل في القدر ورصي عليهم الكوسا ثم الفلفل,

-أخيراً تسلقيهم في مرقة دجاج أو لحم ولو مو متوفرة عندك ممكن تشوحي بصلة في شوية زيت وتحطي عليها ملعقتين صلصة طماطم ثم موية مغلية ومكعبين ماجي وبهارات وملح وتصبينها على الخضار وتغطيه وتسلقيه من 30-40دقيقة

وهذي النتيجة النهائية <ليش مباراة ههههههههههه

">


واتمنى تعجبكم وتحوز على رضاكم .