مجموعة اسئلة عن التحضيرية

[miss you]

السلام عليكم ورحمة الله وبركاته

اخواني اخواتي

بغيت استفسر عن مواد السنة التحضيرية ؟؟ <<ياريت تقولولي وش طبيعتها وعدد ساعات الدراسة

طيب كم مدة الدوام بالتحضيرية

وانا جتني رسالة لازم اعبيها يوم قبلوني ؟؟ تقول هل تريد الاستفادة من النقل الجامعي ؟؟ << مافهمت << طيب هل هي برسوم << وبعدين اخسر عليها واصلن وتطلع مو مهمة

وجتني انشطة رهيبة << صدق موجودة هالانشطة ؟؟؟؟؟؟؟؟؟ ولا بس كلام

طيب فيه احد طلبوه يجيهم وبالاخير ماقبلوووه ؟؟؟ << سوال مهم

[مـــآجد]

المسار العلمي ينقسم لخطتين

خطه ب وموادها:
كيميـــــــــاء
احياء
احصاء
انجليزي101
خطه أ وموادها:
فيزياء
مهارات حاسب
مهارات اتصال
رياضيات
انجليزي 102

ملاحظه(تقريبا تلاتا ارباع المناهج نفس اللي درستيه بالتانوي الاختلاف جدا بسيط )

الترم الاول تاخدين خطه والترم التاني تاخدي خطه على حسب ماتحطك الجامعه ..


هذي هي المووواد ( مشكوورة للاخت د. فوفة )

[xanaza6]

ااااااااااااااه, اوكيه بسمالله

عندك ترمين. خطتين الف وباء, وعلى حسب اي خطه تيجي, خطه يبدأون يدرسون ب ثم السمستر الثاني الف, وخطه ثانيه العكس يعني يبدأون بالف والسمستر الثاني باء

احياء, كيميا, احصاء, انجليزي مواد سمستر

رياضيات, فيزيا, حاسب, مهارات اتصال, انجليزي مواد سمستر

تقريبا الدراسه مقطعه لان مو شرط يكون وقت حصصك مثل غيره, عادة الدوام حيستمر الى العصر’ مافي فلوس للنقل الجامعي, يوديك بين المباني والى السكن وبره الجامعه عند السليمانيه, حط نعم لان يمكن يبغون يشوفون مين يستفيد من الباصات وكثيريييييييين يستفيدون منها, بس غريبه يسألونكم وانتم ماجربتوها ولا تدرون ايش هي

الانشطه موجوده بالجامعه, انا مااااااحب اي انواع الرياضه والخرابيط هذي, انا احب الدراسه حقتي وحدي, ماعتقد نادو احد وماقبلوه, اللي معروف اللي ينادوه مقبول بإذن الله

بالتوفيق

[مـــآجد]

آلدوآم يختلف من جدول لجدول
بس اصعب جدول اذا انت مرره منحوس راح يجيك من 8 الى 4 العصر مع بريك واحد من الساعه 12:20 الى 1 الظهر

وفترة البريك راح تكون صلاة يعني كل شئ مقفل < كان يعاني من هالجدوول

[miss you]

طيب جاني مكتوب مسرح وجنبو فراغ من ضمنها محترف وهاوي << انا هاوي مسرح بس مو محترف ولا اعرف امثل بس اشوف <<ليكون يبوني امثل

[xanaza6]

المشاركة الأصلية كتبت بواسطة مـــآجد آلدوآم يختلف من جدول لجدول بس اصعب جدول اذا انت مرره منحوس راح يجيك من 8 الى 4 العصر مع بريك واحد من الساعه 12:20 الى 1 الظهر وفترة البريك راح تكون صلاة يعني كل شئ مقفل < كان يعاني من هالجدوول

ايش سالفتي اليوم كل ماجي اجاوب القى واحد سابقني بثواني >>>
جدولي كان كذه السمستر الثاني, طبعا انا ماعندي انجليزي فمرررره جدولي صار مريح, السمستر الاول احضر كلاسين بالكثير سبت اثنين وربوع, على 10 وانا راجع خلصت ^^
الانجليزي مرررره ياكل اليوم, ثقيل دم

اهم شي عدينا التحضيري خلاص’ باقي الطلاب الجداد يعانون شوي هع
بالتوفيق ولا تشيل هم الدراسه بسيطه والجامعه مريحه, تسلم ماجد وماقلتلك قبل مبرووووك على القبول بالطب

[xanaza6]

المشاركة الأصلية كتبت بواسطة miss you طيب جاني مكتوب مسرح وجنبو فراغ من ضمنها محترف وهاوي << انا هاوي مسرح بس مو محترف ولا اعرف امثل بس اشوف <<ليكون يبوني امثل

لوول لا تشيل هم ماحيخلونك تسوي شي ماتبيه, انا اتذكر سجلني واحد حق الرسم, شافني انتقد اللوحات اللي عندهم واقول سيئه راح جالي وسجلني عشان ادخل مسابقات بس ماقد دق على وانشغلت ماكنت فاضي ارسم وانا في جده, معناته ماحيسحبوك ويقولون مثل وللا نعطيك صفر هع

روح تسلى ايش وراك

[miss you]

من جد جامعة وناااسة خخخخخخخخخخخخخ

يعطيكم العافية

طيب من ناحية تعامل الدكاترة شلووون ؟؟ ووش جنسياتهم ؟

[xanaza6]

الدكاتره مايدرون عن الطلاب, يشرحون ويروحون, من مختلف الجنسيات ^^ مصري سعودي هندي فلبيني امريكي اردني استرالي بريطاني افريقي كندي عد واغلط. انا مادرسني مصري بس شفتهم في كلاسات ثانيه

[عموريAHLI]

بالنسبة للمواد زي ماقالو الشباب

من ناحية الدوام انت وحظك ... اعرف ناس كانو يداومو من 11 الى اربعة وبعضهم من 8 الى اربعة مثلي يعني ترجع البيت وانت منتهي هذا غير الزحمة الله يعين


بالنسبة للموعد اذا اعطوك موعد المقابلة مستحيييل ينراجعو فيه أو مايقبلوه يعني لاتخاف من هذه الناحية بس اهم شيئ تجيب كل الأوراق اللي هم طالبينها واتوكل على ربك

وحياك الله ياولد عزووز <<<