بحث وتدريب مع الدكتورة اسماء باهرمز

[غيمة امل]

بنات بحث وتدريب اللي مع الدكتورة اسماء باهرمز ياريت يفيدونا عن اجتماع اليوم مع الدكتورة كيف كان واذا اعطتكم اوراق للبحث اوحددت اماكن للتدريب ياريت تبلغونا

وجزاكم الله خير

[lovelorn]

انا حضرت الاجتماع بس اتاخرت وفاتني تقريبا اول ربع ساعه منو
وزعت علينا ورقه مكتوب فيها كل المطلوب مننا وطريقه كتابه التقرير
وايش اللي المفروض اعملو من بدايه فتره التدريب الين يوم المناقشه
طبعا التقرير حيكون 10 صفحات بالكتير او اقل وماتبغ نكتب من مراجع او نسخ ولصق
كلو من عقلي واللي شفتو خلال التدريب
وماحددت مكان للتدريب قالت اي مكان كلو على كيفكم وحتى المشكله اللي حنكتب عنها نفس الشي
وقالت انو مانراجعها كل شويا انو مانروح غير يوم المناقشه وبس
اللي حيكون يوم الثلاثاء 18/6/1431 حنسلم فيه التقرير وخطاب جهه التدريب ونعمل عرض من 10 دقايق
وبالنسبه لتوزيع الدرجات قالت انو حتكون 40 على تقييم الشركه او المؤسسه اللي اتدربت فيها و40 على التقرير اللي حعملو و20 مقسمه على اتنين 10 لها و10 للطالبات يقيمو عرضي

وادتنا قروب للتواصل معاها ومع كل طالبات البحث والتدريب اللي في شعبها
busrt-subscribe@yahoogroups.com
اول شي لازم نرسل رساله فاضيه للقروب عشان نشترك وبعد كدا نبدا نتواصل عن طريقو
ولازم يكون الايميل اسم الطالبه وفي نهايه الرساله او موضوعها تكتبي اسمك ورقم شعبتك وللا مح ترد على الايميل

تقريبا دا كل شي وان شاء الله مااكون نسيت حاجه
وازا اتزكرت شي تاني اجي اقولو

تحياتي..

[غيمة امل]

الله يجزاكي خير على المعلومات المفيدة
انا اشتركت في الجروب وارفقت لكم التعليمات اللي حددتها الدكتورة
دعواتكم

[غيمة امل]

Lovelorn
هل حددت الدكتورة المواضيع
بمعنى اللي تخصصهم ادارة اعمال دولية يكتبو التقرير عن اي موضوع في مجال ادارة الاعمال الدولية , ولا تركت المجال مفتوح نختار اي موضوع في الادارة ؟

[غيمة امل]

للررررررفع

[غيمة امل]

للررررررفع

[غيمة امل]

للررررررفع

[بقاياالليل]

انا ماحضرت الاجتماع رفع يابنات افيدو

[روينه]

السلام عليكم بنات حضرت الاجتماع مع الدكتورة وكان نقاشها
بانسبة للمواضيع هي ماحددت يعني اكتبي الي يجي على بالك مشكلة او حالة تحسين وضع
يعني شفتي في التدريب شي وكان ممكن لو اتخذوا طريقه ثانيه بيكون الاداء افضل اكتبي ايش مقترحاتك ورايك اتمنى يكون وصلت الفكرة
هي ماحددت سواء لادارة اعمال دوليه او موارد اهم شي تجيبي شي مرتب
اما بخصوص عرض البور عبارة عن شريحتين فقط لاتزيد فيها رؤووس الاقلام اوالمواضيع الرئيسيه الي تتكلمي عنها في تقريريعني تفتحيها قدامها وتبدئي تتناقشي فقرة فقرة حسب ترتيب تقريرك
اتمنى يكون وصلت المعلومة وماكثرت عليكم وياريت نتواصل للاستفادة

[غيمة امل]

جزاكي الله خيرا