خلطه رهيبه لإزالة شعر الوجه وتنظيف البشره

[سيــMــو]

يسعدلي مسااااكم ..

كيفكم يااارب تكونو بخير وبصحة عاااافية إن شاء الله ؟؟

اليوم جبتلكم خلطه لإزالة شعر الوجه وتنظف البشره

وفي نفس الوقت تسوي تقشير

أكيد جا على بالكم الحلاوه أنا كمان قلت زيكم بس بعد ماعرفت

ماصدقت أنا صراحه ما جربتها بس قريب راح أجربها

طبعاً الخلطه سمعت الكثير يتكلمووو عنها ..

وقلت لازم أنقلها لأخواتي عشان يستفيدو منها هما كمان

يالله ما أبغا أطووول عليكم أكثر من كده ..

المقااااادير :

1 / عسل .
2 / دقيق .
3 / وبس هههههههههه زيادة عدد ..

طبعاً كلكم تعرفو العسل والدقيق يعني مافي داعي أنزل الصور >>> بيني وبينكم ماعرفت أنزلها ههههههههه

المهم نجي للطريقه :

نوزع العسل على المناطق المراد إزالتها في الوجه

وتتركيه لمدة ربع ساااعه ..

بعد كده لا تغسلي وجهك لا جيبي الدقيق أي نوع دقيق .. ليش الدقيق ؟؟

أنا أقولكم ليش أول شي عشان لا يلصق العسل في يدك

تاني شي عشان تفركي وجهك بيه زي الصنفره عرفتووو ليش ..

المهم نرجع لهرجتنا تدعكي وجهك بالدقيق وتفركيه كأنه صنفره اللين مايبقى شي بوجهك

بعد كده جيبي قطنه مبلوله بماااء الورد ( باااارد ) وأمسحي بيها وجهك

عشان تتقفل مسامات الوجه بعد الدعك ..

والنتيجه راح تبان بعد يوم من إستخدامك يعني بعد مايرتاح الوجه ..

ياااارب أكووون قدمتلكم شي تستفيدو منه أنا زي ماقلتكم ما جربتها

بس أول ما أجربها راح أقوووولكم إن شاء الله على النتيجه

وإنتووو كمان اللي تجربها لاتبخل علينا وتقووولنا شووو صار معاها ..

ودمتم بخير يا أحلى أعضااااء ووودي ..