محتاجه دعمكم قبل مااخسر كل شي ؟

[جامعية كول]

والله خلاص احس اني محبطه للاخر وماعاد فيني حيل احس مافي اذاكر ولا اسوي شي مدري وش اللي غيرني بعكس اول كان في حماس مو طبيعي احس اللحين طفشت واحس اني مخنوقة وماني عارفة وش اسوي وباقي شهر على الاختبارات وانا ماختمت ولا مادة واحس ماني فاهمة شي برياضيات والعربي والانقلش والحاسب والله احتاج مساعدتكم
هل اقدم اعتذار للترم ولا كيف ؟؟ والله ببكي هئ هئ هئ

[r_r]

لالالالا ياجامعيه

مووو هالكلام اللي يجي منك .. وين راح الحمااس

لازم نجتهد فديتك ~ انا وربي كنت مثلك محبطه ومافيني

بس ماراح ينفعك الا شهادتك ابدئي من بكره ياعيني وكل اسبوع خذي ماده وراح تختمي وان شاءالله تجيبي اعلى الدرجات

الله يوفقك ويسهل لك

[جامعية كول]

المشاركة الأصلية كتبت بواسطة r_r لالالالا ياجامعيه مووو هالكلام اللي يجي منك .. وين راح الحمااس لازم نجتهد فديتك ~ انا وربي كنت مثلك محبطه ومافيني بس ماراح ينفعك الا شهادتك ابدئي من بكره ياعيني وكل اسبوع خذي ماده وراح تختمي وان شاءالله تجيبي اعلى الدرجات الله يوفقك ويسهل لك

تسلمين ياقلبي على المرور بس والله احس النية طابة اللحين

[r_r]

لا طابة ولا شي

تعووووذي من ابليس وقومي سوي لك جدول وقسمي المواد

وان شاءالله النفسيه ترجع مثل اول واحسن*_^

[جامعية كول]

تسلمين الله يعطيك العافية والله هونتي علي شوي الله يسعدك

[ابونوف الشريف]

المشاركة الأصلية كتبت بواسطة جامعية كول والله خلاص احس اني محبطه للاخر وماعاد فيني حيل احس مافي اذاكر ولا اسوي شي مدري وش اللي غيرني بعكس اول كان في حماس مو طبيعي احس اللحين طفشت واحس اني مخنوقة وماني عارفة وش اسوي وباقي شهر على الاختبارات وانا ماختمت ولا مادة واحس ماني فاهمة شي برياضيات والعربي والانقلش والحاسب والله احتاج مساعدتكم هل اقدم اعتذار للترم ولا كيف ؟؟ والله ببكي هئ هئ هئ

اختي بارك الله فيك الانسان يمر بمراحل في حياته بين نشاط وخمول وامل ويئس وتفاؤل واحباط
والي مريتي فيه مر علي بالترم الاول وكنت بأنسحب من الجامعة وحسيت اني ضايع بين المواد وماني عارف اذاكر ايش وكنت في حالة احباط شديد ولكن التجأت الى الله ودعيته واستخرته وسألته ان يفرج مابي وييسر علي كل صعب وقبل الاختبار بأسبوع حسيت بإنفراج وشديت حيلي وابشرك جبت معدل طيب بالنسبة لظروفي وانت باقي معك شهر التجئ الى الله وجددي علاقتك معاه وادعي الله في الثلث الاخير من الليل وخلي الوالدة تتدعيلك بس ادعي الله وانت موقنه بالإجابة وصدقيني راح تتغير امورك ان مع العسر يسرى اسأل الله ان يفرج همك وييسرامرك وفي الخاتمة اللهم لاسهل الا ماجعلته سهلا وانت تجعل الحزن ان شئت سهلا

[رحيـلــ..؟..ـــ]

غلاتي ~ جامعية
اكثري من الاستغفار وستفرج بعون الله
كوني اقوي وعزيمتك آكبر
وآصلي بعزم ..
وبالتوفيق لك ياقلبي

[RAMA*123]

والله وانا كمان نفس الحاله حتى المنتدى ادخله بدون نفس بس مالنا الا الله يعينا ويسهل امورنا ويوفقنا جميعا اااااااااامين ياااااارب
ياله ياجامعية نستعين بالله ونبدا نذاكر وشوي شوي بنحس اننا عدينا جزء كبير من المذاكرة انا راح اتطمن عليك كل فترة ولاتخلي الياس يهزمك اتمنى لك التوفيق

[الوثلاني]

كانت هالمواد عندي في المستوى الاول ولا ذاكرت الا قبل الاختبارات ب 5 ايام ولم احضر دورات وماشريت كتب اخذت ملخصات فقط ولاجبت مدرسين ولا شلت هم كثير لانها كانت بنسبه لي كتجربه ويش الناتج ؟
رسبت في الرياضيات و العربي على اني حليت لكن بصراحة انا راضي على مستواي بما اني بديت متاخر
جدا !! ومن هالمستوى غيرت استراتجية تماما وبدايتي لحد الان اكثر من رائعه وباقي التوفيق من الله,
خلاصة القول باقي معك وقت طويل رتبي وقتك على المواد وخلي الجزء الاكبر لرياضيات والعربي لانهم الاصعب شوي واما الحاسب والثقافة استمتاع في المذاكرة كل مادة يويمن راح تنهينها باذن الله والانجلش فركزي على التعبير
لان اغلب الدرجات عليه وترى طريقة طرح الاسئلة تعتمد على القواعد وصدقنى باقي وقت طويل لكن الاهتمام من اليوم مطلوب جربي وان شاء الله ما تندمي ولا تنسين تحتسبين الاجر في المذاكرة عشان تكون اجر وعلم
والله يوفقنا وياكم جميعا..

[إبرآهيم]

وعليكم السلام ورحمـة الله

يا وخيتي عادي حالات لازم تمـر بكل طالب جامعـي .. بس اضغطي على نفسـك ثلاث ايام .. وامسكي اسهـل مادة .. وراح تخلصيـن كل المواد ان شاء الله .. انتـي بس ابدي وكل شيء يتسهـل .. انا والله عنـدي عقـدة البدايـة دايم تجيـب لي المرض :)

بالتـوفيـق للجميـع