معهد الانجليزي الى متى ....!

[baso0omy]

السلام عليكم

مو معقووووووووله

لما يجي الاختبار صعب اجيب درجة احلى من الاختبار السهل

هذا ما حصل معي في اختبار الدوري الثالث

والله توقعته على اقل تقدير بجيب 19 وفتح الموقع وكانت المصيبة جايب 14

ولا .... ازيدكم من الشعرب بيت

انا وخويي كنا جالسين بجنب بعض في اختبار الدوري الثاني

والله ما اكذب عليكم ان قلت انه ناسخ ورقتي في اختبار الرايتنق

لدرجة اخر شي لما جيت اراجع لقيت اني نسيت كلمة وطلعت سهم من بين الاحرف

وكتبت الكلمة وحصلت خويي سوى مثل ما انا سويت

وفي النهاية طلعت درجات اختبار الرايتنق الثاني وانا حصلت 16.7 وهو مأخذ 13.4

مع العلم زي ما قلت لكم في البداية انه ناسخ ورقتي ما بقي الا اسمي يحطها عليها

ما ادري الا متى هذه المهزلة

اقسم بالله شي يرفع الضغط في وقت بحاجة انك تكون هاادي علشان تذاكر للاختبارات الجاية

ما غير اقول حسبي الله ونعم والوكيل
والحمد لله على كل حال

[هنوودي]

المشاركة الأصلية كتبت بواسطة baso0omy وفي النهاية طلعت درجات اختبار الرايتنق الثاني وانا حصلت 16.7 وهو مأخذ 13.4 مع العلم زي ما قلت لكم في البداية انه ناسخ ورقتي ما بقي الا اسمي يحطها عليها ما ادري الا متى هذه المهزلة اقسم بالله شي يرفع الضغط في وقت بحاجة انك تكون هاادي علشان تذاكر للاختبارات الجاية ما غير اقول حسبي الله ونعم والوكيل والحمد لله على كل حال

أحمد ربك ما اعطو خويك 16.7 وادوك 13.4 ولا 10
معهد الانجليزي هذا ماتدري كيف شغلهم

[MUDY-MA]

والله كل العالم كدا

انا اخرج من اختبار متوقع 15 او 16 اجيب 22

ولمن اخرج متوقع 20 وفوق اجيب 16

مهزلللللللللللللللللللله

[Albert Einstein]

يا أخي تستطيع مراجعة ورقتك !

وترى الورقة والأخطاء بأم عينك !!

راجع الموقع

وأنا أعتقد أنه من الطبيعي إنخفاض الدرجات في الكتابة لأنها تعتبر أصعب المهارات الأربع !
شكـرا

[عبدالعزيز محسن]

شباب انا شايفكم تشتكو لبعض والمعهد والمعهد طيب الين متى نقعد نشتكي لبعض ونواسي بعض المفروض نروح للمعهد ونسأل لأنو صراحه يعني الواحد بعد المهزله دي صار يشيل هم الانجليزي اكتر من الرياضيات والفيزياء

[SHOSHO:)]

المشاركة الأصلية كتبت بواسطة baso0omy السلام عليكم مو معقووووووووله لما يجي الاختبار صعب اجيب درجة احلى من الاختبار السهل هذا ما حصل معي في اختبار الدوري الثالث والله توقعته على اقل تقدير بجيب 19 وفتح الموقع وكانت المصيبة جايب 14 ولا .... ازيدكم من الشعرب بيت انا وخويي كنا جالسين بجنب بعض في اختبار الدوري الثاني والله ما اكذب عليكم ان قلت انه ناسخ ورقتي في اختبار الرايتنق لدرجة اخر شي لما جيت اراجع لقيت اني نسيت كلمة وطلعت سهم من بين الاحرف وكتبت الكلمة وحصلت خويي سوى مثل ما انا سويت وفي النهاية طلعت درجات اختبار الرايتنق الثاني وانا حصلت 16.7 وهو مأخذ 13.4 مع العلم زي ما قلت لكم في البداية انه ناسخ ورقتي ما بقي الا اسمي يحطها عليها ما ادري الا متى هذه المهزلة اقسم بالله شي يرفع الضغط في وقت بحاجة انك تكون هاادي علشان تذاكر للاختبارات الجاية ما غير اقول حسبي الله ونعم والوكيل والحمد لله على كل حال

شكلوووووو خطك احسن من خطووو
عشان كده اخدت درجه احسن منوو

[ATm]

المعــهد معلق على 6.6 من يوم مابدينا

الله المستعان بس ..

[samo123]

والله يا جمااعة انا في الإختبار الثاني جبت 22.5 وانا كنت مرره فرحان لأنو الإختبار كان صعب وانا مرره خبصت <<< انا اتوقع إنو في لخبطة واعطووني درجة مو حقتي خخخخ


وفي الإختبار الثالث خارج وانا اقول إن شاء الله احسن من إلي قبلو لأنو كان مررره سهل

واشوف الدرجه ألاقيها 18 ليييييييييييييييش كدا

والله مرررررره شيء يقهر وبالذات وانا خارج من الإختبار قلت خلاص فوق العشرين



اروح اشوووف اي جدار وادق راسي فيه احسن لي بدل الهبل إلي بيسويه المعهد دا <<< قال معهد قال

[Mr-Ammar]

كلنا نفس الشي samo

الاختبار التاني لمن جبت الدرجة طرت من الفرحه لانو كان صعب ومااتوقعت

بس التالت!! والله سهل يا جماعه ما كان صعب وحليت انو تمام وفوق العشرين اكييييييييد ما يبالها

بس اجيب 17

دي مهزلة والله مهزلة

لا والرايتينج يدوني 10!! مجانين دول!!

ما راح ينزل معدلي الا الماده الوسخة دي مع العالم الزباله حقون المعهد دا

وحين وقت المراجعه حق الرايتينج بس تشوف اغلاطك ويقلك اطلع برا مافي تعديل ولا تزويد

ماني فاهم ليه الحقاره دي الي بيعملوها معانا

[Mr_X_00]

عدم التعرض لـ اعضاء هيئة التدريس بالسب أو الشتم , ولا بأس بالنقد البناء و إبداء الملاحظات على طريقة الشرح أو الأسئلة ... إلخ
يمنع كتابة اي مشاركة تتعدى او تؤذي فئة معينة سواءً كانت فئة دينية او اقليمية ويجب الإلتزام بالأدآب العامة وعدم التلفظ بأي الفاظ بذيئة أو الفاظ غير لائقة ومسيئة للآخرين و إن تعرض لك أحد الأعضاء فـ عليك بإبلاغ الإدارة عنه , وليس مجاراته في الحديث .
يمنع منعا باتاً الخروج عن صلب الموضوع و جعله ساحة للمناقشات الجانبية ( chat ). وسيتم حذف الردود الخارجة عن صلب الموضوع .
إن الجهل بهذه القوانين لا يعفي من المسؤولية , ويعتبر كل عضو مسؤلاً عن مشاركاته و ردوده

النظام العام لمنتديات طلاب وطالبات جامعة الملك عبدالعزيز