أتمنى الكل يقول رأيه

[DANoOo.R]

السلام عليكم Gays & Girls أتمنى الكل يكتب تعليقه
بصراحه ماني عارفه ايش أقول بالضبط عن حال الطلاب والطالبات في السنه التحطيميه (أكثر اسم مناسب) في الاسبوع الماضي الكل تعب وذاكر وكان أسبوع مررره متعب بالنسبه للكل..وإن شاء الله ربنا يعوض تعبنا خير.. بس للأسف بدأت الدرجات تطلع وجا الأسبوع التاني (اسبوع الصدمات) والكل تقريبا انصدم من درجاته الغير متوقعه (وأنا منهم)
بس اللي خلاني اليوم اكتب هذا الكلام الشي اللي اليوم سمعته من وحده من دكاتره الإحصاء في الفرع وكانت الصدمه الكبرى.. الحكايه ومافيها أنه هذي الدكتوره راحت الجامعه وسألت ليش هما بيصعبوا الأسئله على الطلاب والطالبات هل بهدف أنهم يرسبوا وويجلسوا في البيوت؟ طبعا ردت عليها وحده من اللجنه اللي في فرع السيلمانيه (حسبي الله عليها وعل كل اللي يسوي زيها)وبكل برود انه هوا هذا الهدف اللي يبغوا يوصلوا له...
أنا اللي يهمني الآن واتوقع أنه يهم الجميع ايش مصلحتهم وهل هذا تصرف عادل أو طبيعي من ناس طبيعين ومتعلمين (للأسف..ياخسارة التعليم فيهم إذا كان هذا تفكيرهم)..مع الأسف بس مااتوقع..
وفي النهايه نفسي نكون كلنا يد وحده ونقدم شكوى لعميد أو عميدة الجامعه اللي مايدروا ايش قاعد يصير من وراهم في الطلاب والطالبات بس كيف نوصلهم على الأقل لأنه هذا التعذيب اللي قاعد يصير فينا مايرضي أحد ودرجاتنا اللي نتفشل حتى احنا نقولها..واتوقع أنه تقريبا الكل عانى في هذا الترم بالذات خطه ب (الله يكون في عوننا)
أسفه على الإطاله وأسفه إذا كان في كلام لا يليق ولكن هذا من القهر والصدمات اللي نلقاها كل يوم من الجامعه..
ولاتنسوا أتمنى أشوف تعليقاتكم وردودكم وآرائكم على الموضوع

DANoOo.R

[أمــير الـــروح]

لا حول ولا قوة الا بالله
شي طبيعي انهم بيسوو كدا وخطتهم نجحت والدليل ان عدد الطلاب قل في الجامعةالواحد يذاكر ويتعب وهم بكل برودة يقولولك الاسئلة سهلة

[romantic_lolo]

والله ياقلبي اليوم كنا في المحاضره الانجليزي وانا والبنات اتكلمنا في الموضوع هذا وعن الكلام الى قالته دكتورة الاحصاء من جد يبغون يجلسونا في البيت الحمد لله كل اللى دخل جامعه الملك عبد العزيز نسبته كانت عاليه يعني مافي احد فينا غبي ليش كل البنات جابوا رسوب في الكيمياء اول اختبار ياترى هذا غباء فينا ولا فيهم هما حسيبي الله ونعم الوكيل لازم نشتكي حطمونا حسيبي الله ونعم الوكيل يعني سايبه اهلى وجايه ادرس في جده اخر شي برجع عندهم وانا راسبه

[DANoOo.R]

اتمنى التوفيق للجميع بس هذا الواقع انه احنا في هذا المنتدى جالسين بنحفز بعض وكل واحد قاعد بيبذل جهد أكثر من التاني بس فين الخلل مننا ولا منهم؟؟؟؟؟؟؟؟وأبداُ ما اتوقع أنه مننا وما اتوقع أنه كل الي سنه تحضيريه أغبياء لازم على الأقل لو 10% يكونوا ناجحين مو 99% راسبين هذا مو منطق بصراحه مانقدر نقول إلا حسبي الله عليهم ونعم الوكيل

DANoOo.R

[romantic_lolo]

جالسين يحطمون فينا وربي انا كنت ابغي ادخل طب بعد ماجبت رسوب في الكيمياء في الاختبار الاول في ناس شجعتني وقالوا تعوضيها في الاختبار التاني بعد ماشوف الاختبار التاني متاكده اني راسبه فيه وشايله الماده لازم نشتكي عليهم قالوا سنه تحضريه بالانجليزي ماتكلمنا كمان يحطون اساله صعبه علشان نرسب ليش قبلونا من الاول

[Roo7i]

لاحول ولاقوة الابالله
وبس هذا الي عندي