شملني الاعفاء بس ماسددت والله حاله

[طيبتي راس مالي]

السلام عليكم ورحمة الله وبركاته
انا قدمت طلب اعفاء عن الرسوم
وبصراحه تأخروا بالموافقه واضطريت اني اسدد رسوم هالترم توقعتهم خلاص ما راح يوافقون
بعد يومين من السداد وافقوا على طلبي
الحين وش الحل؟
يعني يرجعون لي رسوم هالترم طيب
ولا خلاص شي خش عندهم مستحيل يطلع

والشي الثاني الحين الاعفاء هذا خلاص شامل لحد ما اتخرج
او لازم كل ترم اطلب اعفاء واتبهذل هالبهذله

اذا شامل فالحمدلله يعني راح استفيد منه بالاترام الجايه
واذا مو شامل معناه ما استفدت شي ابد لاني مسدده رسوم الترم هذا


اللي فاهم بحوسة الاعفاء يفيدني الله يخليكم
ومشكورين سلفا

[الحارس]

السلام عليكم ورحمة الله وبركاته
انا مقدم على الاعفاء لاكن ما صار شي
لاكن يا اخي كيف تعرف انهم وافقو على طلبك

[طيبتي راس مالي]

اذا شملك الاعفاء ينزل جدولك
تابع الموقع انت واذا نزل الجدول معناه قبلوا طلبك
بس انتبه لا تخلص مدة السداد وهم الى الان ماقبلوا طلبك
كذا راح تخسر كل الاثنين
اذا شفتهم مطولين سدد لايروح عليك الوقت بس

[أم نواف]

إن شاء الله ماتكون راحت عليك
وإنتي الله يهديك ليش سددتي باقي معك وقت طويل إلى 2/5/1429هـ
عندي سؤال
كيف أتقدم بطلب الإعفاء

وعلى أي أساس يوافقون أو يرفضون

(بصراحة هل الموضوع يحتاج واسطة وإلا لا)

[طيبتي راس مالي]

ام نواف انا قلت يالله يمديني اطلب الكتب واجلس اذاكر..
قلت اكيد ماراح يفيد وماراح يوافقون على طلبي
انا الصراحه قالوا لي لا تقدمين عن طريق الجامعه لان الواسطه تلعب دور كبيره هناك
قدمت على وزارة التعليم العالي
وواعدون خير
بس طولوا علي قلت مافيه شي
واليوم اتصل واحد من وزاره التعليم العالي قال ترى طلبكم وافقينا عليه وتم قبوله وانتظروا الجدول ينزل
وانا سددت وقضيت
وابي اشوف اذا راح يستمر الاعفاء فالحمدلله يعني مافاتن شي وابعوض الاترام الجايه

فيه شروط للاعفاء يالغاليه
اذا توافرت فيك هالشروط قدمي اوراقك وانتظري الفرج ههههههه

[فتفوتة سكر]

اذا نزلك الاعفاء في الترم اللي سددت فيه ستتحول المنحه للفصل الدراسي اللي يليه . (( كان الاول تستلم المبلغ عند التخرج لكن دحين الغوه ))
والمنحه الدراسيه عامه لكل الاترام مالم يقل معدلك عن 2,5
وتظهر لك عباره منحه من التعليم العالي عند دخول نظامك على الاودس .

بالتوفيق للجميع ...

[طيبتي راس مالي]

فتفوته يعطيك العافيه
كنت متأمله يرجعون لي اللي دفعته
بس ياخساره

الف الف شكر

[][_ غــــــيــــــر _ ][]

افضل طريقة للتاكد هي الذهاب مباشرة للجامعة

وان كان فيه صعوبة فاستخدم نظام المعاملات الالكتروني

او مراسلة المشرف على شئون الانتساب وبالتوفيق للجميع باذن الله

[عندما يتكلم الصمت]

ألف مبروك .. ماعندي خلفية بس حبيت أبارك لك ..

شدي حيلك ربي يوفقك دنيا وآخره ..

صمــت ..

[طيبتي راس مالي]

يعطيكم العافيه على المرور
عندما يتكلم الصمت ههههههههههههههههههههه وش تبارك عليه؟
الحين اشكي لكم انا مقهوره وانت تبارك ههههههههههه
امين الله يوفق الجميع يارب