بنات خطه أ محتاجه مساعدتكم بالرياضيات والفيزياء بليز

[غلا قلبه]

السلام عليكم ورحمه الله وبركاته
الف مبروووووووووووووووك على إنتهاء الإختبارات وان شاء الله ربي يكتب لنا درجات تبرد قلوبنا
لو سمحتوا اتمنى ان كل وحده تكتب لي عن استاذتها في الرياضيات والفيزياء اذا كانوا ممتازين لأن اللي عندنا عدم والله البنات يصححوا لها الأخطاء في الرياضيات واستاذه الفيزياء ماتشرح خير شر بس تقرا ابغى اساتذه غيرهم احضر عندهم لازم افهم والله دخلت الإختبارين على عماي :(
بليز حتى لو كانوا في الصباح مستعده احضر لهم
مشكورين مقدماً وبالتوفيق للجميع

[ميعاد]

منجد بناات حتى انا ابغا اعرف..

اللي فاات مررا اللي عندنا ماايعرفوا يشرحاوا ..

[راوين]

مسااااااااااااء الخيراااااااااات والمسرااااااااات
والله أستاذاتي مرررررره كويسات حقت الرياضيات أستاذة أريج الحربي مرره كويسه وشرحها مرره حلو وكل سبت تعطينا سكشن في وقت البريك نحل كل التمارين اللي فيها فكره ويجبونها في الاختبار وتوضح لنا كل شئ
وكمان أستاذة لبنى سندي أستاذة الفيزياء مرره كويسه وشرحها مررره حلو طيبه وعسل وتفهمين معها على طوووول الله يسعدها
ان شاءالله اكون افدتكم
أختك:راوين

[M!ss 5o05a]

دكتوره لبنى سندي ماااشااء الله عليها شرحها مره مرتب وبالتفصيل ..

طبعاً انا مو من شعبتها واستازتي ..الله يستر عليها ..مسكينه تحاول توصل المعلومه بس مو قادره كيف..

ووحده من صحباتي قالت لي على د-لبنى ..وماحضرتلها الاشابتر3 حسيته اسهل شبتر في حياتي

يمكن بنات شعبتها مو حاسين بس ازا حضروا لغيرها بيشوفوا الفرق ..شاااااااسع

الله يوفقنا ياارب ..

:)

[joojoo.one]

طبعا الدكتوره لبنى شرحها تماااام وتفهم <<< امدح عمتي
انا مو من شعبتها بس حضرتلها وفهمت
اما مع دكتورتنا اخد المحاضره نووووم

[bashboshah]

كيف تحضرو ؟؟؟ انا بطلت احضر لدكتوري بس الصراحه اقعد في البيت انام ما احضر عند احد تاني .

لو ابا احضر عند احد تاني كيف ؟؟؟ انا ماعندي بريك غير من 12 _1 .

ممكن احد يقلي لو في نفس وقت كلاسي الفيزيا عند استازه لبني لانو كدا ولا كدا انا مني حاضره (8-9.30) احد وتلوت

[نوف 03]

لو سمحتي رواين ممكن تقولي متى أوقات محاضراتكم مع أستاذاتك وعادي لو بنقل لشعبة تانيه لآنه أخد مع ناس الله يستر عليهم مايفهموا أبدا

[راوين]

هلا نوف:
الماث كل سبت واثنين وربوع من8-9
الفيزك كل سبت واثنين وربوع من10-11

[M!ss 5o05a]

جوجو ون ..عن جد عمتك >>صدقت الله يخليها لكم ..يارب..

بشبوشا ازا تبي تحضريلها عادي قوليلها ابى احضر وانا مو في الشعبه علطول حتوافق مره عسل..

بس محاضراتها يوم سبت واتنين وربوع ..وحده من 8-9 والتانيه من 10-11

ان شاء الله تلاقي وقت يناسبك .

:)

[® βutteяfly aηgel«~.]

الفيزياء د. لبنى سندي شرحها مره كويس ,,

http://www.kau.edu.sa/Default.aspx?S...0055442&Lng=AR

رياضيات ا. هدى افندي الله يسعدها مررره تفهم ماشااءلله واخلاق

http://www.kau.edu.sa/Default.aspx?S...0005284&lng=AR


ادخلي على موقهم وشوفي المحاضرات متى ~


ابغى اسأل من فين تشتروا ملخصات حمزه ابو جبل و أشرف بركات ْ؟؟