افضل دكتوره للماث

[اسيل000]

السلام عليكم ورحمه الله وبركاته

بنات خطه(أ) الحلوين ابغى اعرف منكم مين احسن دكتوره للرياضيات يعني تفهم وشرحها واضح

ياليت تفيدوني بس من فرع الجامعه نفسه

ويالله شدو حيلكم في الباقي من الاختبارات

الله يوفقنا ولايضيع لنا تعب

[7nan]

السلام عليكم =)
انا عن نفسي تدرسني دكتور هدى افندي .. ماشاء الله قمة في كل شي
يعني هيا ماشاء الله تشرح مرا كويس وتعيد مرتين اذا منتي فاهمة .. وتقدري تروحيلها اي وقت المكتب تشرحلك اي حاجة وهيا مبسوطة ( الصراحة لانو هيا اول كلاس بدانا ليها فا حسبت كل دكاترة الجامعة كدا يهتمو ببناتهم انو زي المدرسة ..بس مشي حالك )
المهم غير انو تشرح كويس قبل الاختبار الدوري دا ادتنا ساعة ونص تقريبن كا سيكشن عشان تراجعلنا وتقولنا البنات كانو يغلطو فين والاسئلة لمن الدكاترة يبغو يلعبو فيها ايش يسو ..زي كدا
انا ما ادري كيف كل الدكاترة بس انا محد من الي يدرسني او الي يدرس صحباتي كدا ... وما ادري اخاف انصحك بيها وتكون في وحدة انسبلك اكتر بس عن نفسي ما ارضى انو اغير كلاساتها لدكتورة تانية وكمان كل صحباتي الي في خطة ب .. قولتلهم من البداااية لمن يحطوكم مع اي دكتورة انقلو لدكتورة هدى

اها وصح يوم الربوع الي قبل اختبار الخميس جات خصيصا عشان نسألها .. وقالتلنا انو نجي نسألها عن اي شي عارفة انا حسبت انو بس المدرسة الي كدا ... لانو الباقين الدكاترة كانو يصرفونا لمن نروحلهم

المهم دا الي عندي .. وسوري عالاطالة =)

[fat0om]

ماعتقد فيه افضل من ساره الشهري
انسانه من جد تادي امانتها
والله قبل الاختبارات بيوم ماخلتنا نخرج الا 3 وخمس
كل مانقول فاهمين تقول لا في مسأله مهمة
والشرح ..مافي زيه
الله يوفقها

[اسيل000]

مشكورين يابنات الله يوفقكم يارب بس فطوم استاذتك ماتعرفي وين غرفتها؟؟؟

لأني لقيت استاذه هدى بس مالقيت استاذه ساره

[اسامـــه]

مافي شي اسمه تغيير شعب الدكتورة اللي تدرسك تدرسك لأخر الترم ومستحيل تغييرها معليش على الاحباط لاكن الحقيقة مرة

[® βutteяfly aηgel«~.]

صح كلاآمه
ما يمديكي تغيري ولو غيرولك مره مو بسهوله

وانآ أنصحك باستآذه هدى أفندي
قممممة في الأخلاق َوالتعآمل ~
وتفهم مزبوط اللَه يحفظهاآ
.
.

[fat0om]

بكره ان شاء الله اشوف غرفتها
واقولك فين هيا

والله لتدعيلي لو درستك
كنت اخذ مع منى بانجه
ومن 2 الى 3
ونص المحاضرات اهرب منها
يجيني نوم وحاله اكتئاب
ويوم درستنا ساره
استنى متى تجي الساعه 2 عشان محاضراتها

[نورة السبيعي]

مسائكم فل انا اصلا تدرسني معيده ماهي دكتوره اسمها مها نور ولي
شرحها حلو بس ما تعيد وسرييييعه بالمره والبنات صاحباتي يمدحون
منال ما ادري وش اسمها اهم شي انه لقبها النهدي ....
حبيت أفيدك يا قمر ...

[نورة السبيعي]

وانتي لو صعب عليكي التحويل عادي لا تحولي بس اوقات
البريك احضري مع الدكتوره اللي تبينها ....

[Dandona]

أنا كمان تدرسني مها نور ولي
شرحها كويس و تفهم
بس مشكلتها انها سريعة