زوجتي حامل وتبغى تسحب الترم وتأجل الترم الثاني ولكن ....!!

[طلال مداح]

السلام عليكم ورحمة الله وبركاته

ياإخوان زوجتي الآن في السنة التحضيرية المسار العلمي

والفترة الماضية (تقريباً من حوالي شهر) بدأت تتعب بشكل متكرر وتغيب كثير بسبب الحمل إللي يخليها تستفرغ بشكل متكرر ، وطبعاً عندها أعذار على جميع الغيابات إللي عندها من الإدارة الطبية من الجامعة بالإضافة إنها إتنومت فترة الإختبارات الدورية الإسبوع الماضي في مستشفى الجامعة وبرضوا موجود عذر طبي معتمد من مستشفى الجامعة

إللي صار إن الدكاترة والمدرسات عندها ماهم راضيين يعيدوا الإختبار حتى بالعذر الطبي
ويقولوا مستحيل والطريقة تكون إنهم يجمعوا درجة الدوري الأول + الإختبار النهائي ويضربوها في 3 بعدين يقسموها على 7 والنتيجة تكون هي الدرجة حقة الدوري الثاني

يعني مثلاً شخص أخذ في الدوري الأول 20 من 30 وأخذ في النهائي 30 من 40

صار المجموع 60 (ضرب) 3 = 180

يقسموها على 7 يكون الناتج = 25.7

المهم

طبعاً طريقتهم ممكن تكون منطقية لكن لو الطالب كان مخبص في الدوري الأول؟؟؟

بس أنا أفكر إنها تسحب ترم أفضل
بس المشكلة إنها لسه في الترم الأول !!! ونظام الجامعة أعتقد ممنوع أحد يسحب من أول ترم

فسؤال لو إني جبت تقرير كامل ومفصل عن حالة زوجتي من مستشفى الجامعة وختمته من الإدارة الطبية هل هناك لجنة توافق على هذا الطلب بحيث إنها تسحب هذا الترم وتأجل الترم الثاني وتبدأ إن شاء الله مع بداية السنة الجاية !!!

أو أسحب ملفها من الجامعة بالمرة !!! وأخليها تسجل السنة الجاية ؟؟؟

إللي يعرف بالله أحد حصله مثل هذا الموقف أو موقف مشابه ياليت يفيدني

ولكم جزيل الشكر

[رزان خالد]

مممممم

انا اعرف انو اللي يتغيب عن الاختباارات النهائيه في لجنه تشوف وتدد اختبار بديل اما دوريه مااعرف

انا اشوف تكمل الترم احسن من انها تسحب لانو مايرضو غير في حاله درست سنه انها تعتذر واذا انسحب الملف من الجامعه احتمال كبير ماترجع

["طموحي جبال"]

لو كان في امكانيه انها تسحب وتسجل الترم الجاي
يكون افضل لان كل سنه محسوبه عليها
وبالنسبه لكلامك اتوقع ايه قادره وفي امكانيه بحول الله
تقدم تقاريرها لعمادة القبول والتسجيل وتقدم اعتذار عن هالترم وتأجيل للترم الثاني
< لاتعتذر الترم الثاني تأجل افضل لها أكاديميآ

[ترانيم الحزن]

لا تسحب من الجامعة وتسجل الترم السنه الجاية تعب راح يكون
اعادة امتحان مافية بس جيب تقرير طبي وتاجل لانه راح يكون فيه لجنة تتناقش وضعها اذا سمحو ولا لا
والف مبرووك لكم

[Glam G!RL]

والله يااخوي سوي لها اللي تشوفوا افضل

غير انك تسحب ملفها

لان بالقوووة صار يقبلوا البنات فتسحب ملفها صعبه شوي