إستفسارات بالنسبه لعدد الساعات و بعض المواد!!!

[أحلى حلم ...]

بسم الله الرحمن الرحيم
السلام عليكم ورحمه الله وبركاته

ياليت إنكم تقولوا لي كيف هيه هالمواد ؟!؟!
الإحياء 201 و كيمياء 230 و 371
( فيها دش كثير حفظ ولا فهم - فيها معادلات كثير ولالا -عربي ولا إنجلش )
و ايش رايكم لما يكون في الترم الواحد ثلاث مواد كلها 4 ساعات و ماده ثلاث ساعات وثانيه ساعتين ..
يعني كويس ولا في إحتمال إنها تزل المعدل ؟ لانوه راح يكون ضغط ثلاث مواد كلها 4 ساعات في ترم واحد !! أيش تنصحوني !!؟

[DNA..~]

بالنسبة لأحياء 201..!!

الحين يعرف بـ أحياء 110..

ويدرس بالإنجلش وفعلًا بصراحة دسم..

بالنسبه للبقية ما أعرف..

بس أنا أشوف صعبة شويه تحطي 3 مواد بـ 4 ساعات..
إلا لو كنتي مره شطوره وما تنقصي كثير وغيري يفيدك إن شاء الله أكثر :)

[أحلى حلم ...]

بالنسبة لأحياء 201..!! الحين يعرف بـ أحياء 110..

انا درست 110 وكانت الساعات 3 والحمد لله إني عديته بعد عناااااااااء
و دحين منزلين لي في الخطه إحياء 201 و عدد الساعات 4 وكمان إحصاء 201 وعدد الساعات برضوا 4 وكيمياء 201 وبرضوا 4 ساعات ؟!!!؟!؟؟

وتسلمي ياقلبوو على ردكـ

[DNA..~]

اهااا معليش..^^

ايوه أحياء 202 اللي هو المستوى الثاني

حيكون نفس الكتاب تبع 110 تقريبًا امممم 8 شباتر..

يعتبر نوعًا ما أخف من 110..

اما كيمياء 202 كمان المستوى الثاني

يقولوا البنات إن شاء الله سهل و قالوا عنه يميل شوي للفيزياء بحكم وجود المسائل فيه..

[أحلى حلم ...]

ربي يسعدك ياعسووله ^^ زي ما أسعتيني بردك

لاكن ياقلبوو اللي منزليلياه في الخطه رموزهم كانت 201للكيمياء و الاحصاء و الاحياء ؟!!؟
وأيش رايكم أنزلهم كلهم في ترم واحد زي ماهم منزلين في الخطه مع إنهم كلهم 4 ساعات لاكن خايفه ينزلوا المعدل ...! وكمان معاهم مادتين و حده ساعتين و الثانيه ثلاث ساعات

[gjs]

المشاركة الأصلية كتبت بواسطة أحلى حلم ... انا درست 110 وكانت الساعات 3 والحمد لله إني عديته بعد عناااااااااء و دحين منزلين لي في الخطه إحياء 201 و عدد الساعات 4 وكمان إحصاء 201 وعدد الساعات برضوا 4 وكيمياء 201 وبرضوا 4 ساعات ؟!!!؟!؟؟ وتسلمي ياقلبوو على ردكـ

انتي مو تحضيري زينا؟؟؟؟؟؟؟؟؟؟؟؟؟؟

كيف نزلولك خطه ؟؟؟
نحنا الي في الاوس منزلينلنا نفس مواد السنه التحضيريه !!!!!!!!!!!! كل المواد الي حاطنلنا هي مواد اخدناها 110 او 101 !!!!!!!!!!!!

[R-Kh]

المشاركة الأصلية كتبت بواسطة أحلى حلم ... بسم الله الرحمن الرحيم السلام عليكم ورحمه الله وبركاته ياليت إنكم تقولوا لي كيف هيه هالمواد ؟!؟! الإحياء 201 و كيمياء 230 و 371 ( فيها دش كثير حفظ ولا فهم - فيها معادلات كثير ولالا -عربي ولا إنجلش ) و ايش رايكم لما يكون في الترم الواحد ثلاث مواد كلها 4 ساعات و ماده ثلاث ساعات وثانيه ساعتين .. يعني كويس ولا في إحتمال إنها تزل المعدل ؟ لانوه راح يكون ضغط ثلاث مواد كلها 4 ساعات في ترم واحد !! أيش تنصحوني !!؟

وعليكم السلام ورحمة الله وبركاتة
...
احياء 202
انا بصراحة كنت اشوفها ممتعه
صحيح هيا دسمة ومحشية كلام
بس كانت اسهل من 110 بكتير بالنسبة ليا
كانت مواضيعها ممتعه ومفيدة في الحياة
يعني كلام يدخل المخ وتقدر تستوعبه
وومكن عشان دكتورتنا د.سهيلة قاري كانت تشرح بشكل جدًا مبسط الله يسعدها يارب سهلتلنا المادة اكتر
...
مجموع ساعاتك 17 كويسين
بس عندك كدا 4 معامل
لو انتِ من النوع اللي تقدري اتوكلي على ربك
...
انا السنة الماضيه كان جدولي 17 ساعة و4 معامل
والحمدلله عدت على خير
وحتى اخدت احياء 202 وبيولوجيا الخلية مع بعض
ومشي الحال
...
بالتوفيق
..
:)

[R-Kh]

المشاركة الأصلية كتبت بواسطة gjs انتي مو تحضيري زينا؟؟؟؟؟؟؟؟؟؟؟؟؟؟ كيف نزلولك خطه ؟؟؟ نحنا الي في الاوس منزلينلنا نفس مواد السنه التحضيريه !!!!!!!!!!!! كل المواد الي حاطنلنا هي مواد اخدناها 110 او 101 !!!!!!!!!!!!

ما اتوقع انها تحضيري
...
لاتقلقي يابنتي
..
:)

[أحلى حلم ...]

ربي يسعدك يا أحلى مشرفه ^_^

مجموع ساعاتك 17 كويسين بس عندك كدا 4 معامل لو انتِ من النوع اللي تقدري اتوكلي على ربك ... انا السنة الماضيه كان جدولي 17 ساعة و4 معامل والحمدلله عدت على خير

أربع معامل ؟!؟ حقت أيش !!
وهذا الترتيب زي ماهو موجود في الخطه إيش رايك أنزله نفسه
لاكن أنا خايفه منه لاني من النوع إللي يتعب و أحس بملل بسرعه وخايفه يكون ضغط أو إنها تخسف المعدل بما إنها أربع ساعات ولا أيش تنصحيني أنزل بدالها ماده تكون ثلاث ساعات ؟!
وهذا هوه الترتيب اللي راح ادرسه في المستوى الجاي إن شاء الله
( كيمياء201 ( أربع ساعات ) - إحياء 201 ( أربع ساعات )- إحصاء201 ( أربع ساعات )- ثقافه إسلاميه 101 ( ساعتين )- اللغه علابيه 101 (ثلاث ساعات ) ) ....
والمستوى اللي بعده ...
( أحياء عامه 202 ( أربع ساعات ) - وراثه عامه 221(3 ساعات )- بيولوجيا الخليه222 (3 س ) - للغه عربيه 201 - مقرر حر ))

إيش رايك في ترتيب المواد في المستويين ولا تشوفي أنوه راح يكون ضغط ؟!!؟
وكمان ياقلبو كيف هوه معمل إحياء281 ومعمل كيمياء 281 وكمان كيمياء 230 و 371
وبيولوجيا الخليه 222 ووراثه عامه 221

و انـــــــا أسفه تعبتك بالاسئله ^_^"...

[R-Kh]

وهذا هوه الترتيب اللي راح ادرسه في المستوى الجاي إن شاء الله ( كيمياء201 ( أربع ساعات ) - إحياء 201 ( أربع ساعات )- إحصاء201 ( أربع ساعات )- ثقافه إسلاميه 101 ( ساعتين )- اللغه علابيه 101 (ثلاث ساعات ) ) .... والمستوى اللي بعده ... ( أحياء عامه 202 ( أربع ساعات ) - وراثه عامه 221(3 ساعات )- بيولوجيا الخليه222 (3 س ) - للغه عربيه 201 - مقرر حر ))

انا شايفة انو كويس
لانو ثقافة 1 دسم شويا بس سهله
وعربي 1 عن الافعال والمبتدأ والخير
وعربي 2 حرام لو ما جبتي فيها a+
...

وكمان ياقلبو كيف هوه معمل إحياء281 ومعمل كيمياء 281 وكمان كيمياء 230 و 371 وبيولوجيا الخليه 222 ووراثه عامه 221

*احياء 281 كان رخم بصراحة لانو كلام دش وحفظ, الكتاب كان كميتو مرررة كبيرة بالنسبة لمعمل بس لانها بـ 100 درجة
*كيمياء281
دي المادة تحسي الـ 100 هدية, لانه من جد سهله, عبارة عن املاح مجهولة وانتِ تكتشفي الملح من خلال الالوان اللي تعرفيه, وكمان في الاختبار العملي تدخلي الملزمه حقتك معاكِ
*بيولوجيا الخلية بالعربي اخدتها وكانت سهله , بس لو نزلت مع د.فريال أو د.سناء ترك خديها احسن من د.صباح لنجاوي
ومعملها سهل لابعد حد وخديه مع أ.نسرين تعطي كل البنات فل مارك
*وراثة ما اخدها لاني حيوي
....
بالتوفيق
..
:)