عندي شوية استفسارات ضرورية شويتين ...

[فراغ العاطفة]

السلام عليكم ورحمة الله وبركاته

أنا حاب اسجل ترم صيفي لأن عندي مادتين اخدت فيها F
بس مني عارف كيف اسجل ..

فياليت تساعدوني في طريقة التسجيل وتعديل الجدول ودي الحاجات لأني مرررة مني عارف شي بالمرة
واستفسار تاني ..
مين أحسن دكتور في الدكاترة التالي اسماءهم بالنسبة للماث 101
وليد محمد علي الحمدان
فؤاد عثمان موسى ملاوى
عبدالمعين حمدان على حمدان
خالد عمر صالح مرداد
محمدطلعت عبدالناصر ابراهيم الدلجاوى

[Jeddah Glamor]

اليوم ان شاء الله خليك على اطلاع بنظام الخدمات الالكترونيه

للآن ما نزل رابط لتسجيل الجداول

غير كذا انا ما اعرف


ان شاء الله الشباب يساعدونك بالاساتذة


بس شفت الشعب اللي نزلت

يعني ما في تعارض في المواد اللي انت بتأخذها

؟؟

[فراغ العاطفة]

ايوة شفت الشعب .. والحمد لله مافي تعارض
وشكرا على ردك

[Jeddah Glamor]

الله يوفقك اخوي

[* تركي *]

عبدالمعين حمدان
درست عنده ماث 100 ، و 101 بعد

جبت عنده +a ، شرحه حلو ويفهم ، ومآيساعد الا المجتهدين

موفق

[=--> (أخـــر همـــي) <--=]

تسجيل الصيفي زي التسجيل العادي

يعني بس استنى يفتح الحذف والاضافه واضيف واحذف على كيفك


وبالتوفيق

[dre]

خالد مرداد اخدتها عندو الدكتور مرره فله واسئلتو سهله وشرح
وفؤاد ملاوي الشباب كلهم يمدحوه

سلام عليكم

[عاشق السحاب]

خالد مرداد مع احترامي لشخصه الكريم من جنب القده

أحسن الأساتذة في الرياضيات حمزة أبوجبل + عبدالله خميس الزهراني ، وهم مو موجودين في 101 صيفي

أما الباقين ما اعرف عنهم شيء

طبعاً كل هذا في وجهة نظري المتواضعة

[فراغ العاطفة]

السلام عليكم ...
أولا شكرا على المرور ..
تانيا .. انا ابغى اسجل ماث 101 لما اروح لبرنامج الحذف والاضافة ما تطلع لي شعب للمادة...
هل هذا معناه انه مافي هادي المادة صيفي ؟؟ولا ايش ؟؟

[حلمي بروفيسور]

روح عند قائمة الشعب الدراسية وحط اسم المادة والسنة والفصل وشوف اسماء الدكاترة والشعب واختار اللي تبغاه
اما اذا مرة ماطلعت الشعبة في الحذف والاضافة فهذا خلل في النظام انصحك تروح تراجع الشؤون التعليمية
بالنسبة للدكتور فانا سمعت ان الدكتور فؤاد ملاوي من مكة وفي ناس يمدحوه
وبالتوفيق,,,