جدة غير!

[Taurus]

قصيدة رائعة للحبيبة جدة...للشاعر طلال حمزة
جدة غير

ايه أحب القاهرة....بيروت... كازا
بس جدة ياخي غير
جدة ياخي ذكريات
ماضي وحاضر وآت
يكفي جدة
انها شمس المداين
وانها أحلى البنات

****************
جده زي الغرق
لا..
جدة زي العوم
جدة مدينة حايرة
بين السهر والنوم
قريتها مرة ف (كتاب)
مدري ف قصيدة (للبدر)
مدري ف عيون أحباب
جدة دي عشقي مزاجي
جدة تفاصيل صغيرة
ف نص للشاعر خفاجي

****************
جدة ويل
جدة قناديل وليل
جدة مواويل وتراتيل وصهيل
جدة مشوار طويل
جدة فيها سحر بابل
واختصار الناس كل الناس
في باب مكة أو في قابل

****************
جدة أول
جدة آخر
جدة أمواج وبواخر
ماصعيب إلى سهلها
واحلى مافيها أهلها
جدة غير
ايه أحب القاهرة ..بيروت.... كازا
بس جدة والله غير

[خالد]

شكرا ً أختي تورس على الكلمات الرائعة

وفعلا ً جدة غير !

جدة غير عن كل المدن والقرى

كل سفرة وأنا مسافر أكيد مبسوط لكن يبدأ الشوق من لحظة مفارقتي جدة
ويسعدني رؤية أنوار مدينة جدة أو شواطئها في عودتي من السفر
جدة ذكريات وحاظر ومستقبل ،،،، غير

تسلم اناملك ياختي تورس
تحياتي

[عــــامـــر]

ياهووووووووووووو على الكلام
فعلا جده غير كفايه انك فيها وكل شباب المنتدى

تحياتي

[NooDy]

الللله ياتوروس الله مو تجنن فزيعه ..

يختي على جده اموت فيها من جد سمكه بره جده اموت ..

توروس تسلمي عالكلام الحلو ده ياجداويه ياحلوه

...

[Taurus]

أبيه خالد >>>مشكور على مرورك الي أسعدني,,,,,
أخوي ديفل>>> مشكور على مرورك الحلو..
نوودي>>حياتي شكرا على مرورك ياعسل ..

و هادي صورتين لأحلى جدة...

[bent mankoosha]

جدة ويل جدة قناديل و ليل

تسلمي يا قمر

[Saudi Future Dr]

إي والله وانا أشهد ... و مانعرف قدرها ألا لما نغادر أرضها
والله عايشين .. باوروبا .. وكأننا في قرية ... بالنسبه لجدة
بخبرها .. و نساتها ... و أهلها
الله المستعان

[fahad_itti]

والله فعلا
ما يعرف قيمة جدة الا اللي يتركها

[noga4islam]

والله جد ..
جــــــــــــــــدة غـــــــــــــــــــيــــــــــــــــــــــــر ..
بكل شي فيها غــــــــــيـــــــــــــــــر ..

[almuassar]

جدددددددددددددددددددددددددددة غييييييييييييييييييييييييييييييييييييييييييييييييي ييييييييييييييير

أتمنى أحصلي نقل لجدة