::نفسي بس خايفة::

[طالبة.مجتهدة]

السلام عليكم ورحمة الله وبركاته....


كيف حالكم....ان شاء الله تمام..



انا زي مو شايفين ادارة عامة...
واحس القسم مو عاجبني....واكتر شي اميل له قسم الانظمة..كان نفسي علوم سياسية ممممممم بس مافي..
صراحة مرة عاجبني..
بس مدري ليه خايفة ومترددة
المهم...
انا ابغاكم تقولولي نبذه عن دا القسم...وكيف الاستاذات اللي يدرسو فيه...
آآآآآآآآآآآآ كمان ايش مجالاته...



يعني اي شي تعرفوه عن القسم قولولي ...

وشكرا مقدما

[بحر الحرية]

أهلين وسهلين..
لا مررة مو معقولة.. انتي ف قسمنا ههههههههههههه

نورتي القسم كتيييير..

القسم زي أي قسم في العالم، فيه الأشياء الطيبة وفيه الأشياء الللي لا، الأساتاذات فيه نفس الشي طبعن حيكونوا متفاوتات ف الشرح وف التعامل و ف كل شي يعني..

انتي أهم شي يكون عندك الرغبة، لا تخلي كلام الناس أو صحباتك أو المجتمع يأثر فيكي أبدا..

القسم بالنسبة لكم كبنات لسسسسا ف بدايته، وانتوا راح تكونوا البدايااات ف التأسيس، يعني حيكون أهم شي لكم الجهد وإنكم حتفضلوا تحاربوا وتتعبوا لين ربي يحقق لكم أمنياتكم، لأنكم ف البداية طبعن راح تتبهدلوا بس ف المقابل ربي ما راح يضيع جهدكم انشاا الله..

يعني داا من المواضيع البدائية لكم كبنات، وشوفي إيش صار فيها
http://www.skaau.com/vb/showthread.php?t=232015

ف القسم نفسه مافي مجالات ف البكالوريوس زي الادارة العامة، مجال واحد بس، بالأصح راح تدرسي قانون عام في جميع المجالات المدني والجنائي والتجاري والدستوري وووو...

حاولي تقابلي بنات من نفس المجال حتى لو خارج العمل ف مكاتب المحاماة، واستفسري منهم واسأليهم وما راح يقصروا معاكي..

الله يوفقك يارب انشاا الله ويسهل عليكي وتكوني ف التخصص اللي يناسبك ويحقق لك كل ما تتمني يااارب؛؛

[طالبة.مجتهدة]

المشاركة الأصلية كتبت بواسطة بحر الحرية أهلين وسهلين.. لا مررة مو معقولة.. انتي ف قسمنا ههههههههههههه هههههههههههههههههه شفت كيف نورتي القسم كتيييير.. منور بأهلو.... القسم زي أي قسم في العالم، فيه الأشياء الطيبة وفيه الأشياء الللي لا، الأساتاذات فيه نفس الشي طبعن حيكونوا متفاوتات ف الشرح وف التعامل و ف كل شي يعني.. انتي أهم شي يكون عندك الرغبة، لا تخلي كلام الناس أو صحباتك أو المجتمع يأثر فيكي أبدا.. مو دي مشكلتي.... كلهم يقولو انظمة ابو كلب...بس انا مررررررة عاجبني وداخل مزاجي القسم بالنسبة لكم كبنات لسسسسا ف بدايته، وانتوا راح تكونوا البدايااات ف التأسيس، يعني حيكون أهم شي لكم الجهد وإنكم حتفضلوا تحاربوا وتتعبوا لين ربي يحقق لكم أمنياتكم، لأنكم ف البداية طبعن راح تتبهدلوا بس ف المقابل ربي ما راح يضيع جهدكم انشاا الله.. متعودين عالبهدلة ما في شي جديد بس رح نوصل للي نبغاه...دا السؤال يعني داا من المواضيع البدائية لكم كبنات، وشوفي إيش صار فيها وكالة ترافع " لمحامية " ف القسم نفسه مافي مجالات ف البكالوريوس زي الادارة العامة، مجال واحد بس، بالأصح راح تدرسي قانون عام في جميع المجالات المدني والجنائي والتجاري والدستوري وووو... احلى شي الجنائي حاولي تقابلي بنات من نفس المجال حتى لو خارج العمل ف مكاتب المحاماة، واستفسري منهم واسأليهم وما راح يقصروا معاكي.. الله يوفقك يارب انشاا الله ويسهل عليكي وتكوني ف التخصص اللي يناسبك ويحقق لك كل ما تتمني يااارب؛؛

آآآآمين يارب...
شكرا انك رفعت معنوياتي...

ثاانكس

[بحر الحرية]

مو دي مشكلتي.... كلهم يقولو انظمة ابو كلب...بس انا مررررررة عاجبني وداخل مزاجي

خيتوو كلللهم اللي يقولولك، ماا رااح ينفعوكي، تعرفي مشاا الله النااس عندناا تحووب كتر الهرج ف اللي تعرف واللي ما تعرف، أهم شي إنتي إيش تبغي وإنتي ايش تتمني تكوني بعد ما تتخرجي..

الوظيفة والأشياء دي كلها بيد ربنا، يعني وربي ممكن تكوني ف أفضل تخصص بس ما تكون عندك المهارة، بكداا انسي أي جهة تاخدك، لأنك راح تكوني سبب ف ضررهم، ولو انتقلتي للعمل الفردي محد راح يتعامل معاكي برضوو لأنك حتكوني ضرر عليهم، مع إنك ف تخصص مرغوب مثلا..

ف النهاية إنتي اللي راح تجتهدي وراح تتعبي وانتي اللي حتحصلي، ولا تتوقعي أي شي يجيكي بسهولة..

بس رح نوصل للي نبغاه...دا السؤال

دي الأشياء عند ربنا، بس يبغالكم اجتهاد وصبر، شوفي الدكتورة نورة الفايز، مين يتوقع ف يوم إنهاا راح توصل وتصير نائبة وزيز، صحيح إنهم بهدلوها وكل يوم يطلعوا لهاا بشي جديد، وقالوا عنها ليبرالية وعلمانية ووووو... لو استسلمت لكلامهم وربي كان لقيتيها دحين ف بيتها ومعلقة شهادتها، لكن الحرمة مشاا الله صبرت وكافحت وربي ما ضيع تعبها وأعطاها، ولين دحين بيحاربوها، ولين دحين يتابعوا أخطاءها، قبل فترة كانت مع وزير التعليم الصيني، وصوروها صورة عادية جدا، قالوا:
شوفوا كيف بنت البلد تشوه سمعة بلدنا في الخارج!!!

الناس متعبة، واللي يسمعلهم راح يخسر ويتعب، ارمي كلامهم ورى ظهرك، خصوصا إداا ربي أنعم عليكي بأسرة متفاهمة معاكي كبنت..

ولا تنسي ربنا يقول ف القرآن: "إن الله لا يضيع أجر من أحسن عملا"، وإنشاا الله ما يضيعه لكي ف الدنياا قبل الآخرة..

أناا إنشاا الله راح اسألك ع التخصص لكي كبنت، وراح أرد عليكي بالكلام اللي يقولوه لياا..

سي ياااا؛؛

[طالبة.مجتهدة]

^^^
يالله يا بحر....
مررررررررة انبسطت.....بكلامك...

تعرف ايش غايتي من قانون...
اني اعرف حقوقي وايش ليا وايش عليا...
يعني اكون عارفة اذا احد قلي دا غلط ولا صح اعرف اجاوبو بالقانون....
يعني مو غايتي الوظيفة...
اذا كنت حفكر في الوظيفة عز الله ما قعدت في تخصص واحد بجلس اتنقل...



يب شايفة ايش يصير بالدكتورة نورة....
صراحة تعجبني ..
والناس ما يبغوا يشوفو سعودية ناجحة في حياتها ولا ايش بالزبط ماني عارفه للبعض الصحفيين الجاهلين...


اوكي خلاص اسأل ورد ...

ثاانكس بحر..
من جد يعطيك الف الف عافية

[violllet]

المشاركة الأصلية كتبت بواسطة طالبة.مجتهدة اذا كنت حفكر في الوظيفة عز الله ما قعدت في تخصص واحد بجلس اتنقل...

عليكِ نور .. اللي ربنا كاتبه لكِ رح تلاقيه سواء درستي أنظمة أو غيره
و ما خاب من أستخار و لا ندم من أستشار




موفقه ..

[طالبة.مجتهدة]

المشاركة الأصلية كتبت بواسطة violllet عليكِ نور .. اللي ربنا كاتبه لكِ رح تلاقيه سواء درستي أنظمة أو غيره و ما خاب من أستخار و لا ندم من أستشار موفقه ..

طبعا في البداية والنهاية رح استخير...
بس برضو لازم اعرف واقارن بين اللي انا فيه وبين اللي حنقل له...



بالتوفيق

[سكووت]

دحين منزلة موضوع هنا وانا صحبتك اخر من يعلم

شوفي قلبي اذا التخصص عاجبك لازم تلحقي على نفسك وتحولي لانو ماحتبدعي غير بالشي اللي تحبيه
وماعليكي من كلام الناس انا سنة ضاعت بتخصص ادارة عامة بسبب كلام الناس ولا كنت اقدر احول انظمة من بدري لكن تاثرت بكلام الناس وقالو ليا كملي ادارة اريح لك وعشان هيك تاخرت في التحويل ..
شوفي اللي تحبيه واستخيري واختاري اللي ترتاحيلو ..

[طالبة.مجتهدة]

المشاركة الأصلية كتبت بواسطة سكووت دحين منزلة موضوع هنا وانا صحبتك اخر من يعلم ما كنتي عالمسن عشان اقولك... شوفي قلبي اذا التخصص عاجبك لازم تلحقي على نفسك وتحولي لانو ماحتبدعي غير بالشي اللي تحبيه وماعليكي من كلام الناس انا سنة ضاعت بتخصص ادارة عامة بسبب كلام الناس ولا كنت اقدر احول انظمة من بدري لكن تاثرت بكلام الناس وقالو ليا كملي ادارة اريح لك وعشان هيك تاخرت في التحويل .. شوفي اللي تحبيه واستخيري واختاري اللي ترتاحيلو ..

ان شاء الله رح اسمع نصيحتك...
مممممممم نتفاهم عالمسن ان شاء الله...
يسلموو سكوت

[Patricia]

حبيبتي .. استشيــري واستخيــري ..

وأهـــم شي لمــآ تختاري تخصصك تكـوني تحبيـه .. وبكـذآ راااح تتغلبي ع كل الصعوبااات والتحديااات ..


يـــآالله ان شاءالله في يوم نشوفك محاااامية يشـــآر لهاااا بالبنان ..


ربي يسعدك ويوفقك ..

أخ ـتك .. بــآتي /