كم تتوقعو يقفل نسبه الطب (طالبات فقط) لعام 2014

[ranumg]

السلام عليكم ورحمه الله وبركاته

طبعا زي مهو مكتوب في العنوان كل وحده تخش وتكتتبب توقعها من وجهه نظرها بس عشان نشوف الاحتمالات الوارده هههههغهغههغ


انا عن نفسي اتوقع طب اساسي حيقفل 99 وطب موازي ممكن 96

وتحسو دفعتنا ادفر من اللي قبلنا صح ؟

[Ebtihal AlGhamdi]

في اشد الاحوال اتوقعها حتوقف مابين 96 الى 97.5 وادا مرة الدفعة حتصدم التوقعات ما اظن تزيد عن 98

الدفعة صحيح شاطرة بس ما اتوقع يكون الفرق كبير ابدا مابين ميد 13 و ميد 14

السبب انو الناس ركزت في النسب على المواد العلمية وتركت تسأل عن الانجليزي بمعلوم ان العقبة بين كل طالبة وتخصص الطب (في الغالب) هوا الانجليزي

وعشان اكون صريحة اكثر اغلب البنات اللي جابوا الـ 100 في المواد العلمية وحتى الحاسب والاتصال نزلوا بالانجليزي عالأقل درجتين الى 4 درجات ..

يعني انا احس اللي يقول حتوقف ع 99.5 والشغلات دي مبالغ فيها والله اعلم ..
صحيح انو فيه طالبات عادلوا الانجليزي وزاحوه
لكن النسبة الاكبر اخدته حتى لو لفل واحد

وعموماً احس ادا الوحدة جابت فوق 98 فهيا في بر الأمان باذن الرحمن وربي يوفق الجميع

[دمعي عتب]

المشاركة الأصلية كتبت بواسطة ebtihal alghamdi في اشد الاحوال اتوقعها حتوقف مابين 96 الى 97.5 وادا مرة الدفعة حتصدم التوقعات ما اظن تزيد عن 98 الدفعة صحيح شاطرة بس ما اتوقع يكون الفرق كبير ابدا مابين ميد 13 و ميد 14 السبب انو الناس ركزت في النسب على المواد العلمية وتركت تسأل عن الانجليزي بمعلوم ان العقبة بين كل طالبة وتخصص الطب (في الغالب) هوا الانجليزي وعشان اكون صريحة اكثر اغلب البنات اللي جابوا الـ 100 في المواد العلمية وحتى الحاسب والاتصال نزلوا بالانجليزي عالأقل درجتين الى 4 درجات .. يعني انا احس اللي يقول حتوقف ع 99.5 والشغلات دي مبالغ فيها والله اعلم .. صحيح انو فيه طالبات عادلوا الانجليزي وزاحوه لكن النسبة الاكبر اخدته حتى لو لفل واحد وعموماً احس ادا الوحدة جابت فوق 98 فهيا في بر الأمان باذن الرحمن وربي يوفق الجميع

أنا مع كلام ابتهال بالإضافة إلى إن كثير بنات مش حابين الطب أو عندهم اعتبارات ثانية وتشوف إن سنوات الطب طويلة وهذا ماينكر إن حلم الجميع الطب لأنه أعلى العلوم .. بس فتحت تخصصت ثانية مثل الهندسة الصناعية والكهربائية ونافست مجال الطب وكثير بنات كنت أشوفهم متضايقين من الأحياء .. والطب أحياء بس بشكل دقيق ومتخصص !!


رأي ووجهة نظر

[انتِمَآء]

أنا أتفق مع إبتهال .. يعني 99 نسبة بالمررة ماهي متوقعة

إحتمال تكون 97 ويمكن أكثر ويمكن أقل بنسبة

[جامعية14]

دفعتنا دافورة صح بس ماتوصل 99
يمكن 96 او 97

هاذا طب اساسي ~> طب وجراحة
تتوقعوا العلوم الطبية التطبيقية نفس الطب ؟

[ranumg]

المشاركة الأصلية كتبت بواسطة جامعية14 دفعتنا دافورة صح بس ماتوصل 99 يمكن 96 او 97 هاذا طب اساسي ~> طب وجراحة تتوقعوا العلوم الطبية التطبيقية نفس الطب ؟

لا طبعا قصدك من ناحيه النسبه اللي حيقفل عليها !! مستحيل يكون زي الطب

السنه اللي فاتت قفل العلوم الطبيه التطبيقيه 91.85

والعلوم الطبيه التطبيقيه الموازي قفل 89.40

السنه هادي ممكن يقفل 92 فاصله شي كبير
والموازي ممكن 90 او ممكن نفس نسبه العام

[ranumg]

كلام ابتهال بالصراحه مقنع بس انا سالت وحده من الاستازات بتقول انو الدفعه دي مره شاطره وحيكون في فرق في نسب القبول عن العام

فاتوقع بما انه العام قفلت على 97 انو السنه حتكون 99 !!
او انو 98 فاصله رقم كبير

بذات انو اللي طالبين الطب تقريبا كل الدفعه =/

ولا مو كدا !! وبرضو كلام ابتهال عين العقل بس مدري نشوف الاحتماليات

[Positive]

اتوقع الطب بمكآفأه 98
والطب الموازي 96
لا تنفجعوا مجرد توقع 😁

[جامعية14]

لا طبعا قصدك من ناحيه النسبه اللي حيقفل عليها !! مستحيل يكون زي الطب السنه اللي فاتت قفل العلوم الطبيه التطبيقيه 91.85 والعلوم الطبيه التطبيقيه الموازي قفل 89.40 السنه هادي ممكن يقفل 92 فاصله شي كبير والموازي ممكن 90 او ممكن نفس نسبه العام

ان شاء الله يكون كلامك صح

[sereeno]

وي صدمتوني بمستوى الدفعه من أول إللي أسمعو إنهم مو أشطر من اللي قبل وإنو النسب حتنزل