بخصوص الترم الصيفي لطالبات المسار العلمي

[miss.n.m]

السلام عليكم ورحمة الله وبركاته
عندي استفسارات بخصوص الترم الصيفي اللي عنده علم وخبره يرد ويجعلها ربي في موازين حسناته اما اللي مو داري بس يتفلسف ويعطيني من كيسه ارجو منه /ـاا عـدم الرد
1- عادي لو غبت الاسبوع الاول من الترم الصيفي
2- ماهو التاريخ الفعلي لبدا المحاضرات في الترم الصيفي لطالبات التحضيري
3-كم عدد الاختبارت (يعني في دوريات ) كم الدرجات وكيف طريقة توزيعها
4-في الجدول كاتبين وقت المحاضرة من7:30-9:50المده مرااااا طويله هل صحيح الكلام هذا ولا لا
5- كيف اوقات الدوام في رمضان تتغير ولا زي ماهيه
6-سمعت انه تحذف اجزاء من المنهج صحيح الكلام ولا محض اشاعات
امممم ايش كمان والله نسيت
عموماً لوتذكرت بسال مرا ثانية
شااااااااااكره لكم وادري اني مرااااا زودتها بس ماعندي غيركم الله لايحرمكم مني 😑😑😂

[miss.n.m]

ايوااااااااااا تذكرت انا حامله3مواد احياء واحصاء وكيمياء
ومعدلي حالياً التراكمي يعنيي الترم الاول مع الترم الثاني 3.065
وان شاء الله يرتفع مع الترم الصيفي
السؤال انا ابغا ادخل حاسب الي هل من الممكن انه انقبل فيه ولا لا
واعطوني رايكم في معدلي كويس ولا مو كويس
وترا ماحملت المواد كسل وبلاده بس كانت عندي ظروف والحمدلله على كل شي
يلا انتظر ردودكم

[miss.n.m]

ياجماعه ردو يعني 13مشاهده ولا تعليق
قاعده استناااكم
ردوووو بليززززز

[miss.n.m]

🙉🙉الووووووووووووو

[Hatoon hamed]

أنا ما اعرف عن كل اللي قلتيه لكن اعرف النسب الموزونه لكلية الحاسبات للسنه اللي فاتت دفعة 13 ..
كلية الحاسبات فرع رئيسي : 84 بفواصل
كلية الحاسبات موازي فرع رئيسي :72.63
كلية الحاسبات في الفيصليه : 78.25
عاد انتي شوفي الموزون حقك كم و حتعرفي .. و ما حيطلعلك غير لمن تختبري المواد الصيفيه ..
طبعا يمكن ترتفع النسبه في دفعتك و يمكن تنزل يعني لا تعتمدي عليها كل الإعتماد و بالتوفيق يارب

[Hatoon hamed]

ايوا في معلومه تانيه حبيت اقولك هيا .. في الصيفي راح يحسبولك النقاط كأنك اخدتي 60 .. مو هوا كل ماده 15 نقطه كامله ؟ و تتغير بالدرجه ..
المهم هما حيحسبولك هيا 3 نقاط لو نجحتي ان شاء الله .. حتى لو جبتي كامل يعني .. الله يسهل لك

[Demado]

أنا نفس وضعك عدا إني زدت حملت الرياضيات مع الثلاثة الأولى ، المهم رداً على اسئلتك ماأعرف جوابها كلها لكن رح أقولك إللي أعرفه
سؤالك الأول / حقيقةً ماأعرف لكن الأحسن لو تداومي عشان تعرفي مكان كلاساتك و كذا يعني عشان ماتضيعي
سؤالك الثاني / هما كاتبين بالجدول نبدأ 8/8 لكن اليوم يوافق جمعة فماأعرف إشبهم لكن أكيد رح يكون الإسبوع الجاي
سؤالك الثالث / ماأعرف والله سألت قبلك لكن محد جاوبني إللي أعرفه إنو الإختبارات النهائية بعد العيد في شهر شوال
سؤالك الرابع / ماعندي أي فكرة صراحةً
سؤالك الخامس / أعذريني برضوا ماأعرف عنها لكن أتوقع مارح تتغير
سؤالك السادس / يب يساعدوا هذا أكيد لكن كيف ماأعرف بس الكلابة بالموضوع إنو مهما كانت الدرجة إللي تجيبها رح يحطوك ناجحة ب60 زي كلام الأخت إللي ردت عليك

عارفة ماأفدتك كثير لكن شفتك تسألي و محد رد قلت أرد لإنو ماأحب هذه الحركة تتعمل فيني فماأحب أعملها بأحد والله يسهلك و يسهلي معاك و يسهل لكل الطلاب يارب

[Hatoon hamed]

هيا مو كلابه .. ما أدري اذا دا اجحاف كبير او لا انو يحسبوها 60 .. لكن ماحينفع يساوو الطالبه اللي حملت مواد بـ الطالبه اللي ما حملت ..

[Somaiah Yousef]

المشاركة الأصلية كتبت بواسطة miss.n.m السلام عليكم ورحمة الله وبركاته عندي استفسارات بخصوص الترم الصيفي اللي عنده علم وخبره يرد ويجعلها ربي في موازين حسناته اما اللي مو داري بس يتفلسف ويعطيني من كيسه ارجو منه /ـاا عـدم الرد 1- عادي لو غبت الاسبوع الاول من الترم الصيفي 2- ماهو التاريخ الفعلي لبدا المحاضرات في الترم الصيفي لطالبات التحضيري 3-كم عدد الاختبارت (يعني في دوريات ) كم الدرجات وكيف طريقة توزيعها 4-في الجدول كاتبين وقت المحاضرة من7:30-9:50المده مرااااا طويله هل صحيح الكلام هذا ولا لا 5- كيف اوقات الدوام في رمضان تتغير ولا زي ماهيه 6-سمعت انه تحذف اجزاء من المنهج صحيح الكلام ولا محض اشاعات امممم ايش كمان والله نسيت عموماً لوتذكرت بسال مرا ثانية شااااااااااكره لكم وادري اني مرااااا زودتها بس ماعندي غيركم الله لايحرمكم مني 😑😑😂

وعليكم السلام ورحمة الله وبركاته

مع إني أبدا ماحبيت دي الجملة

مافي شي اسمه يتفلسف من كيسه .. هي آكيد اما معلومات خاطئة وصلت له .. أو فهم خاطئ من طرفه

ماهي فلسفة ولا شي وعاد انتي حرة وتشوفي ردود الاعضاء كلهم مو لازم تعتمدي ع عضو واحد

التاريخ الفعلي زي ماهوآ في الموقع 10 شعبان لكن مآيندري لو تبدأ المحاضرات ولالا

بالنسبة لوقت المحاضرة اللي اعرفه إنها تكون طويلة في الصيف .. اطول من المعتاد ..

وفي رمضان تتقلص المدة

وآآآآ هذا يمكن فلسفة من كيسي .. مايندري ؟

معسلامة

[Somaiah Yousef]

المشاركة الأصلية كتبت بواسطة hatoon hamed هيا مو كلابه .. ما أدري اذا دا اجحاف كبير او لا انو يحسبوها 60 .. لكن ماحينفع يساوو الطالبه اللي حملت مواد بـ الطالبه اللي ما حملت ..

ميين اللي يقول هذا الكلام ؟

ما اتوقع صحيح

اللي اعرفه ان الدرجة اللي تجيبها .. تنزلها

بالنسبة للمساواة وما إلى ذلك

مافيها مساواة ابدا .. لان المعدل عند الطالبة المتعثرة دايما يكون اقل حتى لو جابت 100