( تجربتي الشخصية .. بدايه من التخرج .. حتى الوظيفه )

[بنت قحطان]

السلام عليكم .. هنا راح ابدا بتجربتي الشخصية بدايه من تخرجي حتى وظيفتي الان .. انا كنت احدى طالبات جامعة الملك عبدالعزيز ( انتساب ) تخرجت عام 1433 بمعدل 3.78 وكنت حاطه ببالي بس اتخرج راح أتوجه لمستشفى الصحة النفسية بجدة ورحت تحديدا لقسم التدريب واستفسرت هل فيه مكان أتدرب عندهم وكان فيه قبول الحمدلله واعطوني ورقه وتوجهت للهيئه الصحيه رغم الزحمة والانتظار بالساعات لكن الحمدلله عدت أعطيتهم ورقتي وعبو بياناتي وكانت معاي بطاقه الأحوال حقتي والوثيقة وأخذت من كل وحده صوره للاحتياط .. ثم دفعت الرسوم 3000 ريال لمدة 3 شهور طبعا عن كل شهر 1000 ريال كنا نتدرب على مقاييس نفسيه ( وكسلر راشدين - وكسلر أطفال - مقياس بك للاكتئاب - مقياس تايلور للقلق - MPI متعدد الأوجه .. مقياس ايزينك - مقياس الحاله العقليه المختصر - مقياس فاينلاند النضج الاجتماعي - وكذلك العلاج النفسي ( السلوكي ) وكمان تدربنا على كيفيه كتابه دراسه الحاله من قبل الأخصائي النفسي وكيفيه كتابه التقارير النفسيه وكيف نتعامل مع المريض في العيادة بجميع حالاته .. شفنا مرضى وطبقنا عليهم الاختبارات كانت مره جلسه ذكور ومره جلسه إناث .. عدت الحمدلله .. اخر أسبوع كان عندنا اختبار في المستشفى عشان يعطونا شهادة تدريب .. كانت الأسئلة سهله جدا جدا .. اول سؤال اذكري اثنان من مقاييس الذكاء من خلال ماتدربتي ؟ والسؤال الثاني عددي نقاط الجزء اللفظي بمقياس وكسلر للراشدين ؟ وسؤال متى يقف اختبار المعلومات العامه بوكسلر الراشدين .. وسؤال كمان ماهو العلاج السلوكي ؟ .. والحمد لله اجتزنا وجبنا 100 كامله وأخذت الشهادة وورقه من التدريب توجيه للهيئه بعد التدريب .. خلال هالفتره اخذت دوره الانعاش القلبي cbr من ضمن شروط الحصول على بطاقه الهيئه .. بعد كذا جاء اختبار الهيئه كان تحريري ومقابله وللامانه كانت صعبه بس بقولكم عن كل شيء .. رحت بين فتره وفتره للهيئه عشان أبغى اعرف متى تحدد الاختبار وفين مكانه .. واعطوني خبر وكنت أراجع من كتب نفسيه بقولكم عليها و راح أضع اسئله الهيئه والمقابلة من تجارب بعض البنات والشباب في الامتحان عشان تستفيدون منها مع الأيام وما تكون محصورة على شخص ..