تحويل من انتظام الي تعليم عن بعد استفسار ضروري

[R.ahmed]

السلام عليكم
عندي استفسار ضروري
انا تخصصي قانون انتظام واليوم رحت الجامعه طلبت تحويل من انتظام الي تعليم عن بعد وقلت للموظفه بكمل نفس تخصصي قالتلي اذا ححولك لكليه الاعمال في رابغ
وانا اجتزت 47 ساعه في تخصصي مع السنه التحضيريه طبعا
والان حولوني بس مكتوب في ملفي الأعمال - رابغ - مستجد ؟؟؟
انا مصدومه الله يسعدكم احد يقولي يعني راح اعيد من جديد ؟
انا ابغا نفس تخصصي معقوله حبدا من جديد ومحا اقدر اكمل في تخصصي ؟
والساعات اللي درستها ومواد السنه التحضيريه ومواد القانون ماراح يعادلوها ؟
انا اهم شي عندي ابغا نفس التخصص معقول يحولو عالكليه بس ومكتوب القسم غير معروف ليه ؟
اللي يعرف اي شي يساعدني ضروري مشكلتي اني ماسالتها لانو ماجا في بالي انو راح يخلوني مستجد اتوقعت حيعادلو الساعات وحاكمل =(((((

[وفقني ي رب]

هلافيك
مفروض تتعادل الساعات تلقائيا
واعرف انو تخصص القانون بيكون في كلية رابغ
مستجد يعني تدرسي من اول جديد
نصيحتي لك تراجعي الجامعه وتطلبي معادلة ساعاتك لانو حرام 47 ساعه تضيع منك ومن تعبك
اذا ماتعادلت لك انصحك ترجعي لنفس نظامك موفقه لكل خير وطمنينا ايش يستجد في امرك ..

[~ همس القلوب ~]

مستحيل تضيع ساعاتك ويروح مجهودك هدر !!

[ساره (.^_^.)]

انا برضو لمن حولت من انتظام لتعليم عن بعد نفس تخصصك قانون كتبولي مستجد بس ماراجعت احد وكان الموضوع مره عادي واتعادلت الساعات من نفسها بس عشان انا كنت رياضيات انتظام كان في مشكله في معادلة المواد
بس لا تخافي من كلمة مستجد اتوقع يعني انك مستجده في تعليم عن بعد او التخصص وادا تبغي تطمني اكثر روحي العماده